Erandioko Sanitas Loramendiko egoitzako langileak greba mugagabean daude urriaren 20az geroztik, garbiketako langileek bizi duten diskriminazioa gainditu eta gerokultoreen taldearen kontziliatzeko eskubidea bermatzeko. Erandioko Udalean ordezkaritza duten alderdi guztien babesa jaso dute, Emakunderi egin diote dei eta Bizkaiko Foru Aldundira ere jo dute, Gizarte Ekintzako diputatu Isabel Sanchez Robles eta Berdintasuneko diputatu Maria Teresa Laespadarekin bilerak eskatuz.Bada, gaurtik hasita, Sanitas taldeak dituen beste egoitzetan mobilizatzen hasi dira Erandioko Loramendiko langileak. Horrela, Sanitasek Barakaldon duen egoitzaren aurrean elkarretaratzea egin dute goizean.