2024-02-29
HomeZerbitzu PribatuakMerkataritzaSaltoki Handietako EAEko Hitzarmenaren aldeko mobilizazioak

Saltoki Handietako EAEko Hitzarmenaren aldeko mobilizazioak

Egunotan Saltoki Handietako hitzarmen estatalaren hitzarmenaren negoziazioa burutzen ari da eta ANGEDek urteetan zehar langileek bereganatutako eskubideak kentzen dizkien plataforma aurkeztu du. Guzi hau salatzeko eta EAEko hizarmenaren alde, UGT, CCOO eta LAB sindikatuek elkarretaratzeak egingo dituzte Barakaldoko IKEAn eta Oiartzungo Carrefourren aurrean.

UGT, CCOO eta LAB sindikatuen irakurketa

SALTOKI HANDIAK: MURRIZKETEI EZ!!

«Saltoki Handietako hitzarmen estatalaren hitzarmenaren negoziazioa burutzen ari da. Ez du inporta 2012an hitzarmen hau aplikatzen duten enpresek mozkin garrantzitsuak izateak, zeren eta krisia izan dute aitzaki guri eskubideak kendu eta soldata murrizteko.

ANGEDek urteetan zehar langileok bereganatutako eskubideak kentzen dizkigun plataforma aurkeztu du.

Berriro ere Madriletik soilik inposizioak eta eskubide urraketak datozkigu. Oraingoan ez da Rajoy, baizik eta Patronala. Hitzarmen estatal hau eskubideak murrizten ditu, lan baldintzen gizatasuna kenduz eta are gehiago okertzeko asmoarekin, hauek bezalako erasoekin:

-Urteko lanaldiaren igoera, 1770tik 1826 orduetara igaroz.
-Aparteko paga baten zenbatekoaren murrizketa=urteko soldataren %6ko murrizketa.
-Hileko lan egutegiak, aldaketa jasan ahalko direlarik.
-Familia eta lana bateragarri izateko ezintasuna.
-Ez dira oporraldi itxirik egongo eta oporren poltsa desagertu egiten da.
-Ordaindutako baimenak maila onartezinetan murriztuak.
-Aintzinatasunaren izoztea eta etorkizunera begira honen desagerpena.

Guk gure eskubideen aldeko borrokan jarraituko dugu. Ez gaude inposizioak onartzeko prest, iada baditugun eskubideak defendatzen jarraituko dugu. Gaur inoiz baino gehiago langile klasearen duintasuna protagonista izango den agertoki berria bultzatu behar dugu. Bada ordua dagokiguna bereganatzeko.

Saltoki handietako euskal langileok gure eskubideen jabe izan nahi dugu. Ez dugu onartuko Saltoki Handietako patronala sektoreko langileon kontura aberasten jarraitu dadin.

Iada ez dago aitzakirik! Langile guztien batasunetik aurre egingo diegu eta entzun beharko gaituzte. Euskal langileok hitza eta erabakia izan behar dugu. Gure eskubideak bermatuko dituen marko propioa lortuko dugu.» 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Greba egun arrakastatsua Amazonen, enpresak langileen asmoei jaramonik egiten ez dien bitartean

Gaurko greba egunaren balorazioa oso positiboa da, parte-hartzea erabatekoa izan dela esan dezakegu. Plantilla finkotik arduradun gehienak sartu dira, baina kontuan izan behar da arduradunek ez dutela pakete bat bera ere ukitzen, eta, beraz, oinarrizko langileek ez badute lan egiten Amazoneko operatiba guztia ez da ateratzen.

SKOLAEren kontrako azken erasoa salatzen dugu

Administrazioari eskatzen diogu har ditzala beharrezko neurriak ikastetxeetan aniztasunaren aldeko programa hau aurrera eramaten dela bermatzeko. Hezkidetzan eta feminismoan oinarritzen den programaren aurkako enegarren erasoa da hau, eta LAB sindikatuan ez dugu onartuko horrelako eraso gehiagorik!

Envases multinazionalak 68 kontratu iraungitzeko Enplegu Erregulazio Espedientea aurkeztu du

Envases Universal 7 lantoki dituen multinazionala da, horien artean Ugaokoa, 108 langile dituena. 2023ko uztailera arte lantoki hori Domiberiarena izan zen, harik eta Envases Universal enpresak ordura arte Domiberiarenak ziren lantokiak erosi zituen arte, hain zuzen ere. Aste honetan, multinazionalak Enplegua Erregulatzeko Espedientea aurkeztu du, Ugaoko eta Montmeloko zentroen artean 68 lanpostu iraungitzeko ekoizpen- eta antolaketa-arrazoiak argudiatuta.