Rafa Diez Usabiaga, LABeko Idazkari Nagusi oiha, aske uzteko exijitzeko ekitaldia antolatu dute Bartzelonan CIEMEN eta Intersindical-CSCk. Ekitaldi honetan Euskal Herri eta Catalunyako kide ugarik hartuko dute parte. LABen izenean Garbiñe Aranburu izango da bertan elkartasunaren garrantzia eta borrokari eusteko beharra azpimarratuz.
CIEMEN eta Intersindical-CSCk Rafa Diez Usabiagaren alde antolatutako ekitaldi honetan parte hartuko dute Intersindical-CSCko idazkari ohia den Isabel Pallarèsek, Sortuko Pernando Barrenak, LABeko Garbiñe Aranburuk, kazetari eta diputatu ohia den David Fernándezek, David Minovesek (CIEMENeko Presidentea), Carles Sastre (Intersindical-CSCeko Idazkari Nagusia) eta Naike Díez, Rafaren semeak.
Duela sei urte, Rafa Diez Usabiaga eta Bateragune auziko beste kideak Euskal Herriaren alde egiteagatik sartu zituzten kartzelan modu injustuan. Estatu espainolak bere esku dituen tresna guztiak erabili zituen eta erabiltzen ditu independentismoaren aurka egiteko. Honelako injustizien aurrean ezinbesteko deritzogu klase elkartasuna, herrien arteko elkartasuna, baita sindikatuen artekoa ere. Bartzelonan antolatutako ekitaldia bezalakoek Estatuaren errepresio eta kriminalizazioaren aurka indarrak batzeko balio dute.