Langileok astearte eta ostegunero eguerdiko 12:00etatik 13:00tara enpresaren aurrean kontzentrazioak egitea erabaki dute, enpresaren jarraipena sustatuko lukeen proiektua aurrera eramateko Klarius Taldearen borondate eza salatzeko.
Ingalaterrako Klarius Taldeak 2010. urtean Quinton Hazzel España S.A. (garai bateko Lipmesa) enpresa erosi zuen. Indargetzaile eta baliabide pneumatikoen ekoizpen eta komertzializazioan dihardu. Gaur egun 150 langilek egiten dute lan bertan.
Lipmesako langileek hilabeteak daramatzate enpresaren hondoratze ekonomikoa ikusten eta honen aurrean enpresako zuzendaritzak eta Klarius Taldeak ez dute inongo erabakirik hartu.
"Enpresarekiko apustu eza horrek gaur egungo egoerararen arrazoia" dela salatu du enpresa batzordeak. Enpresa lehiaketa prozesu baten aurrean dago, hau da, enpresa nork erosiko duen zain, "hau izango bailitzateke enpresaren jarraipena bermatuko zukeen irtenbide bakarra" komitearen arabera.»