2024-04-12
HomeZerbitzu PublikoakZerbitzu Soziokomunitarioa"Kalean uso, etxean otso", leporatu diote Aldundiari Egogain helduen egoitzako langileek

“Kalean uso, etxean otso”, leporatu diote Aldundiari Egogain helduen egoitzako langileek

Eibarko Egogain helduen egoitzako langileek Kursaalera eraman dituzte euren aldarriak, Gipuzkoako Foru Aldundiko langileen babesarekin, zaintzari buruz bertan antolatutako kongresuaren aurrera. "Aldundiak sustaturiko kongresu hau aurpegi garbiketa hutsa da, propaganda hutsa, kalean uso etxean otso", adierazi dute.

Egogain Gipuzkoako Foru Aldundiaren azken zahar-egoitza publikoa da. Bertako langileok borrokan daude euren egoitzan bizi diren pertsonen alde eta lan baldintzen alde; pertsona nagusi, mendekotasun handia, adimen urritasuna eta gaixotasun mentalak dituzten pertsonen alde, alegia:

• Arreta duina eskaini ahal izateko langile gehiago behar dituzte.

• Ratio egokiak behar dituzte.

• Emakumeok egiten duten lana aitortzea behar dute; ez dira “zaintzaileak”, erizain laguntzaileak baizik.

• Zerbitzu publikoa langile publikoekin. Azpikontratazioari ez!

• Ezabatutako lanpostuak berreskuratu.
 

 

 

AZKEN ALBISTEAK | ĂšLTIMAS NOTICIAS

Guitrans patronalari exijitu diogu blokeoa eteteko

Gipuzkoako salgaien errepide bidezko garraioaren hitzarmena berritu nahi dugu behingoz. 6.000 langile baino gehiagori eragiten dio hitzarmen horrek.

Mecanerren itxiera ekidin eta Euskal Herrian industriaren eta enpleguaren etorkizuna bermatzeko politikak exijitu dizkiegu instituzioei

Urdulizeko automobilgintza lantokiaren jabe den Stellantisek 2023ko irailean jakinarazi zuen enpresa ixteko erabakia, eta orain Enplegu Erregulazio Espedientearen kontsulta epean murgiduta dago Mecaner. Bada, langileek erakutsi dute enpresaren bideragarritasuna eta jarraikortasuna posible direla, eta une erabakior honetan arduradunek esku hartzea premiazkoa da.

0-3 zikloa babestea eskatzeko manifestazioa egin dugu Iruñean

0-3 urtekoen hezkuntza zikloko sindikatu guztiok manifestazioa egin dugu gaur arratsaldean Iruñean, Carlos Gimenok zuzentzen duen Hezkuntza Departamentuari exijitzeko behingoz har dezala ziklo horren ardura, 0-3 zikloa hezkuntza baita. 300 pertsona elkartu dira mobilizazioan.