2024-04-23
HomeEkintza SindikalaPrekarietatea salatuko dugu bihar Ezkerraldean, Megapark zeharkatuko duen manifestazioaren bitartez

Prekarietatea salatuko dugu bihar Ezkerraldean, Megapark zeharkatuko duen manifestazioaren bitartez

LABek manifestaziora deitu du biharko, Ezkerraldeko langile askoren prekarietate egoera salatzeko. Martxa Barakaldoko Megaparkeko gasolindegitik abiatuko da, 11:00etan, eta, protestaz gain, prekarietatearen lehen lasterketa egingo dute: garailea gehien irabazten duen enpresa izango da, langileei baldintza prekarioenak ezarrita. Dominak Confebask, Eusko Jaurlaritza eta EAJko ordezkariek banatuko dituzte; baldintza prekarioak ezartzea ahalbidetzen dituzten arduradunek, hain justu.

LABek nabarmendu du Ezkerraldean langile behartsuak daudela. Askok diru sarrerak bermatzeko errenta (RGI) eskatu behar dute, pairatzen dituzten lan baldintza prekarioak direla medio. Adibide moduan, merkataritzan eta elikagaigintza arloetan Estatu mailako hitzarmenaren menpe daude, eta jasotzen duten batez besteko soldata 750 eurokoa da. Hala ere, emakume asko daude soldata txikiagoarekin, lanaldi osoko kontraturik ez dutelako.

Prekarietatea ere industriara iritsi da, kontratazio berriek ez baitituzte garai bateko eskubideak jasota. Hortaz, Ezkerraldeko gazteria emantzipatu ezinik eta emigratzera zigortuta egoten da. Gainera, langile gehien dituzten enpresetan, udaletan eta Gurutzetako Ospitalean, okerrera egin du egoerak. Enplegua sortzeko iturri izan beharko lirateke enpresa publiko hauek, baina murrizketak besterik ez dituzte egin.

Egoera honen aurrean, LABek biharko manifestaziora deitu ditu Ezkerraldeko langileak, prekarietatearen aurka borroka dezaten, sindikatuak datozen hilabeteetan kapitalismoak eragindako gaitz honen aurka egingo duen dinamikaren baitan. Hain zuzen ere, Ezkerraldeko langileen lekukoa beste eskualdetakoek hartuko dute martxoa bitartean.
 

 

 

AZKEN ALBISTEAK | ÚLTIMAS NOTICIAS

ZF LEMFORDER TVAn kaleratzerik ez dugu onartuko

LABetik Ermuko ZF LEMFORDER TVA enpresako langile gazte baten kaleratzea salatzen dugu. Enpresak langileari deitu zion antzinatasunagatik hurrengo errelebo kontratua izatea tokatzen zitzaionean, baina, ordea, enpresak jakinarazi zion egun hori zela enpresan lan egingo zuen azken eguna.

Babestu egin dugu oraindik aitortua ez zuten Osasunbideko osasun langileentzako Lanbide Karreraren ezartzea, baina osasun arlokoak ez diren langileei zabaltzea eskatzen dugu

Gaur eguerdian Iruñean egin den Osasunbideko mahai sektorialean, LAB sindikatuko kideok aldeko botoa eman diogu C eta D mailetako osasun langileentzako Lanbide Karreraren lege proiektuari. Lege proiektu hau LABek bere garaian Osasun Departamentuarekin lortu zuen akordioaren gauzatzea da, eta neurri garrantzitsua da horren onura jasoko duten 3.000 pertsona baino gehiagorendako. Hala ere, bidegabetzat jotzen dugu osasun arlokoak ez diren langileak kanpoan gelditu izana; beraz, borrokan jarraituko du Osasunbideko langile guzti-guztien lan baldintzak erabat duindu arte.

Osakidetzak ez du Euskara Plana betetzen eta iluntasunez jokatzen du konpromisorik eza ezkutatzeko

Osakidetzak urteak daramatza bere pasibotasunarekin EAEko osasun sistema publikoa benetan euskalduntzea eragozten. Propaganda engainagarriaz harago, eta bertako langileek beren zereginak euskaraz egin ahal izateko euskalduntze prozesua eragozteaz gain, ez du bermatzen erabiltzaile euskaldunek arreta euskaraz jasotzeko duten eskubidea.