LAB, ELA eta UGT sindikatuek deituta, elkarretaratzeak egin dituzte gaur Bilbon, Autonomiako Simply eta Atxukarroko Erkoreka supermerkatuen aurrean.

LAB, ELA eta UGT Bizkaiko elikagaien merkataritzako mahaian daude. Hiru sindikatuek patronalaren jarrera itxia salatu dute: "Blokeora garamatza".

Hain zuzen ere, Bizkaiko elikagaien merkataritzako hitzarmena ez dago indarrean gaur egun: "Beharrezkoa dugu hitzarmena, lehenbailehen, langileen lan baldintzak blindatzeko".

Sindikatuek jakinarazi dute abenduaren 7an eta 12an mobilizazio gehiago egingo dituztela; Ezkerraldean eta Eskumaldean, hurrenez hurren.