2024-03-28
HomeJazarpen sindikalaPP frankismo garaiko moldeetara itzuli da protesta sozialak isilarazi nahian

PP frankismo garaiko moldeetara itzuli da protesta sozialak isilarazi nahian

Polizia Nazionala gaur bost lagun atxilotu ditu Nafarroan, tartean LAB sindikatuko Zerbitzu Pribatuen arloko arduradun Saul Arangibel. M29ko Greba Orokorraren egunean desordena publikoa eragin eta lanerako eskubidearen aurka egin izana egozten diete atxilotuei. Dagoeneko 35 lagun izan dira Nafarroan atxilotuak azken Greba Orokorrarekin lotuta, Alderdi Popularrak UPNren laguntzarekin diseinatutako operazioetan. 
90.hamarkadan intsumisioaren mugimenduarekin gertatu bezala, PPk eta UPNk Nafarroa errepresio estrategia berriak entseatzeako laboratorio gisa erabili nahi dute. Orduan gertatu bezala orain ere, euren ahalagina antzua izango da: ez dute lortuko muntaia polizialekin justizia sozialaren aldeko mugimendu soziala geldiarazterik.

Nafarroan martxoaren 29ko Greba Orokorrak izandako arrakasta izugarriaren ostean, jakitun dira gehiengo sozialaren aurka ari direla gobernatzen. Murrizketan ezartzeko argudioak falta dituzte, eta hori horrela izanik, protesta soziala isilarazi nahi dute, zer eta frankismo garaiko moldeak berreskuratuz, estatu poliziala inposatuz orohar langile klasearen, eta bereziki sindikalgintzaren aurka.

Langile klasearen aurkako eraso global baten aurrean gaude. Eta guztiz ezinbestekotzat jotzen dugu sindikalgintzaren eskutik erantzun irmo bat ematea, baita indar politikoen aldetik ere, gertaera bakan batzuk Greba Orokorraren arrakasta ezkutatzeko erabiltzea Nafarroako Parlamentuan gehiengoz arbuiatu duten indar politikoen aldetik, hain zuzen.

Hori horrela izanik, LABek, hainbat eragilerekin batera, atxiloketen aurka antolatu dituen elkarretaratzeetan parte hartzeko: gaur 19.00etan Iruñeako Espainiako Poliziaren etxearen aurrean, eta bihar, 12.00etan, Gobernuko ordezkaritzaren aurrean.

Iruñea, 2012ko maiatzaren 3an

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.