2024-05-25
HomeEkintza SindikalaPlataforma digitalen bitartez banaketan aritzen diren langileak antolatzea duintasun afera bat da

Plataforma digitalen bitartez banaketan aritzen diren langileak antolatzea duintasun afera bat da

“Nire buruzagia ez da algoritmo bat.” Kapitalaren diktadurapean, patroiaren despotismotik algoritmo informatiko baten tiraniara pasa gara. Horrela izena du Riders x Derechos mugimenduak, beste eragile batzuekin batera, Bartzelonan antolatu dituzten topaketak. Bertan, plataforma digitalen bitartez banaketan aritzen diren langileak, sektoreko sindikatuak eta mugimendu sozialak bildu dira, etorkizunean eman beharreko pausuaz hausnartzeko. LAB sindikatuko kide Mikel Alvarez eta Iñigo Alonso bertan egon dira.

Garrantzitsua da aldaketa honek lan munduan izango duen (eta izaten ari den) abangoardia paperaz ohartaraztea. Sektorean bizi den ultraprekarietateaz haratago, kapitala lan harreman berri bat inplementatzeko lehen froga egiten ari da, eta, horregatik, ezinbestekoa da harresiak jartzea eta borrokarako formula berriak bilatzea. Langileak autonomo faltsuak bezala kontsideratzean datza, hein handi batean, enpresa hauen etekina. Gainera, kontrol sozialerako tresnak lan esplotaziorako elementuak bilakatu dituzte, hala nola, geolokalizazioa, mugikorreko aplikazioak ezartzen dituen derrigorrezko ordutegiak, autoesplotazioa bultzatzeko mezuak… Hori guztia da, ekiditen ez badugu, munduko langileen zati handi baten etorkizuneko kondena.

Langileen psikologia soziala, ordenamendu juridikoa, langileen antolakunde klasikoak, konfrontaziorako logikak (grebak, adibidez)… dena hankaz gora jartzen ari da plataformen bitartez funtzionatzen duen kapitalismoak. Galdera berri horien aurrean, aliantza berriak eta erantzun berriak artikulatu behar dira. Hori egon da denon ahotan jardunaldi hauetan zehar: unibertsitateko irakasleak, kazetariak, sindikatuak, beste sektoreetako langileak, nazioartetik etorritako kideak… diziplina ugarietan ari den jendearen ekarpenen bitartez, hurrengo pausuak zehaztu dira.

Etorkizuneko erronkak argi daude. Azken hilabetetan gure hiriburuetan koloreetako motxilekin gora eta behera dabiltzan langileak antolatzea duintasun afera bat da; estrategikoa, hain zuzen ere. Dagoeneko badaude esparru honetan lanean ari diren mugimenduak, hala nola, Eragin, Bilboko gazte prekarioen asanblada. Sare politiko, sozial eta sindikal guzti horiek artikulatzean egongo da langileon duintasuna eskuratzeko bidea. Ondorio bezala, Riderren nazioarteko mobilizazio eguna deitzeko aukera egon da mahai gainean. Prekarietatean kontrako harresiaren beste pausu garrantzitsu bat? Espero dugu baietz!

 

 

 

AZKEN ALBISTEAK | ĂšLTIMAS NOTICIAS

Iruñea-Tuterako San Juan de Dios ospitaleko langileek ez dute “low cost” langileak izaten jarraitu nahi

Mobilizazioa egin dute Iruñeko Udaletxe plazan, zuzendaritzari negoziatu dezala eskatzeko. Enpresa-batzordeak 5 hilabete daramatza 2022ko abenduan bukatu zen hitzarmen kolektiboa berritu nahian. Soldata duinak eskatu ditu, bizitzaren garestitzearen eta KPIaren arabera eguneratutakoak.

Bergaran lan istripua izan duen langile bat oso larri dago

Atzo arratsaldean lan istripu larria gertatu zen Bergarako Embalan3 enpresan. Enpresako langilea, kamioi bat zamatzen ari zela, zama gainera erori eta azpian harrapatuta geratu zen. Une honetan langilea oso larri zaurituta dago erietxean.

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.