2024-03-05
HomeEkintza SozialaHelduak eta PentsiodunakPentsioen murrizketen kontrako mobilizazioak bihar hego Euskal Herriko lau hiriburuetan

Pentsioen murrizketen kontrako mobilizazioak bihar hego Euskal Herriko lau hiriburuetan

Bihar, urriak 19, pentsioen murrizketen aurka azaltzeko eguna dugu. ELA, LAB, ESK, STEE-EILAS, EHNE, HIRU, CNT eta CGT sindikatuek eta hainbat gizarte eragilek deituta PPren Gobernuaren pentsio erreforma salatu eta haren kontra aurrean izango garela adierazteko mobilizazioak izango dira Hego Euskal Herriko lau hiriburuetan. Donostian (Bulebarrean) eta Bilbon (Jesusen Bihotzean) arratsaldeko 17:30etan, Gasteizen (Bilbao Plazan) 19:00etan eta Iruñean (Bus geltoki zaharrean) 18:00etan dira hitzorduak. 

GUNE plataforma osatzen duten sindikatu eta eragileek deitutako mobilizazioak bost arrazoi nagusiren bueltan egingo dira:

– Pentsioak eskubide -eta ez negozioa- direla aldarrikatzeko.
– Pertsona guztientzako pentsio duinak eskatzeko.
– Pentsio berrien zenbatekoa eta eroste ahalmena gutxitzen dituzten murrizketei uko egiteko.
– Pentsioen gaineko legeria Euskal Herrian erabakitzeko eskatzeko.
– Hego Euskal Herriko erakundeei pentsio publiko duinak berma ditzatzen eskatzeko, eta Madrilen onetsitako erreformen ondorioak konpentsatzeko osagarria ezar dezaten eskatzeko.

Bide honetan gazte, pentsiodun, langabetu, langile, ordaindu gabeko etxeko zaintzaileei, egoera prekarioan bizi diren emakume eta gizon guztiei dei egin die bihar, urriak 19, mobilizazioetan parte hartzeko. 

LAB sarean
{module[111]}

       

AZKEN ALBISTEAK | ÚLTIMAS NOTICIAS

Salatzen dugu ETBko zuzendaritzak hainbat programa ekoizteko zerbitzuak azpikontratatzen dituela, Unitate Mugikorra eta lantaldea libre egon arren

EITBko zuzendaritza nagusiak ETBko hainbat programaren produkzioa esternalizatzeko joera hartu du, EITBko Unitate Mugikorra (UM) eta lantaldea libre egonda ere. 

LABek Munduko Federazio Sindikalak Sao Paulon egindako Kontseilu Presidentzialean parte hartu du

Pasa den asteburuan Munduko Federazio Sindikalaren Kontseilu Presidentziala egin zen San Paolon, Brasilen. Munduko Federazio Sindikala 1945 urtean sortutako elkartea da. 133 herrialdetako 105 milioi langile inguru ordezkatzen ditu. Kontseilu Presidentziala bere zuzendaritza gune nagusia da, kontinente desberdinetako 50 kidek osatutakoa.

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.