Lau urte beteko dira pentsiodunek kaleak hartu eta pentsio duinen aldeko mobilizazio eta borroka eredugarriari ekin ziotela. 2021eko urte amaieran, pentsio erreformaren lehen zatia ezagutu genuen: KPI-arekin iruzurra eta gutxieneko pentsioarekin zein genero arrakalarekin neurri nahikorik ez. Datorrena okerragoa dela dirudi: erretiro adina atzeratu eta plan pribatuak sustatu.

Hala, urtarrilaren 15ean hitzordu garrantzitsua dugu pentsiodunen mugimenduak deitutako mobilizazioak direla eta. Pentsio eta lan erreformen derogazioa agindu eta bete ez duten honetan, langileok kalean aldarrikatu behar dugu etorkizun duina merezi dugula eta Euskal Herrian Madrilen posible ez dena egia bihurtu behar dugula.

Gehiengo sindikaletik ere bat egin dugu larunbateko mobilizazioekin.

Hauek dira deitutako mobilizazioak:

Bilbo

• Gran Vía 50 12:00etan. 

Ondarroa 

• Zaldupe 12:00etan.

Donostia 

• Alderdi Eder 12:00etan.

Eibar 

• Untzaga 12:00etan.

Iruñea

• Baluarte 12.00etan.

Tafalla 

• Udaletxea 12:00etan.

Altsasu 

• Foruen plaza 12:00etan.

Lizarra 

• Baja Navarra kalea 12:00etan.

Gasteiz 

• Correos 12:00etan.