2026-11-19
HomeEkintza SindikalaPatronalaren asmorik okerrenak konfirmatu dira

Patronalaren asmorik okerrenak konfirmatu dira

LABek Erakunde Sindikal eta Enpresarialen Estatutoen Gordailuari buruzko Errege Dekretuari CEOE – CEPYMEk eginiko alegazioak eskuratu ditu. Bertatik ondorio argi bat atera daiteke: CONFEBASK gezurretan ibili da. 2014ko azaroan gure eskuetara iritsitako txosten batean jasotzen zena aintzat hartuta, ELA eta LAB sindikatuak erregistrotik kanpo uzteko asmoa zuela salatu genuen.

CONFEBASKek ukatu egin zuen txosten hori berea zenik. GEZURRETAN ari zen, EGIA BOROBILA zen, guk salatutakoa. Denbora izan da testigu: CEOE – CEPYMEren alegazioetan, CONFEBASKen txostenean agertzen diren alegazioak sartuak daude, ia hitzez hitz. Hori horrela izanik ere, zorionez, Errege Dekretuan (aurtengo ekainean onartua), alegazio horiek ez dira bere horretan onartuak izan.

Guk oso argi genuen CONFEBASK horrelako astakeria bat eskatzeko gai dela. Guk argi dugu patronal autoritario eta antidemokratiko bat dugula aurrean. Guk argi dugu, gure sindikalgintzak traba egiten diola CONFEBASKi.

Salaketarekin batera mobilizatu ginen eta baita instituzioak interpelatu ere. Legebiltzarrean eta Foru Aldundietan, CONFEBASKen asmoak gaitzesteko mozioak sartu genituen. Eragile politikoen gehiengoari, PNV, PSE eta PPri, nahikoa izan zitzaizkien CONFEBASKen hitzak. Berriro ere patronala babestu zuten, patronalari eman zioten sinesgarritasuna, eta gainera, guri giroa zapuztea leporatu ziguten.

Testuinguru horretan Elkarrizketa Sozialeko Mahaia eratu zuten. Guztiz antidemokratikoa, gutxiengo sindikalarekin eta gehiengo sindikala lan mundutik kanporatzea eskatzen ari den patronalarekin.

Argi dago COFENBASKek ez duela bere jarrera aldatuko, Jaurlaritzaren erabateko babesa duelako. Baina ez gaituzte geldituko. Gure lan sindikalarekin jarraitzen dugu, gure egunerokoan, prekarietatearen aurkako borrokan, langileen lan baldintzak hobetzeko borrokan.
 

 

 

AZKEN ALBISTEAK | ÚLTIMAS NOTICIAS

Arabako ardogintzaren sektorea mobilizatu egin da hitzarmenaren alde

Gaur izan da udazkeneko lehen mobilizazioa.

Anbulantzietan 1400 milioi euroko pribatizazioa geldiaraztea #LortuDugu eta zerbitzuaren publifikazio osoa exijitzen diogu EAEko Osasun Sailari

Kontratuen Inguruko Errekurtsoen Administrazio Organoak (KEAO) arrazoia eman dio sindikatuari, eta bertan behera utzi ditu bai larrialdietako anbulantzien (LGSS), bai anbulantzia ez-asistentzialen lizitazioak. Ebazpenek berretsi dute Osasun Sailak ez duela justifikatu baliabide propiorik ez izatea, eta gogorarazi dute legeak kudeaketa publiko zuzena lehenesten duela.

Nafarroako Enplegu Zentro Berezietako lan-prekaritatea salatu dugu eta diru publikoaren gaineko kontrol handiagoa eskatu dugu

LAB sindikatua mobilizatu egin da gaur goizean Nafarroako Enplegu Zentro Berezien (EZB) sektoreakin, Nafarroako Foru Komunitatean arlo horretako langileek pairatzen dituzten lan-baldintza prekarioak publikoki salatzeko. Sindikatuak Nafarroarako berariazko arau-esparru bat eskatu du, sektoreko langile guztientzako lan-baldintza duinak bermatzeko eta plantillen arteko desberdintasunak saihesteko.