2025-12-30
Blog Page 984

Andrés Bódaloren askatasuna eskatu dugu Jaengo kartzelan

admin
-
0
Andrés Bódaloren askatasuna eskatu dugu Jaengo kartzelan

Azaroak 9an, goizeko 11etan herrialde ezberdinetako ezkerreko hainbat sindikatuk deituta prentsaurrekoa eta elkarretaratzea egin genuen Jaengo kartzelaren atarian Sindicato Andaluz de Trabajadores-eko (SAT) kide den Andrés Bodaloren askatasuna eskatzeko.

Bertzeak bertze LAB sindikatuaz gain honako sindikatuok parte hartu genuen: Astuariakoo Corriente Sindical de Izquierda (CSI), Herrialde Katalanetako Intersindical Autonoma de Catalunya (IAC), Aragoiko Coordinadora Unitaria de Trabajadores (CUT, CGT, Comisiones de Base (COBAS), Solidaridad Obrera, Plataforma EMT, Confederación Intersindical, Intersindical Valenciana, eta noski Sindicato Andaluz de Trabajadore (SAT).

Kontzentrazioaren helburua bikoitza zen, alde batetik Sindicato Andaluz de Trabajadores (SAT) Andrés Bódaloren askatasuna exijitzea eta bertze aldetik sindikalgintza borrokalariak pairatzen duen errepresio gordinaren salaketa.

SAT-eko idazkari nagusia den Oskar Reinak hartu zuen hitza lehenengo eta bertaratutako komunikabideei gaur egun Andrés Bódalok pairatzen duen egoeraren salaketa egin du. Andrés Bódalok osasun arazoak direla medio gose greba ere utzi behar izan du.

Ondotik LAB sindikatuko ordezkariak nazioartetik etorritako sindikatuen izenean hitza hartu eta Andrés Bódaloren askatasuna exijitzeaz gain, han eta hemen sindikalgintza borrokalariak pairatzen dugun errepresio gordinaren salaketa egin genuen, Euskal Herria, Andaluzia, Asturias eta Kataluniako gertakizun ezberdinak azalduz.

Ondotik bai Oskar Reinak zein LABeko ordezkariak hitza hartu zuten prentsari azaldutakoa bertaratutako guztiei azaltzeko. Nazioarteko sindikatuen izenean gure elkartasun internazionalista helarazi genien Andrés Bódalo, eta beren senitarteko eta lagunei, eta oro har Andaluziako herri langile klaseari. Ekimena bukatzeko Andrés Bódalo eta Vallecaseko Alfonen senitarteko batek hitza hartu eta elkartasun guztia eskertu zuten.

Ekimena bukatzeko bertaratutakoek Andrés Bodaloren askatasuna exijitzen jarraituko dutela berretsi dute eta etorkizunean mobilizazio eta ekimen ezberdinak egonen zirela ere iragarri zuten.

 

 

 

Autobus zerbitzuetan etor daitezken murrizketak oztopatu behar dira

admin
-
0
Autobus zerbitzuetan etor daitezken murrizketak oztopatu behar dira


Lurraldebuseko langileek kezkaz ikusten dute beraien geroa. Hain zuzen ere, azken aldian izan diren linea desagertzeak eta aldaketek, murrizketa gehiago egon daitezkenaren susmoa zabaldu dute langileen artean. Gainera, Aldundiak, sektore honetako kudeaketa daraman erakundeak, ez du inolako informaziorik zabaldu egin nahi duen berregituraketaren inguruan. Egoera hau salatuz gaur, hilak 11, elkarretaratzea burutu dugu Gipuzkoako Foru Aldundiaren aurrean.

LABek oso larritzat hartzen ditu inposatu nahi diren murrizketak baita Foru Alduandiak, herritarren ordezkari den heinean, autobus zerbitzuaren inguruko gestioa izkutuan eraman izana ere. Gaur egungo egoerak eta, batez ere etor daitezken murrizketek, langile zein erabiltzaileen mobilizazioa eskatzen du eta horregatik irten gara gaurkoan kalera.

Aldarrikapen zehatzak ditugu, alde batetik gardentasunez jokatzeko eskatzen diogu Foru Aldundiari, langile zein herritarrei eragingo dien erabakiak ezagutzeko eskubidea dugula baiteritzogu. Bestaldetik autobus zerbitzuaren kalitate eta langileen lan baldintzak bermatzea exigitzen dugu. Hemendik aurrera egoerak hobera egin ezean mobilizazio eta borrokari ekingo diogu lanpostu zein kalitatezko zerbitzuaren defentsan.

 

 

 

Hitzarmena sinatu dute Guardian enpresan

admin
-
0

Laudioko Guardian enpresan hitzarmena sinatu dute. Abuztuaren hasieran, enpresak, ELAk eta UGTek sinatutako aurreakordioa salatu zuen LABek, lanaldia jaitsi beharrean, handitu egin nahi zutelako. Bada, LABen salaketa eta lanari esker, hitzarmenean jasotako testuan 24 ordu jaitsiko dira: orain arte agertzen ziren 1.644 ordutik 1.620 ordura pasako da, orain arte bezala, ordainduko ez den 30 minutuko etenaldiarekin.

Laudioko Guardian enpresan hitzarmena sinatu dute. Abuztuaren hasieran, enpresak, ELAk eta UGTek sinatutako aurreakordioa salatu zuen LABek, lanaldia jaitsi beharrean, handitu egin nahi zutelako. Bada, LABen salaketa eta lanari esker, hitzarmenean jasotako testuan 24 ordu jaitsiko dira: orain arte agertzen ziren 1.644 ordutik 1.620 ordura pasako da, orain arte bezala, ordainduko ez den 30 minutuko etenaldiarekin.

LABek hasieratik eskatu moduan jaso dute testua, eta, modu horretan, lanaldia handitzea saihestu ahal izango da, eta etorkizunean soldata eskala bikoizteko arriskuari ateak itxiko zaizkio.
 

 

 

Grebara deitu dute Michelinen astearterako

admin
-
0
Grebara deitu dute Michelinen astearterako

Ferrovialeko langileen batzordeek eta LAB eta ELA sindikatuek grebara deitu dute astearterao, Michelinen. Gasteizen dagoen enpresaren segurtasun eza salatu dute, eta herritarrak ere deitu dituzte asteartean bertan egingo dute manifestazioan parte hartzeko. Hain zuzen ere, mobilizazioa Bilbo plazatik abiatuko da, 19:00etan.

Ferrovial langileen batzordeetako ordezkariek nabarmendu dute "nazkatuta" daudela osasuna "hirugarren edo laugarren mailan" egoteagatik enpresan, eta salatu dute ekoizpen helburuak eta lan erritmoak gehiegizkoak direla. "Nazkatuta gaude ikusteaz nola lankide batzuk ez dauden dagoeneko gurekin, ikusteaz nola pairatzen ditugun bizitza osorako kalteak eragiten dizkiguten lan istripuak", adierazi dute. Nabarmentzekoa da aurten bi langile hil direla Michelinen, azpikontratatuak biak.
 

CAFeko enpresa batzordea zuzendaritzarekin bilduko da astelehenean

admin
-
0
CAFeko enpresa batzordea zuzendaritzarekin bilduko da astelehenean

CAFeko zuzendaritzak bilerara deitu du enpresa batzordea, astelehenerako. Irungo eta Beasaingo lantegietan bi orduko hiru lan uzte egin dituzte aste honetan, eta horren ondoren dator bilerarako deia. Enpresa batzordeak agerraldia egin du Beasainen, eta adierazi du bilera eta gero aztertuko dituela eman beharreko urratsak, beti ere kalitatezko enplegua bermatzeko eta azpikontratatzeko politika indargabetzeko bidean.

Hona hemen Irungo eta Beasaingo CAFeko enpresa batzordeek kaleratutako oharra:

KALITATEZKO ENPLEGUAREN ALDE, EZETZ ESATEN DIOGU PRODUKZIO LANAK AZPIKONTRATATZEKO POLITIKARI 
BAIETZ ESATEN DIOGU CAFEKO LANGILEAK ZUZENEAN KONTRATATZEARI
 
Urte zail batzuen ondoren, CAF lan-kargak leheneratzeko prozesuaren hasieran dago. Egia da produkzio arloko langileok jasan dugun lan-gabeziaren aurrean, neurri traumatikoak erabili beharrik izan gabe aurrera ateratzea lortu dugula. 
 
Baina oraingo egoera ezberdina da. CAFek bere historia osoan izan duen eskarien zorro handiena dugu aurrean. Gainera, eskari esanguratsuak dira, eskakizun handiko merkatuetarako egindakoak: Europarako, Erresuma Baturako edo Holandarako, adibidez. 
 
Dagoeneko hasi gara ikusten Beasaingo fabrikazio sail askotan horiek guztiek produkzio-gaitasuna gainditzen dutela. Baina distira guztiak ez dira urre. Sail askotan langileen gabezia nabarmenagoa den bitartean, Zuzendaritzak zuzeneko langileak kontratatzeko aukerari ateak itxi dizkio eta hemen eta kostu baxuko herrialdeetan azpikontratazioa egitean aldeko apustu argia egin du kargen igoera horri aurre egiteko formula gisa.
 
2009. urtetik, ez da langileen eta enplegatuen kontratazio berririk egin; duela urte askotatik, CAFek ez du zuzenean muntatzailerik, elektrikaririk, soldatzailerik, pintorerik, delineatzailerik, mantentze-lanetako langilerik, administraririk eta abarrik kontratatu. 
 
Orain, Zuzendaritzak Erresuma Batuan eta CAFeko hitzarmenetik kanpo dauden filialetan langileak kontratatuko dituela iragarri du. Gainera, beste 150 ingeniari kontratatuko dituela iragarri du. Oso ondo; albiste onak direla iruditzen zaigu. Baina produkzio-zentro historikoetarako azpikontratazioa baino ez dute iragarri.  

Datorren urteotarako eskarien zorroa ikusita, CAFek ezin du lanik gabe dauden Euskadiko milaka gazteren aurrean aurkeztu, azpikontratazioak berekin dakarren prekarietatera kondenatuta. 

Gainera, erabat beharrezkoa da datorren 2 urteotan errelebo-kontratuarekin aurre-erretiroa hartu beharko luketen 90 langileen bajak estali ahal izateko kontratazio berriak egitea. Tailerreko langileen bajak kolektibo bereko langileekin ordezkatzea eskatzen dugu; hau da, langile bat beste langile batekin.
Hori guztia gutxi balitz, gainera, duela gutxi, Enpresak Beasaingo Altzairutegia ixteko asmoa duela jakinarazi digu. Eta hasiera batean altzairuaren produkzioa 2017ko urtarrilaren 1erako geldiarazteko asmoa zuten arren, presio hori gainetik kentzea lortu dugu eta Enpresak mugaegunik eta aurretiazko baldintzarik gabeko elkarrizketa-prozesua irekitzea onartu du.
Gure aldetik, Enpresari eskatzen diogu Altzairutegirako etorkizunerako alternatiba posible guztiei buruzko azterketa serioa eta zorrotza modu gardenean egin dezala; gure ustez, aukera horiek sekzio horretan inbertsioak eta hobekuntzak egitearekin lotuta daude. Horren inguruan lanean jarraituko dugu.
Enpresak bilerarako dei egin digu astelehenerako. Horren ostean, eman beharreko urratsak aztertu beharko ditugu. Honako hau Beasaingo eta Irungo lantegietan egin dugun bi orduko hirugarren lan-uztea dela gogorarazi nahi dugu. Horrek guztiak mantentze-lanetako zentroetan ere eragina izan du. 
Horregatik guztiagatik, Zuzendaritzak gure eskariei erantzun positiboa emango diela eta aldi baterako langileak kontratatzen hasiko dela espero dugu. Hala egin ezean, jende gehiagoko mobilizazioak eta mobilizazio sendoak deitzea, beste aukerarik ez genuke izango.  
Beasainen, 2017ko azaroaren 10ean
Irungo eta Beasaingo CAFeko enpresa-batzordeak

 

 

 

Negoziazio Kolektiborako marko propioa blindatzeko lanean jarraituko dugu, 2013ko akordio saiakeratik abiatuta

admin
-
0
Negoziazio Kolektiborako marko propioa blindatzeko lanean jarraituko dugu, 2013ko akordio saiakeratik abiatuta

Gaur, hilak 10, Ainhoa Etxaide, LABeko Idazkari Nagusia, eta Garbiñe Aranburu, Negoziazio Kolektiboko Idazkaria, medioen aurrean izan dira negoziazio kolektiboa eta akordio interprofesionalaren inguruko gure irakurketa plazaratzeko. Etxaidek, “negoziazio kolektiboa lan eskubideak eta klase interesak defendatzeko oinarrizko eskubidea” denez, “hau babestea gure estrategiaren ardatzetariko bat izango” dela azpimarratu du.

Botere politiko zein ekonomikoek prekarietatea zabaltzen jarraitzeko borondate argia erakutsi dute, eta “Madrilen Gobernu berria osatu den honetan, murrizketa eta erreformen bidetik segituko dutela” ohartarazi du Aranburuk. Hemen, Euskal Herrian, Confebaskek hitzarmenen negoziazioa blokeatzen jarraitzen du Estatuko hitzarmenak hedatzen joan daitezen estatalizazioa bultzatuz, eta apustu honetan Jaurlaritza du bidelagun. Negoziazio kolektiboko Idazkariaren hitzetan, “honek ondorio larriak izango ditu langile klasearentzat”, soldata eta lan baldintzen kaskartzea ekarriko baitu.

Orokortzen ari den prekarietatearen aurrean, LABek indarrak batu eta borrokaren aldeko apustua egiten du, negoziazio kolektiboa ardatz harturik. Hau da, “prekarietatea murrizteko neurri zehatzetan oinarritutako negoziazio kolektiboa bultzatuko dugu”, zehaztu du Etxaidek. Helburu honekin, langileak batzeko eta aktibatzeko ekintza sindikala egingo dugu. LABeko kideak lantokietan lehen lerroan izango gara inposatu nahi duten sistema honen kontra borrokatzen. Hau ez da arazo laboral soil bat eta, bizitzako eremu guztiak ukitzen dituen heinean, prekarietatearen aurkako borroka plazara atera eta instituzioetara eramango dugu.

LABeko Idazkari Nagusiak azaldu duenez, “negoziazio kolektiborako eskubidearen alde” jarraituko du LABek, norabide ezberdinetan. Batetik, datozen urteetan, eskuratu behar dugun estatus politiko berriak lan munduan gure erabakien arabera antolatzeko ahalmena aitortzeaz gain, horretarako bitartekoak ziurtatzeko lanean arituko gara, eta, beraz, alderdi politikoei gure proposamenak helaraziko dizkiegu. Bestalde, uztailaren 22an Jaurlaritzak, Confebask eta CCOO eta UGT sindikatuek sinatutako akordioaren aurka borrokatuko dugu; zentzu honetan, Gobernu berriari dei egiten diogu akordioa bertan behera uzteko.

Amaitzeko, Etxaidek gogorarazi du “bere momentuan egin genituen proposamenek mahai gainean jarraitzen dutela”. Nahiz eta 2013ko akordio saiakera Confebaskek zapuztu zuen, orduan egindako proposamena erreferentzi hartuta, LAB prest dago akordioetara iristeko eta behar diren negoziazioetan parte hartzeko.

 

 

 

Prekarizazio prozesuari mugak jarriko dizkion Gipuzkoako merkataritzako hitzarmen bateratu baten alde egiten dugu

admin
-
0


Ikasturte berriarekin batera, Gipuzkoako Merkataritzako Hitzarmen berri bat osatzeko helburua finkatu dugu. Hau da, Madrilen negoziaketa bahituta duten eta Gipuzkoan erorita dauden merkataritzako hitzarmen guztiak batzea. Honela langile guztien lan eta bizi baldintzak hobetu nahi ditugu. Norabide horretan negoziazio kolektiboa tresna baliagarria izaten jarraitzen duela deritzogu.

Patronalak prekarietate zabaltzen jarraitu nahi duen bitartean guk lan eta bizi baldintzak hobetzeko tarte badagoela diogu. Zentzu honetan, negoziazio kolektiboak prekarizazioari mugak jartzeko bitarteko izaten jarraitzen du, lan zentro eta kalean egiten dugun borrokarekin batera.

Bide horretan, pasa den azaroan Euskal Autonomi Erkidegoan Merkataritzako Akordio Markoa sinatu zen. Bertan, patronal zein sindikatuok gure hitzarmen kolektiboak babestu eta erorita naiz blokeatuta zeuden hitzarmenak irekitzeko konpromisoa hartu genuen.

Akordio hau oinarri, Gipuzkoan urrats berri bat eman eta Gipuzkoako merkataritzako hitzarmena abian jarri nahi dugu. Hain zuzen ere, sektorean hamaika hitzarmen ezberdin ditugu, horien artean batzuk negoziaketa ahalmena Madrilen dute eta beste batzuk erorita daude.

Horregatik LABetik, indarrak elkartu eta prekarietatearekin amaitzeko Gipuzkoa osoko Merkataritzako Hitzarmen berria proposatzen dugu, hau da merkataritza orokorra, metalekoa, ehunarena, larru eta zapatena, jostailuena, altzariena; mahats, gararagardo eta edarien industriakoa, alkoholik gabeko freskagarriena, paperarena eta arte grafikoen hitzarmenak batu eta beraz, merkataritzako langile guztion lan baldintzak hobetzea.

Patronalak proposamen berri hau negoziatzerari uko egiten dio eta prekarizazio prozesuan sakontzeko asmoari eusten dio. Esplotazio eta lapurreta. Hori da patronalak ulertzen duen akordio bakarra.

LABek prekarizazio prozesu hori geratzeko hautua egina du, eta gainontzeko sindikatuei jarrera bera hartzea eskatzen diegu. Larritzat jotzen dugu ELAren jarrera. Merkataritzan gehiengo absolutua duen sindikatua izanik, gainontzeko sindikatuen esku uzten baitu proposamena aurrera ateratzeko ardura. CCOO eta UGTren aldetik aldiz pasibotasuna agerikoa da. Eskuak garbitzea ez da bidea.

Atea itxi du patronalak eta argi dugu irekitzea zaila izango dela, baina borrokan jarraitzea dagokigu eta aukera berriak irekitzea, eragitea. Zentzu horretan ELAri arduratsu jokatzea eskatzen diogu. LABetik lanean jarraituko dugu. Merkataritzako langileok, zentroz zentro indarrak batzeko unea da eta dagozkigun eskubideen alde antolatzeko ordua.
 

 

 

Lege neurriak hartzearekin mehatxatu du Sukaldaritza arloko Espainiako patronalak

admin
-
0

LAB eta ELA sindikatuak enpresekin hitz egiten ari dira, Espainian adostutako Sukaldaritza arloko hitzarmenaren ordez, baldintza duinagoak aurreikusiko lituzkeen proposamen bat aplika dezaten. Hain zuzen ere, Araba, Bizkaia eta Gipuzkoan Ostalaritza arloko hitzarmenaren bitartez arautu dira orain arte lan baldintzak. Bada, Sukaldaritza arloko FEADRS patronalak eta CCOO eta UGT sindikatuek adostutako hitzarmenaren ostean, Madrilen erabakitako neurriak ezarri nahi dituzte; soldatak %50 murriztu eta 50 lan ordu gehiago ezarri, besteak beste. Adibide gisa, kontratazio berrietan, garbian 4,5 euro ordaintzen ari dira ordua.

Egoera horren aurrean, LAB eta ELA sindikatuek elkarrizketak abiatu dituzte Sukaldaritza arloko enpresekin, estatu mailako hitzarmena aplika ez dezaten, urraketa nabarmena eragingo lukeelako langileen lan baldintzei dagokienez. Horrenbestez, bi sindikatuek eskatu dute, gutxienez, orain arteko lan baldintzak eta soldatak errespeta ditzatela.
FEADRS patronalak, ordea, ez du begi onez ikusi sindikatuen jarrera, eta lege neurriak hartzeko prest dagoela adierazi du, Araba, Bizkaian eta Gipuzkoan negoziazio kolektiboaren dinamikaren bidean jarraituz gero. Mehatxua burofax baten bitartez jaso dute LABek eta ELAk, aste honetan bertan.
Bi sindikatuek salatu dute onartezinak direla patronalaren mehatxuak, eta halako egoerak bakarrik direla posible CCOO, eta UGT sindikatuek eta patronal desberdinek Madrilen hartu ohi dituzten estatu mailako erabakiengatik. “CCOO eta UGT sindikatuek, EAEn ordezkaritzaren %20 baino gutxiago izan arren, negoziazio kolektiboaren esparrua Estatua izatea inposatu nahi dute, horrek milaka emakume prekarietatera eramatea eragin arren”, azpimarratu dute.
Egoera salatzeaz gain, bi sindikatuek Eusko Jaurlaritzaren jarrera kritikatu dute, Espiniako patronalari babesa emateagatik.
 

 

 

 

“Politika publikoak elikatzen” nazioarteko mintegia Donostian

admin
-
0

Datorren azaroaren 16 eta 17an elikadura burujabetza eraikitzearen aldeko politika publikoak sustatzeko Nazioarteko I. Mintegia egingo da Donostian. "Politika publikoak elikatzen" izenburupean, jardunaldiak elikadura burujabetzaren aldeko aliantzak eraikitze bidean eztabaidarako gunea izan nahi du, esperientziak eta ekimenak trukatzeko lekua.

 

 

 

1...983984985...1,583Page 984 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus