2026-04-13
Blog Page 913

Enplegu duina, kalitatezko eta bermeekin aldarrikatu dugu Araban, iruzurra ekiditeko

admin
-
0
LABek kontratazio inguruko dinamika zabalduko du hurrengo hilabeteetan Araban kalitatezko enplegua bultzatzeko eta iruzurrezko kontratazioa ekiditeko. Ekimena enpresetara eramango dugu eta gako nagusiak eragile sozialekin partekatu eta herrialdeko erakunde nagusietan aurkeztuko ditugu.

Aurreko astean benetako industria politika garatzeko 10 neurri proposatu genizkion Eusko Jaurlaritzari eta horien artean lan merkatu prekarioari aurre egiteko beharra azpimarratzen genuen. Bada, enplegu duina lortzeko enpresetara eramango dugun ekimena abiatuko dugu, kontratazioaren eremuan.
Izan ere, Araban zabor kontratuak nagusi dira “errekuperazio garaia” deitu den honetan. Hortaz, langabezia eta okupazioaren inguruan emandako portzentai-datuen gainetik, iaz sinatutako kontratuetatik %93,82a behin behinekoak izan ziren, eta aldi berean, %35,29a aldi baterako sinatu ziren. Datuok ondo baino hobeto adierazten dute Arabako lan merkatuaren errealitate prekarioa.

Errealitate horretatik abiatuta, LABek berresten du behin-behineko kontratazioan iruzurra handia dagoela, batez ere ebentualitate eta obrako kontratuetan. Hortaz, Arabako 2 enpresa pribatu handienetan, Mercedes eta Michelinen, Lan Ikuskaritzak ebatzi du iruzur hori, bi enpresei ehunka kontratu mugagabe bihurtzera derrigortuz. Argi dago bai enpresa hauetan, baita beste enpresa txikiagoetan ere, behin-behineko kontratuak erabiltzen ari direla langileen egoera prekarizatzeko, kontratazioa eta prekarietatea erabat lotuta egonik.

Beraz, langile berriek prekarietate handia pairatzen ari dira, etorkizunari begirako ziurgabetasunari gehitu behar baitzaizkio soldata baxuagoak eta lan baldintza okerragoak -lan istripuen %30a lehen urtean gertatzen dira-. Hori gutxi ez eta zenbait kasutan diskriminazioa sufritu behar dute genero, arraza, ideologia, dibertsitate funtzionaleko eta abarreko arrazoien kontura.

Horren guztiaren aurrean, LABen honako gakoak planteatzen ditu kontratazioaren arloan:

– Kontratazio mugagabea bultzatzea, behin-behineko kontratuek aldi bateko lanak betetzeko erabili behar baitira, zenbait baldintzak betez, ez lanpostu estrukturalak betetzeko. – Iruzurra ekiditeko, enpresak bermeak eman behar ditu behin behineko kontratuak eginez gero, zehazki zeintzuk diren aldi bateko lan horiek.

– Behin-behineko kontratuen inguruan, Europako jurisprudentzia zuzenean aplikatzea, zeinaren ondorioz enpresak behin-behineko kontratuak (iruzurrezkoak ez direnak) bukatutzat emanez gero 20 eguneko indemnizazioa ordainduko luke. Gure ustez, horrek ere kontratazio mugagabea bultzatu dezake. – Langileak kontratatzean eta kontratu mugagabeak egitean, inor diskriminatua ez izatea, inongo arrazoiengatik.

– Langile berriei lan baldintza eta eskubide berdinak aplikatzea.

LABek uste du gako nagusi hauekin Araban enplegu duina, kalitazteko eta bermeekin bultzatu dugula, behin- behineko kontratazioaren iruzurra oztopatuz. Horregatik, ekimena Arabako enpresetara eramango dugu, Mercedes eta Michelin behinik behin, eragile sozialekin, nagusiki gazteriaren arlokoak, partekatuko dugu eta Arabako erakunde nagusietara eramango dugu, Gasteizko Udalera eta Biltzar Nagusietara.
 

 

 

Telelaguntzako langileek kalitatezko zerbitzu bat aldarrikatu dute berriro

admin
-
0
Telelaguntzako langileek kalitatezko zerbitzu bat aldarrikatu dute berriro

Euskal Autonomia Erkidegoko Telelaguntzako zerbitzua kudeatzen duen merkataritza enpresak, Tunstall Televida-GSR-IMQ Aldi Baterako Enpresa-elkartea alegia, eskaintzen duen zerbitzuaren kalitatea urritzen ari da, beti ere, haren irabaziak handitzeko helburuan. Eusko Jaurlaritzaren eskuduntza da; hark erabaki zuen azpikontratatuko zuela aipatu zerbitzu publikoa, lehiaketara atereaz. Hori dela eta, erantzukizunak eskatu dizkiogu gaur Bilbon, Jaurlaritzaren beraren egoitzaren aurrean egindako elkarretaratzearekin eta gaurko greba egunarekin.

Euskadiko Telelaguntzako Zerbitzu Publikoa Eusko Jaurlaritzaren eskuduntza da; hark erabaki zuen azpikontratatuko zuela aipatu zerbitzu publikoa, lehiaketara atereaz.

Telelaguntzako euskal zerbitzua kudeatzen duen merkataritza enpresak, Tunstall Televida-GSR-IMQ Aldi Baterako Enpresa-elkartea alegia, eskaintzen duen zerbitzuaren kalitatea urritzen ari da, beti ere, haren irabaziak handitzeko helburuan. Horrela, terminalak instalatzeaz arduratzen direnen langile-kopurua ez da handitu azken lau urtean, ez eta erabiltzaileen jarraipenaz eta balorazioa egiteaz, bisiten bidez, diharduten langileak ere. Bien bitartean,aipatu aldian, erabiltzaile kopurua 15.000 lagunetan handitu da. Honez gain, azpimarratu behar da langile kopurua, 2011ko uztailaz geroztik, 85 langile izatetik 105 langile izatera igaro dela bakarrik, aldiz, zerbitzuaren erabiltzaile kopurua 21.000 izatetik 45.000 izatera igaro da.

Hau guztia are larriagoa da, kontuan hartzen badugu zerbitzua Tunstall Televida-GSR- IMQ Aldi Baterako Enpresa-elkarteari esleitu ziotela duela 9 hilabete, gutxi gorabehera, 15.000.000 euroren truke; esleipenaren munta aurrekoa baino milioi bat eurotan areagotu zen. Horrela, enpresa horrek diru publikotik lortu duen irabazi-marjina ia 5 milioietakoa izan da.

Ahalik eta mozkin gehien lortzeko, zerbitzua kudeatzen duen Aldi Baterako Enpresa- elkartea, lehenengo eta behin, erabiltzaileen lesiorik eragin gabeko erorketen protokoloa aldatu du, enpresako langileek joan baino (urte askoan halaxe egin zen, eta hura erabiltzaileek eta senideek estimuan zuten) senideak noiznahi deitzen dituzte erabiltzaileak jaso ditzaten, eta ondorioz, maiz atzeratzen da laguntza. Jokabide berri horrek ekarri du senideen eta erabiltzaileen hamaika kexu; kexuok zerbitzua kudeatzen duen enpresatik ez dira ateratzen, ez dira ezagutzera ematen. Honen bidez enpresak bere langileen parte hartze kopurua murriztu nahi izan du, eta justifikatu nahi izan du laneko txandak ezabatu izana eta horiek azpikontratazioaren bidez ordezkatu izana.

Hau guztia gutxi balitz ere, eta ekipamenduak instalatzeko epe berriak bete daitezen, alta berriak eman direlako, eta era berean, erabiltzaile berrien balorazioa egiten duten langileek bisitak egin behar dituztenez, Tunstall Televida-GSR-IMQ Aldi Baterako Enpresa-elkarteak langile kopurua handitzearen hautua egin baino, zerbitzu beraren muina erabat aldatu nahi du, egun arte eskaintzen zen zerbitzu teknikoari dagokionez. Horretarako, erabiltzaileen etxebizitzetara ekipamendua bidaltzea azpikontratatu du, eta bide batez, teknikariek instalatu beharrean, haiek dagokielako aipatu eginkizuna, urte askoan egin den antzera, gizarte lanak betetzen dituzten langileek egin ohi dute. Enpresak jarduteko modu berriaz diharduenez, nozituko da telelaguntzako zerbitzuaren kalitatea urrituko dela: geroago, behin baino gehiagotan joan beharko dutelako teknikariek, gizarte lanetaz arduratzen direnak gauza izango ez direlako tresneriaren instalazio zuzena egiten; horrek eragingo du senideek beste egun bat bertan egon behar izango dutela, zegokion unean ezin izan delako ekipamendua instalatu.
Honen guztiaren gaizkidea Eusko Jaurlaritza dugu, gaur gaurkoz ez duelako ezer egiten egoera zuzen dadin, are gehiago, haren esku dagoenean egoera zuzentzeko gaitasuna, zerbitzuaren titularra izanik.

Honengatik guztiarengatik, zerbitzuan dihardugun langileok erabaki dugu mobilizazioei ekingo diegula egoera hau salatzeko; era berean, jasotzen den zerbitzuaren kalitatea urritu izanak eragin senideak eta erabiltzaileak animatzen ditugu kexuak luza ditzaten, Eusko Jaurlaritzaren herritarrentzako zerbitzura deituz (012) edo bestela, Eusko Jaurlaritzara joz.
 

 

 

UPNk ezarri zituen ia erdi mailako koadro guztiei eutsi zaie Osasunbidean

admin
-
0
Bi urte igaro dira Geroa Bai Osasunbidea kudeatzen ari dela. LAB sindikatuaren balorazioaren arabera, langileak eta erakunde-egitura kudeaketari dagokionez, UPNren garaian egindakoaren jarraipena da oraingoa ere.

LABen balorazioan agertzen denez, Geroa Baik Osasunbidean egin kudeaketaren ezaugarri nagusiak lirateke:

1- Langileak eta erakunde-egitura kudeaketari dagokionez, UPNren garaian egindakoaren jarraipena da. Langileak kudeatzeko staffean (eta gainerako ataletan: ekonomikoan, kontablean, lanetan, azpiegituretan, mantentze-lanetan, zerbitzu juridikoan) ia ez da aldaketarik suertatu. Horretxegatik, nahiz eta Osasunbidearen Gerentziak ildo berriak ezarri, hauek ez dira betetzen, edo bestela, hutsaltzen dira. Horren ondorioz, langileek osta-osta sumatu dituzte lan baldintzak hobetu zaizkiela.

Gordetzen diren egitura organikoen buruzagitzak zeharo atrofiatuak daude, sorospenari nahiz administrazio arloari dagokienez. Erakundetzar hura prebendak banatzeko sortu zuten, eta edukirik gabeko buruzagitzei eusten die. Harrigarria bada ere, aipagarria da, kudeatze arloan, egiazko prestakuntzarik gabeko eta eskakizunak betetzen ez dituzten (batez ere, lan-taldeetan) langileak daudela.

2- UPNk ezarri zituen ia erdi mailako koadro guztiei eutsi zaie (nahieran aukeratuak). Konfiantza postuei eutsi diete UPNk egin murrizketa-politikaren egiazko babesleak izan zirenek. Horren adibide, Lehen mailako Atentzioaren Langileri Zerbitzuen eta Ospitaletegiaren Buruzagitzak, Osasun Mentalaren Zuzendaritza, Lizarra-herriko Zuzendaritza,… Baina, batez ere, azpimarratu, Cristina Ibarrolari (Marta Veraren agindupean, Osasunbidearen aurreko Osasunaren Zuzendari Nagusia eta Gerentea zena) utzi zaion Zerbitzuaren Zuzendaritza.

3- Elite profesional txiki batzuen interes korporatiboak betikotu eta gailentzen zaizkie langileen interes orokorrei eta oro har, sorospen zerbitzuari. Aurreko puntutik eratorrita, hirugarren hau daukagu, UPNk oinarritu baitzuen osasungintzan erabili zuen murrizketa politika Osasunbidean, nonahikoak diren erakunde korporatiboen onespenean, sindikatuekin (SATSE edota SMNrekin) edota elkargoekin. Izate edo erakunde horiek kolektibo batzuen ordezkaritza osoa beren gain hartzen dute, lanbideko gainerako lankideen lan baldintzen kontura edota gainerako talde profesionalen kontura. Langile guztien lan baldintzak eta sorospenaren kalitatea baino, buruzagitzen eta gainsoldaten (produktibitateak, zaintzak edo bisita-baimenak) banaketa lehenesten da. Azpimarragarria da erizaintzako buruzagitzetan dagoen hipertrofia, batez ere CHNn, non zuzendaritza zereginak bateratu baino lehen, hura bi zuzendarien artean egiten zuten, asko jota, laguntzako zuzendariordetza batekin; gaur egun, aldiz, 18 pertsonen artean betetzen dute zeregina: zuzendari bat, 3 zuzendariorde, 14 arloko buruzagitza.

4- Goi-kargudunen arteko dikotomia, batez ere SNS Osasunbidearen Gerentzia eta CHN-ren Gerentziaren artean ematen da. Goi-zuzendaritzako blokea ez da trinkoa eta ez du behar besteko kohesiorik osasunaren sistema publikoa eraldatzeko eta indartzeko proiektu baten inguruan.
Zuzendaritzen arteko tira-birek, batez ere, CHNkoaren eta Zerbitzu Zentraletakoen artekoak, ageri baino agerikoak dira. Egin dugun analisian, gure ustez, CHNk eragozpen gehien paratu dizkie kontratazioa nahiz langileen antolamendua hobetzeko neurriei.

5- Plantilla egonkortzerakoan epeltasuna.Osasunbidearen behin-behinekotasuna %40koa baino handiagoa izaki, enplegu publikoa sor dadin, politika ausartagoa erabili behar da; horren xedea aipatu behin-behinekotasunaren %40a, plantilla osoaren bataz bestetzat harturik, ikaragarri gainditzen diren mailetan lanpostu finkoak indartzeak izan behar du.

Ondorioak: ondoriozta daiteke Gero Baik, lau alderdiak bazter utzirik, negoziatu dituela SNS Osasunbidearen politikak eta kudeatzeko erak. Oposizioaren alderdien kideak diren pertsonek (UPN, PP edo PSN) ardura postuak betetzeak adierazten digu osasungintzaren sistema publikoaren kudeaketan parte hartu ohi duten aktoreen (interes orokorrak baino, partikularrak lehenetsiz) eta kudeatzeko era horiek errotik aldatzeko eskatzen duen eskari politiko eta sozialen artean oreka arriskutsuari eustera jolasten ari direla.
 

 

 

Nafarroako Gobernuari eskatzen diogu berehala indargabetu dezala Eztabaida Sozialerako Nafarroako Kontseilua

admin
-
0

Servicio Navarro de Empleo – Nafar Lansarearen Gobernu Kontseiluan, gaurko egunez, 2017-2020. urteetarako Nafarroako Enplegu Planaren Politika Aktiboen agiriaz burututako bileraren harira, LAB sindikatuak, prentsa-ohar honen bidez, ezagutarazi nahi ditu gure sindikatuak haren aurka azaltzeko dituen arrazoiak. Baina, aipatu agiriari buruzko ondorioak eta arrazoiak adierazi baino lehen, berriro salatu behar ditugu Nafarroako Gobernuak, SNE-NL esparruan, erabili dituen moduak 2017-2020 urteetarako Nafarroako Enplegu Planaren Politika Aktiboak onartzeko.

Continue

Gizarte segurantza, pentsio eta babes sozialerako sistema bat ezinbestekoa da Euskal Herriarentzat

admin
-
0
EAJk PPri Madrilen ematen dion babesak eta honek EAJri Euskal Autonomia Erkidegoan ematen dionak gauza bat frogatzen du: EAJk gauza bat esaten duela komunikabideen aurrean itxurakeria egiteko, baina beste gauza bat egiten duela ekintzei dagokienez. Pentsioen aferak herritar guztiei eragingo die, erretiratuei orain eta erretiratuko direnei gero. Hala, herritar guztiek pentsio publiko eta duinak bermatuak izan behar dituzte. Bistan da, orain eta etorkizunean, gizarte segurantza eta babes sozialerako sistema propio batek soilik bermatu ditzakeela pentsio publikoak. Hau horrela izanik, horretarako beharrezkoak diren neurriak har ditzatela irmoki aldarrikatzen dugu.

Euskal Autonomia Erkidegoko herritarrei barre egin die PPk, Madrilen behar duen guztirako EAJren babesa izanik ere, Estatutua betetzeko inongo asmorik ez duelako, 37 urte geroago. EAJk Gizarte Segurantzaren eskuduntza eskatzeak “oker” bat dela dio Oyarzabalek (PP); hori bai, EAJren “ardura” txalotu egin du aurrekontuetan eta beste gai batzuetan jeltzaleen babesa jaso dutenean. Honek guztiak frogatzen du bi alderdiek herri honekiko duten konpromisoa hutsaren hurrengoa dela. Eskuineko proiektu neoliberalak aurrera ateratzeko aliatuak izatea da euren kezka bakarra. Euskal herritarren gehiengoaren eskakizunei, ordea, entzugor egiten diete.

Non geratu dira EAJren aldarrikapenak? Inon ez, gauza bat esan eta kontrakoa egiten baitute jeltzaleek. Gizarte Segurantza eta pentsioen euskal sistema bat “lehentasun” dutela adierazi zuten urte hasieran, baina azkar ahaztu dute helburu hori. Euskal Autonomia Erkidegoan pentsioa jasotzen duten 540.000 lagunen eskakizunak ez omen dira lehentasun. Bitartean, EAJk PPren ezetza onartzen jarraitzen du, gai honek herritarren %25eri eragiten dion arren. PPren “betoa” onartzen du, nahiz eta bere diskurtsoan beste gauza bat esan. Gainera, ondo geratu nahi dute berriro, transferentzien eztabaida datorren kurtsora luzatuta. Euskal pentsionistak pobrezia egoeran daude, eta beti ukatu egin zaie euren aldarrikapenak. Bada, hauek ez dira lehentasun EAJrentzat.

Ukazio honetan EAJk eta PPk bat egitea ez da kasualitatea. Euskal Autonomia Erkidegoko pentsionistek 1.080 euroko gutxieneko pentsio duin bat eskatu dute, eta 71.724 sinadura bildu eta Gasteizko Legebiltzarrean erregistratu dituzte. Hala ere, EAJ eta PPri bost axola.

Hau guztiagatik, LABek iritzi du Gizarte Segurantza eta Babes Sozialerako sistema propio bat abian jartzea urgentziazko neurri bat izan beharko litzatekeela, pentsio duinak bermatzeko eta gero eta hedatuagoa dagoen pobreziarekin amaitzeko. Ez dago aitzakiarik.
 

 

 

Udara gatazkatsua berriro Bizkaiko Correosen, behar adina langilerik ez dagoelako

admin
-
0
Bizkaiko Correos enpresa publikoan dihardugun sindikatu guztiok (LAB, CCOO, ESK, UGT, ELA eta CSI-F) gure ezinegona adierazi gura dugu lantokietan behar adina beharginik ez dagoelako. Urte osoan eman den egoera honen espresio gorena udaran eman ohi da, korrespondentziaren tramitazioan pilaketa eta atzerapen nabariak sortuz, hiritar orori dagokion zerbitzua erabiltzeko eskubidea modu kezkagarri batez aldatuz.

Bizkaiko Correoseko sindikatu guztien ordezkaritzak berriro adierazten du jendartean gure kezka handia enpresaren zuzendaritza, Bizkaian, posta-zerbitzuen kudeaketan erabiltzen ari den moduengatik.

Azken urteotan behin eta berriz salatu dugu Correos erabiltzen ari den gastuak aurrezteko politika; haren ondorioz, langile kopurua ikaragarri txikitu da. Behar beste beharginik ez izatearen eta oporraldiak, bajak,… bete ez izanaren ondorioz bertako beharginoi lan-zama handiagoa egokitu zaigu, eta hura banatzeko orduan atzerapenak izan ohi dira. Horrek berekin dakar beharginon lan-zama handiagoa izan ohi dela, eta EZINEZKOA JAZOTZEN ZAIGULA KORRESPONDENTZIA EGUNEAN EROAN AHAL IZATEA, eta ondorioz, korrespondentzia pilatzen zaigula, hura banatzeko garaian atzerapenak gertatzen direla, lan baldintzak kaskartzen direla eta biztanleriari eskaintzen zaion zerbitzua hondatzen dela. Honen guztiaren ondorioz jazotzen den egoeran banaketa-zerbitzua ez da ohikoa, eta behar adinako beharginik ez dagoelako bulegoetan, hiritarrak ez dira egokiro atenditzen; horrez gain, Posta Zerbitzu Orokorrak behartzen duenez, banaketa ez da burutzen astelehen eta barikua bitartean.

Egoera honek urratzen du hiritargoari posta egunero jasotzeko dagokion eskubidea; honen eraginez ez dira betetzen Correoseri dagozkion eginkizun legalak, posta zerbitzu publikoaren egilea izanik.

Sindikatuok ez gatoz bat Correoseko zuzendaritza egiten ari den kudeaketa horrekin. Horrela, aurrerantzean ere presionatuko dugu, Correoseri KALITATEKO POSTA ZERBITZU PUBLIKOA GAUZA DADIN, BEHAR ADINAKO BEHARGINAK eskatuz.
 

 

 

Kayaba Orkoien eta Kybse Ororbiak bat egitea proposatu dugu

admin
-
0
Kayaba Orkoien eta Kybse Ororbiak bat egitea proposatu dugu

Kayaba Orkoien (KSS) enpresa ixteko arriskuan dago, kudeatzen duen multinazionalak 100 langile kaleratuko dituela iragarri baitzuen maiatzean. Horren aurrean, Orobiarko KYBSEko enpresa batzordeak irtenbideak bilatzeko eskatu dio multinazionalari, eta KSS enpresaren biziraupena bermatzeko laguntza luzatu du. Hain zuzen ere, LAB sindikatuak proposamen bat egin du, eta horrekin bat datoz Nafarroan Kayabak dituen hiru lantokietako sail sindikalak; azken finean, aipatu lantokietako enplegua nahiz lan baldintzak eta bertan loturiko akordioak bermatzen dituen industria plan batez ari gara. Proposamenaren berri gaur eman dute Iruñean.

Planteamendu hau multinazionalaren zuzendaritzari berehala jakinarazi ez ezik, Nafarroako erakundeei ere emango zaie haren berri, ezinbestekotzat jotzen dugulako azken hauen parte-hartzea irtenbidea lortu nahi badugu.

Proposamena funtsezkoak diren sei puntuez osatuko da:

1.- Hiru urtean, KYBSE Ororbian ekoizten diren amortiguadoreak 3,5 milioietan handitu progresiboki.

2.- Kopurua gehitzen ari den heinean, KSS Orkoiengo langileak KYBSE Ororbian integratuko dira, KYBSE-ren hitzarmenak agintzen duenez, antzinatasun hurrenkera zorrozki betez.

3.- Horren ondorioz sortuko den plantillaren lan baldintzak KYBSE Ororbiaren hitzarmenak ezarriko ditu.

4.- Multinazionalak agindu behar du kopuru gehigarriari eutsiko diola 10 urtez.

5.- Behin hiru urte igaroko direnean, bi plantillek eta enpresak bat egingo dute KYBSEn, lantoki bakartzat hartuz.

6. Hiru urteko plan iragankorra landuko da KSS-n bat egitea amaituko den arte.

Proposamenaren bideragarritasuna:

• KYBSE Ororbian amortiguadoreen ekoizpena 3,5 milioietan handitzearen ondorioz, gaur egungo hango plantilla finkatuko da, enplegu poltsarena barne, eta KSS Orkoiengo plantillan sartuko dira.

• KYBSE Ororbian azken urtetan suertatu den ekoizpen igoera proposamenean eskatzen denaren antzekoa da, egungo 11 milioietara iritsiz.

• Ororbiako lantegiaren ekoizpen-gaitasunari esker, 14,5 milioi amortiguadore baino gehiago ekoiztu dira; hortaz, multinazionalak nahi izanen balu, eskatzen duguna gauzagarria da.

• Jakin badakigu amortiguadoreen merkatua zabalagoa dela, eta Kayaba ez dela horietan hedatzen behar beste inbertitzen ez duelako.

• Baldintza hauetan onartuko balitz bat egitea, multinazionalak erabaki lezake kopuru horiek ekoiztea eta egun, KYBSE Ororbiako egungo langileen euskarri teknikoa, ezinbestekoa dena, ziurtzat jo lezake.

• KSS Orkoiengo soldata KYBSE-n sartzen denaren antzekoa da; hortaz, horren harira, proposamen honek ez dakarkio kostu gehigarririk multinazionalari.

LABek deritza dagoeneko ez dagoela aitzakiarik geroaz ez mintzatzeko; borondate eza larria deritzagu multinazionalak ez sakontzeari proposamen honetan.

LAB oso kritikoa da Kyb Steering Spain S.A.(Kayaba Orkoien) lantokiak pairatzen duen egoerarekin:

– Lan zamaren jaitsiera ez da kasuala. Multinazionalak bazekien aspaldidanik Kayabako produktuak gero eta merkatu gutxiago izango zuela. Beraz, multinazionalak ez dauka inolako aitzakiarik oraindik ere industria plan bat aurkeztu gabe jarraitzeko. Multinazionalak Kayaba Orkoienenra produktu berriak ekartzeko hitzartutako konpromiso guztiak bertan behera utzi ditu. Azken urte hauetan, berriz, langileen lan baldintzak okertu baino ez dira egin.

– Multinazionalak ez du industria planik aurkeztu ez duelako aurkeztu nahi. Multinazionalak soilik plan sozial eta kaleratzeen inguruan hitz egin nahi du, hori baita axola zaion bakarra. Era progresiboan lantokia itxi nahi dutenaren beldur gara.

– LABek ez ditu onartzen Kayaba Orkoiengo itxiera ezta kaleratzeak ere. Ez daude arrazoituak. Alternatibak badaude! Eta, gaur, multinazionalaren ekimen ezaren aurrean, LABek mahai gainean jartzen du alternatiba gauzagarri bat.
 

 

 

Bilboko Udala udaltzaingoan EPE bateratuak egiteko proiektura batzea arbuiatu dugu

admin
-
0
Bilboko Udala udaltzaingoan EPE bateratuak egiteko proiektura batzea arbuiatu dugu

LAB eta ELA sindikatuok uste dugu eredu honekin ez dela gertuko polizia bat bermatzen, Bilboko udalak defendatzen duen bezala, eta udalean negoziazio kolektiborako eskubidea urratzen dela.

Bilboko udalak erabaki du Arkaute prestatzen ari den udal ezberdinetako udaltzaingoan dauden lanpostu hutsak bete asmoz EPE bateratuak egin ahal izateko proiektura batzea, hurrengo 25 lanpostuko EPE Arkautea bideratzea alegia.

Azpimarratu behar dugu, momentu honetan Udaltzaingoko 55 lanpostuko EPE bat martxan dagoela, oraindik prozesu honen hainbat froga falta direla eta hilabete batzuk iraungo duela prozesuak. Hau honela izanda ere, udalak beste prozesu ezberdin bat martxan jarri nahi du, 25 lanpostutakoa, Arkautek egingo duena bere osotasunean eta udalak ez duena ez gaitegia, ez prozesuaren nondik norakoak erabakiko ezta partehartzaileak kalifikatu ere.

Enplegua eta EPEak, udalen konpetentzia dira, beraz, ildo honetan eman daitekeen edozein aldaketa, udaletxe bakoitzean eta udal bakoitzeko langileen ordezkariekin negoziatu behar da.

Bilboko udalak aldiz, ella eta LABen kontrako iritziarekin hartu du erabakia, Langile Batzordearen %76aren aurkako iritziarekin. Erabaki erabat antidemokratikoa

Bilbok atxikitu nahi duen eredu berri honekin, prozesua bateratzen da, bai, baina baita udaltzaingo ezberdinak uniformizatu ere, eta hau, ELAk eta LABek salagu egin nahi dugu. Guk herritarrentzako gertukoa den udaltzaingoa bat nahi dugu, beraz udalerriko ezaugarriak kontutan hartu behar dira.

Bilboko udalak ere behin eta berriz esaten du gertuko udaltzaingo bat defendatzen duela… Hitz politak, gero ekintzetan isladarik ez daukatenak. EPEak egiteko eskumena, kanporatu eta beste hirugarren bati uzten baitio. Gainera, orain arte, Udaltzaingoko zuzendaritzak irmoki defendatu du EPEetan Bilboko kaletegia izan behar zela. Orain honek ez du axolarik, izan ere, EPE prozesu osoa Arkautek egingo du, udalaren ordezkaririk gabe eta udal guztietarako berdinak izango diren oinarri eta gaitegi batekin.

Bilboko udalak badauzka EPEari aurre egin ahal izateko bai langile profesionalak, baita nahikoa gai material ere (Bere akademia, Baliabideak planifikatzeko azpizuzendaritza, area hauetan administrariak, irakastela, akademian ikasgela ezberdinak…). Guzti honegatik ezin dugu udalak hartu nahi duen erabakia ulertu, ezagutzen ez ditugun ezkutuko interesak ez baldin badaude…

ELAk, Bilboko udalari exijitzen die erabaki hau atzera bota dezala eta beste udalei bezalam behingoz, udaltzaingoan dagoen enpleguaren egoerarekin amaitzeko neurriak hartu ditzaztela. Beste alde batera begiratu eta horrelako EPE prozesu bateratu bat konbokatzeak ez die mesederik egiten ez langileei, ezta udaltzaingoak eskaintzen dugun zerbitzu publikoari ere.
 

 

 

Bizikleta gainean egin dute protesta, hitzarmen duin baten alde

admin
-
0
Bizikleta gainean egin dute protesta, hitzarmen duin baten alde

Arabako kirol jardueren sektoreko langileak greba egiten ari dira hitzarmen duin baten defentsan. Mobilizazioak eta jarduerak deitu dituzte egunotarako, lan uzteek irauten duten bitartean. Esaterako, elkarretaratze bat egiten ari dira egunero, 12:00etan, Gasteizko Plaza Berrian. Hala egingo dute uztailaren 31 arte. Grebalariek elkartasuna eskatu diete erabiltzaileei, borrokak kalitatatezko zerbitzu bat eskaintzea baitu helburu, lan baldintza duinen bitartez.

Arabako hirugarrenentzat kirol jardueren sektoreko langileek greba deialdiaren aurrean, LAB sindikatuak muturreko erabaki hori hartzera behartu dituzten arrazoiak jakitera eman zituen joan den astean.

Kolektibo honek sorosleak, kirol monitoreak, atezain eta instalazio kontrola eta zaintzaileak osatzen dute, besteak beste. Neurri handi batean instalazio publikoetan lan egiten dute (igerilekuak, gizarte etxeak, kiroldegiak, frontoiak, futbol zelaiak…), eta gehiengo handiz Gasteizko udalarentzat.

Gaurko bizikleta martxa.
 

 

 
1...912913914...1,607Page 913 of 1,607

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus