2026-01-20
Blog Page 802

Larunbateko pentsioen aldeko mobilizazioetan parte hartzeko deia egiten dugu

admin
-
0
Larunbateko pentsioen aldeko mobilizazioetan parte hartzeko deia egiten dugu

Bihar pentsio duinen aldeko hainbat mobilizazio egingo da Hego Euskal Herriko hainbat txokotan, hala nola, Bilbo, Gasteiz, Donostia, Iruñea, Tutera, Tafalla edo Oreretan. LABeko idazkari nagusi Garbiñe Aranburuk Donostiako manifestazioan hartuko du parte.

LABek bat egiten du pentsioen defentsan egindako deialdi hauekin eta dei egiten die euskal jendarteari, bereziki pentsiodunei, baina baita langabetuei, zigor bikoitza jasotzen duten emakumeei, prekarietatea jasatzen duen gazteriari etab. kalera atera daitezen, bizi baldintza duinen alde mobilizatzen eta borrokatzen.

Zentzu honetan, bereziki aipagarria iruditzen zaio sindikatuari Euskal Herriko Pentsionisten Plataformek aurrera eramandako borroka, 1.080 eurotako gutxieneko pentsioen alde, babes eta gizarte segurantza sistema propioaren alde eta pentsioak KPIaren arabera eguneratzearen alde.

Nabarmena da Euskal Herrian aurrera egin daitekeela horrenbeste urtez pentsionistek egin dituzten aldarrikapenetan. Gutxienez hileroko 1.080 eurotako gutxienezko pentsioak eta orain eta etorkizunean bermatuko dituen babes eta gizarte segurantzako sistema propioa.

Badakigu ezin dugula askorik itxaron Estatuarengatik, berau eutsi edo babesten dutenengatik. Ez dugu nahi gugatik erabaki dezaten nola bizi nahi dugun. Ez dugu ikusi nahi nola urtez urtez, gure pentsioek eros-ahalmena galtzen duten eta Gobernutik egiten duten bezala, pentsioniston lepotik barre egiten duten.

Horregatik, nabarmentzen dugu beharrezkoa dela estatus berriak gaitasun arautzaile osoa onar dezan pentsio sistemari dagokionez. Orain eta etorkizunean, pentsio publiko duinak bermatzeko balioko digun Babes eta Gizarte Segurantzako Sistema propio bat, Europako Karta Sozialak zehazten duen moduan, 1.080 eurotako gutxieneko pentsio bat. Oroitarazi behar dugu nola aurkeztu zituzten Hego Euskal Herriko Pentsionisten Plataformek 7.1724 sinadura Gasteizko parlamentuan eta 7.600 Iruñekoan, eta hauek aintzat hartzeko ordua iritsi da.

Ordua da %0,25arekin konformatzen ez galera esateko ateratzeko. EAJ honen konplize da, miseriazko igoera hori babestu duelako.

Ordua da pentsioak bermatuko dituzten politika publiko duinak bermatzeko, prekarietatearekin amaituko dutenak, eta kalera ateratzeko deia egiten dugu, datozen 17ko mobilizazioak eta helburu horiek dituztenak babesteko.

Kaleak suminez gero eta beteago daudelarik aurrera pauso bat emateko ordua da.

 

 

 

Ez dugu onartzen edozein langile erasotua eta jazarria izatea bere arraza eta jatorriagatik

admin
-
0
Atzo, martxoak 15, Madrilgo Lavapies auzoko kale saltzaile Mmame Mbaye hil zen polizia atzetik izan ondoren. Aurreko egunean hasi ziren jarraipenak eta sarekadak auzo horretan, eta, arrazakeriaren aurkako eta migranteen aldeko kolektiboek adierazi duten bezala, egoera hauek etengabeak izan dira azken asteetan.

LABetik gure elkartasuna erakutsi nahi diegu Madrilgo kale saltzaileei, eta baita Madrilgo Mantero eta Lateroen Sindikatuari. Gertakariak onartezinak iruditzen zaizkigu eta ezin dugu onartu edozein langile erasotua eta jazarria izatea bere arraza edo jatorriagatik. Oraindik gogoan dugu Elhadji Ndiate, Iruñeko Polizia Nazionalaren egoitzan hil zena, Iruñeko Errotxapea auzoan atxilotua izan ondoren.

LABek bere konpromisoa berresten du langile guztien defentsan eta hauen eskubideen alde. Garai honetan, kapitalaren erasoa inoiz baino bortitzagoa denean, klase subjektua berrosatzea ezinbestekoa da, baita sektore sozial desberdinen artean borroka bateratuak egituratzea ere. Sindikatuak bat egiten du Lavapies auzoko hilketa salatzeko Euskal Herrian egingo diren mobilizazioekin.
 

 

 

Nafarroako Metalgintzarako hitzarmen plataforma aurkeztu dugu, langile guztien baldintzak funtsean aldatzea helburu

admin
-
0
Lanaldia murriztea, subrogaziorako bermea, soldata-igoera eta baztertzaileak ez diren kontratatzeko irizpideak dira LAB sindikatuaren Nafarroako Metalgintzako Hitzarmen berriaren plataformaren ardatzak.

Nafarroako Metalgintzako langileok erronka berri bati egin behar diogu aurre. Eta erronka hori, LABen ustez, hitzarmen ona lortzean datza, azken negoziazioetan pairatu ditugun atzeratze nabarmenak leheneratuz. Patronalak eta CCOO eta UGT sindikatuek sinatu dituzten itunen ondorioz handitu baita malgutasuna, lanaldia ezkutuan areagotu da, enpleguari eta lan baldintzei eutsiko zaizkiela bermatu gabe, masiboki azpikontratatu da… Hitzarmenok patronalari soilik ekarri diote onura.

LABen irudikoz garaia da egoera alda dezagun eta eskubideen galera itzuliko duen eta sektoreko langileen baldintzak funtsean onduko dituen hitzarmena sina dezagun; are gehiago Metalgintzako Probintzia Hitzarmena okertzeari esker patronala milioi askotako irabaziak lortzen ari den honetan.

Hauexek dira LABek hitzarmen hau negoziatzeko dituen helburu eta ardatz nagusiak: lanaldia 24 orduz murriztea; subrogatzeko bermea; %4ko soldata-igoera Nafarroako KPIari lotua; eta sektoreko milaka langilek pairatzen duten genero eta sindikatuko bazterkeria mingarria saihesteko baztertzen ez duen kontratazio sistema ezartzea enpresei.

Garaia da borroka gaitezen. Asko dago jokoan, eta langileak piztuz bakarrik lortuko dugu sektorearen interesak asetzen duen hitzarmena.
 

 

 

“Elkarlana beharrezkoa da, bai LABentzat, bai ELArentzat, baina batez ere euskal langileentzat”

admin
-
0
“Elkarlana beharrezkoa da, bai LABentzat, bai ELArentzat, baina batez ere euskal langileentzat”

Astelehenean epaituko duten langile bati elkartasuna adierazi diote Itziarreko Reiner e Hijos SL enpresako lankideek

admin
-
0
Astelehenean epaituko duten langile bati elkartasuna adierazi diote Itziarreko Reiner e Hijos SL enpresako lankideek

Gaur asanblada informatiboa eta kontzentrazioa egin dituzte enpresaren aurrean 13:30etik 14:30era, langileari elkartasuna helarazi eta martxoaren 19an izango den epaiketa salatzeko.

2017 amaieran Reiner e Hijos SL enpresako langile batek zuzendaritzak ezarritako falta oso larri baten berri izan zuen LABek.

Zuzendaritzak, estatuko kimikako hitzarmeneko 61.10 artikuluan oinarrituz, berriro ere erakutsi du Reinerreko langileekiko duen jarrera. Hauek dira, kronologikoki, orain arteko gertakariak:

– Abenduaren 15ean zuzendaritzak falta oso larri baten berri eman zion langileari, alegazioak aurkezteko 3 egunetako epea emanez, tartean asteburu bat izanda.

– Abenduaren 18an langileak alegazioak aurkeztu zituen.

– Alegazioak aurkeztu eta momentuan bertan, hauek irakurri eta baloratu gabe erantzun zion, 15 egun lan eta soldata gabeko zigorra ezarriz.

Enpresaren zuzendaritzak ez dauka inongo borondaterik lantegian sortzen diren arazoen aurrean hitz egin eta irtenbide bat bilatzeko.

Gertakari hauen ondorioz epaiketa ba ospatuko da martxoaren 19an Eibarko epaitegian. Gogorarazi nahi dugu egoera honek ez gaituela ustekabean harrapatzen, orain dela lau hilabete Reinerreko delegatua egon zen jopuntuan, eta oraingoan bertako langile bat. Nora iritsi nahi dute? Zeintzuk dira enpresa honek dituen helburuak? Langileon artean beldurra sortu, hortik aurrera nahi duena egiteko?
 

 

 

ALFAko enpresa-batzordeak Eusko Jaurlaritza eta Eibarko Udalaren jarrera kritikatu ditu

admin
-
0
Greba mugagabean 110 egun igaro ostean, non Grupo Alfako langileok lanpostu guztiei eustearren eta jarduerak Eibarren iraun dezan borrokatzen ari diren, gogoeta txiki bat egin du Alfako enpresa batzordeak erakunde publikoak agertzen ari diren jokabideaz; batik bat, Eibarko Udalak eta Eusko Jaurlaritzak egindakoaz jardun du.

Hauxe da Alfako enpresa batzordearen gogoeta:

Eusko Jaurlaritzari dagokionez, haren arduragabekeria eta gisa honetako egoeran agertu duen arreta eza salatu nahi dugu. Azken hilabete eta erdian ez dugu inolako harremanik izan Arantxa Tapiak eta Eusko Alderdi Jeltzaleak gobernatzen duten Industria Sailarekin.

Izugarrizko begirune eza deritzagu enpresa batzordeak igorritako mezuei erantzun ere ez  izanari.

Gaur egungo Eibarko egoera honelakoxea da. Gurean, Debabarrena eskualdearekin alderatuta, langabezia tasarik handiena dago, Gipuzkoa osoko handienetakoa. 2017ko abenduan  %14,6koa zen langabezia tasa. Gipuzkoako Lurralde Historikoaren batez bestetik ia bost  puntu handiagoa. Zer irtenbide proposatzen ditu Eusko Jaurlaritzak? Enplegua are gehiago suntsitzea? Horretan datza Industria 4.0ren eredu entzutetsua?

Amaitzeko, komunikatu honetaz baliatu nahi genuke Eibarko alkatea den Miguel de los Toyosek egin dituen azken adierazpenen balorazio txikia egiteko. Hasteko, harrigarri deritzagu “sozialista” eta “langile” hitzak bere sigletan jasotzen dituen alderdi politiko baten kideak, lotsagabeki, enpresaren eta eskirolen aldeko jarrera hartu izanari.

Tamalez, haren hitzak ezer gutxitan bereizten dira Buenetxearen ordezkariek eta haren jarraitzaileek esaten dutenetik: “Espero dut inbertitzaileren bat agertuko dela”, “guztiz ezinezkoa da mekanizatuak irautea”, “espero dut epe motzean berri onak izango ditugula”…

Dena uste izanaren, sinestearen eta asmo onaren menpe lagatzen dute. Haien zoritxarrerako, oroimen onekoak gara. Aspaldi bizitzen ari gara egoera hau, askoz ere lehenago aditu izan ditugu honen antzeko adierazpenak. Baina zer jazo da azkenean? Nor da Grupo Alfan enplegua suntsitu izanaren arduraduna? Zein zeregin betetzen du Miguel buru den Udalak?

Beharbada, Jon Ander Buenetxearekin pribatuan, egiten dituen bilerei esker Enpresa Batzorde berak baino informazio gehiagoren jabe da?

Bukatzeko, eskirolen harira, bi kontu ekarri nahi genituzke: duela hilabete bat ez dagoela piketerik, eta are garrantzitsuagoa dena, eta argi eta garbi gera dakigula, eskirolek ez zuten onartu legezko batzar batean erabaki zena, emaitza ez zuten errespetatu eta horrela, Grupo Alfako langileen erabakitze-organoari ez zioten jaramonik egin.

Amaitzeko, gogorarazi nahi dizuegu EEEaren barruan, 131 lanposturen iraungitzea mahai gainean dagoela, gainera kontsulta epea martxoaren 20an amaitutzat emango da. Gaurko egunean, Administradore konkurtsalek egiten duten planteamenduek ez dituzte langileen eta komitearen eskakizunak betetzen, horrez gain, inbertsorearen inguruan helarazi diguten informazioa zalantzak bakarrik eskeintzen ditu.
 

 

 

Sistema kapitalista heteropatriarkalarekin bukatzeko borrokan jarraituko dugu, Marielle Franco gogoan

admin
-
0
Astebete besterik ez da pasa mundu mailako mobilizazio erraldoiak egin genituenetik, nazioarteko Greba Feminista, besteak beste indarkeria matxistaz nazkatuta gaudela ozen aldarrikatzeko eta bart, Rio de Janeiron Marielle Franco, ekintzaile feminista eta jendarte eskubideen defendatzailea, emakumeen eskubideen aldeko borrokalari feminista sutsua, tiroz hil zuten.

Amorrua da momentu honetan sentitzen duguna, baina indarra da zabaldu nahi duguna. Ezin izango duzue gu guztiekin akabatu. Gero eta gehiago gara, ez gara isilduko, ez gaituzue beldurtuko, ez geldituko, ez zapalduko.

Zugatik, Marielle, jarraituko dugu borrokan, mundu eta sistema kapitalista heteropatriarkal honekin bukatu arte! Beste mundu justuagoa eraiki arte.
 

 

 

Uste dugu Osasunbideko EPEa ez nahikoa eta desorekatua dela eta bere osotasunean berrikustea eskatuko dugu

admin
-
0
LABek uste du ezin direla epe-laburreko irizpide mediatikoak izan EPEA definituko dutenak, ekitate eta lan-prekarietatea zuzentzeko irizpideak baizik.

LABen ustez, Osasunbiderako Enplegu Publikoko eskaintza eznahikoa da Madrilen PP, CCOO, UGT eta CSIFek Madrilen lortutako itunaren ondorioz egonkortze eskaintza honetara bideratutako plaza guztiak 3 urtez modu iraunkorrean beteak izan behar zutela 2016ko abenduaren 31aren aurretik. Honek suposatu zuen Osasunbideko barne mugikortasuneko baldintzak kontuan ez hartzea, izan ere hutsik zeuden plaza horietako asko, hiru urte horietan akoplatuak edo lekualdatuak izan zirelako eta baldintza hau betetzeari utzi ziotelako. Madrilen itundutako eta Nafarroan inposatutako irizpideak betetzen ez zituzten plaza huts “berriak” sortuz bete ziren.

2014 aurretik sortutako plaza huts guztiak betirako galdutzat emateaz gain. Hau da Espainiako gobernuak gure erkidegoan egin duen “interbentzioaren” ondorioetako bat, sindikatu espainolen onitziarekin, eskubi espainolako bultzatutako birzentralizazio prozesutik onura atera nahi dutenak. Kontu espainol honek Osasunbidean suposatu diguna 499 plaza galtzea izan da, 2014 aurretik zeuden bakanteak izateagatik, hauei gehitu behar dizkiegu 2014-2016 artean lekualdatze/akoplamendu prozesuren ondorioz ondorioz sartu ez direnak.

Beste alde batetik, LABek uste du EPEa desorekatua dela berriro ere A eta B mailatako plazetan zentratzen delako C, D eta E mailetakoen kaltetan. Lehen kategoriek maiztasun handiagoarekin, eta orain, bigarrenei eskaintzen zaizkien plaza gehiagorekin izan dituzte hautatze-prozesuak. Honekin batera argi geratzen da ez dela kontuan izan aldibaterakotasun irizpidea, C, D eta E mailetan askogatik langileen %50a gainditzen duena.

Osasunbidean “ez sanitarioak” ez diren langileak Nafarroako Gobernuak egin duen EPE orokorrean xurgatuak izan dira, hortaz, bete gabe geratuko dira euren birjatze beharrak.

Negoziazio mahaian eskaintza osoa berrikustea planteatuko dugu. LABek ez du uste epe-laburrera begirako irizpideak izan daitezkeenak EPE bat definituko dutenak, ekitatea eta laneko prekarietatea zuzentzeari buruzkoak baino.

 

 

 

Gipuzkoako eraikuntzako hitzarmenaren negoziaketa lehenbailehen abian jartzeko exijitu diogu patronalari

admin
-
0
Gaur, hilak 15, Gipuzkoako eraikuntzako hitzarmena berritzeko mahai negoziatzaile iraunkorraren bilera egin da Lan Harremanetarako Kontseiluko egoitzan (LHK). Bilera horretan sektorean ordezkaritza dugun sindikatu guztiok parte hartu dugu (LAB, ELA, UGT, CCOO). Patronalaren aldetik, 4 enpresari-elkarte azaldu dira: ADEGI (ASCONGI), GAREN, ERAIKI igeltseroen elkartea eta Gipuzkoako margolarien elkartea.

Beste sektore askotan gertatzen ari den bezala, berriro ere patronalak bere ordezkaritzaren inguruan ados jartzeko dituen arazoek sektoreko negoziazio mahaia eratzea eragotzi dute. Beste behin ere, euren arteko lehiak sektoreko hitzarmenaren negoziaketa abiatzeari eragotzi dio, patronalak hitzez negoziatzeko borondatea agertu badu ere.

LABek bileran exijtu dio patronalari ez oztopatzeko hitzarmenaren negoziaketa. Eraikuntzako hitzarmena 2009tik berritu gabe eta sektoreko negoziazio mahaia ez da biltzen 2010tik. Geroztik, sektoreko langileen lan baldintzak nabarmen okertu egin dira. Aldiz, pasa den urtean eraikuntzako sektoreak % 6 hazi zen. Beraz, patronalari exijitzen diogu arduragabekeria albo batera uzteko eta langileek sortzen duten aberastasuna bana dezaten.

Negoziazio mahaia eratzeko asmoz, hurrengo saiakera martxoaren 23an egingo dugu, 10:30ean ohiko lekuan.
 

 

 
1...801802803...1,585Page 802 of 1,585

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus