Gaurkoa izan da Derion dagoen GTH enpresako langileek egindako lanuzteen bigarren eguna. Kotxe-karabana egin dute euren lantegitik Zamudioko Torrelarragoiti poligonoan dagoen Matricerías Deusto enpresara. Han, ordubeteko kontzentrazioa egin dute. Bihar, lanuzteen hirugarren egunean, kalejira egingo dute euren enpresaren inguruan, eta, ostegunean, hamaiketakoa Derion, enpresaren aurrean.
ELA, LAB eta ESK eta Arabako HIESaren aurkako Batzordearen enpresa-batzordearen oharra:
2019ko urtarrilaren 1ean, Gasteizko Gaztetxearen atarian, indarkeria polizialeko egoera berri bat bizi izan zen. Orduko horretan, udaltzaingoak Gaztetxean eta inguruetan zeudenen aurka kargatu zuen, urtea 5 atxilotu eta hainbat zauriturekin hasi.
Udalak, neurrigabeko hedatze polizial batean, argi utzi zuen herri mugimenduak eta bereziko okupazio-mugimendua, ez dituela oso gustoko.
Esku-hartze polizial hori 12 zauriturekin amaitu da, espetxeratu batekin eta hainbat zauriturekin. Orain gainera, gau horretan Gasteizko Aterpen lanean ari ziren sorgin-ehiza gehitu behar zaio honi, gertatutakoa jasotzen duen bideo bat grabatu eta zabaltzeagatik.
Egoera guzti hau izkutarazi eta eta inolako agindu judizialik tartean egon gabe, Gasteizko Udalaren Politika Sozial eta Osasun Publikoko Sailak, Inklusio Sozialeko arduradunaren bidez, informazio-eskaria egin du Aterpe Gaueko Zentroko hezitzaile taldearen datu pertsonalen inguruan, urtarrilaren 1eko goizeko gertakarien inguruko ikerketa egiteko.
Aipatu entitatearen zuzendaritzak 2018ko abenduaren 30etik 2019ko urtarrilaren 2an lanean egon ziren langile guztien izen-abizenak helarazi ditu. Pribatuak diren datu hauek Administrazioari pasatu dizkiote Datuen Babeserako Legea urratuz.
Zentroko langileek, Sidalavak zeharka kudeatzen duen udal zerbitzua, ez dakite datu hauek eman izanak zein ondorio izan dezakeen zerbitzua edo eurengan. Enpresa izango litzateke balizko ondorio hauen lehen arduraduna.
Bestalde, paradoxikoa ere bada Politika Sozial eta Osasun Publikoko Saila lehena izatea gau hartan Aterpen lanean ari zirenen kontra. Paradoxikoa diogu erakutsitako diligentziagatik, honen falta izan delako bere ezaugarria legegintzaldi honetan zehar. Urte hauetan konstaten bat izan dira politika sozialen planifikazio eza edo muinoko etxeko erabiltzaileen beharrizan sozialen inguruko kezka falta.
Zein da Udalaren helburua horrela jokatzen duenean? Zerbitzu langileak zigortu nahi ditu? Badakigu eredugarria izan dela urte hauetan Enpresa-batzordeak egin duen jarduera sindikala eta salaketazkoa zerbitzu sozial duin eta kalitatezkoak izateko. Ulertzen dugu guzti hau jarduera honi erantzuteko modua izan daitekeela, kontrata baten langileekiko Udalaren interferentzia onartezina suposatzeaz gain, are gehiago langileen eskariak eta erabiltzaileei arreta hobetzearen inguruakoak ez direnean entzuten arreta eta prestasun berdinarekin.
Ohar hau sinatzen dugun sindikatuok eta enpresa-batzordea osatzen dugun atal sindikalok argi utzi nahi dugu ez dugula onartuko Aterpeko langileak izatea pasa den urtarrilaren 1ean egindako zentzugabekeria errepresiobaren turkoburuak izatea. Baina gure konpromisoa salaketa jarrera hori baino harago doa, konpromisoa erakusten baitugu kalitezkoak eta publikoak izango diren zerbitzu sozialen alde aurrera egiteko, zeintzuetan langileek asktatasunez lana egin ahal izango duten kalitatezko proiektuetan eta erabiltzaileak estatistikak baino zerbait gehiago izango diren.
Abenduan Nazio Batzarrak eztabaidatu eta onartutako Testuinguruaren azterketan zehazten zuen moduan, presoa eta iheslariak etxera ekratzeko borroka indartzea izango da LABen lehentasunetako bat datozen hilabeteetan.
Horrela, LABek dei egiten langileei datorren urtarrilaren 12an eta “Orain presoak” lemarekin Bilbon eta Baionan deitutako mobilizazioetan parte hartzera. Batzorde Exekutiboko ordezkaritza bana bidaliko du LABek bakoitzera, Garbiñe Aranburu Igor Arroyo Bilbon izango dira, eta Eñaut Aramendi eta Aiora Imaz Baionan.
Aste beltz baten ondotik iristen da urtarrilaren 12ko deialdia, Garikoitz Aspiazu presoaren senitartekoen istripua, Juan Mari Maiezkurrena preso ohi gaixoaren heriotza… eta gertakariok oso lotuta daude espetxe politikarekin, dispertsioa, salbuespenezko neurrien aplikazioa… Giza eskubideen urraketarekin, hain zuzen ere.
Esparru sindikalari dagokionez, nabarmentzekoa da Bilbon sindikatu guztiak egongo direla. Gainera, Bilbon, tokiko ekimen bat aurkeztu zuten abenduaren 20an, hilabeteko mobilizazioetan oinarrituko dena.
Estrasburgoko epaiak urriaren 20ko Donostiako manifestazioak utzitako zapore on guztia lapurtu zigun eta estatu espainiarraren aldetik ematen ari diren urrats urriek ez dute baikor izateko aukera gehiegirik ematen. Era berean, Frantziako Gobernuak pasa den ikasturtean emandako urratsen ondotik, nolabaiteko motelaldia nabaritzen da.
Horrela, LABek euskal presoak Euskal Herriratu eta ondoren etxeratzeko borrokan jarraituko du. Ildo horretan, ezinbestekoa iruditzen zaigu lortzen ari diren akordioak jendarte osora eramatea, baita lantokietara ere, eta Espainiako nahiz Frantziako Gobernuak interpelatzeko mobilizazio soziala indartzea, bai larunbatari begira, baita hortik aurrera ere.
Eguerdian manifestazioa egin dute Iruñean, abenduaren 26tik greba mugagabean dauden Azkoiengo Huerta de Peraltako langileek. Udaletxe plazatik abiatu eta Alde Zaharreko kaleak zeharkatu ondoren, leku berean amaitu da.
Babes zabala jaso dute langile grebalariek, eragile zein herritar soilena. Manifestazioaren amaieran, Husseyin Yagoubi langileen ordezkariak nabarmendu du enpresak 400.000 euro zor dizkiela langileei eta mehatxuak baliatzen dituela zor duena ez ordaintzeko. Euskara eta gazteleraz gain, gaur arabiera ere entzun da Iruñeko erdigunea.
Greba mugagabeak aurrera jarraitzen du eta ostiralerako, urtarrilaren 11an, Elkartasun-eguna deitu dute.
Derioko Parke Teknologikoan dagoen Gestamp taldeko GTH – Gestamp Tool Hardening enpresako langileek, bi ordutako lanuztea egin dute gaur, 12:00etatik 14:00etara. Bien bitartean, kontzentrazioa egin dute enpresa atarian. Lanuzteak egunero egingo dituzte, ostegunera arte, hitzarmen duinaren alde.
Estanpazio beroa egiten duen enpresa bakarra da GTH Euskal Herrian, gainontzekoek hotzean egiten baitute lana. Gestamp, estanpazio beroaren aldeko apustua egiten ari da mundu mailan baina apostu honek ez du islarik GTHko lan-baldintzetan.
2011an sortu zen GTH eta hitzarmen duina eskatzen dute langileek. Egun, ituna daukate eta Bizkaiko Gestampeko beste lantegiek baino baldintza askoz okerragoak.
2018ko abenduaren 31an amaitu zen ituna eta eskaintzen dutena langileen eskariak erantzuten ez dituzten lan-baldintzak betikotzea da. 5 urterako enpresa-ituna eskaintzen dute.
Irailaren erdialdera, enpresa-batzordeak, bere proposamenen plataforma aurkeztu zuen eta azaro amaierarako benetako erantzunik ez zegoenez, asanbladak erabaki zuen lantegian aparteko orduetan geratzea eta kanpoko prestatzeetan enpresaren aldetik proposamen serio bat jaso arte.
Langileek benetako mamia duen proposamenik jaso ez dutenez, ia ahobatez onartu zuten asanbladan lanuzte eta mobilizazioei ekitea. Horrela, egunean bi ordutako lanuzteak egiten ari dira urtarrilaren 10era arte.
Bihar, kotxe-karabana egingo dute Matriceria Deustoraino. 9an kalejira eta 10ean, hamaiketakoa GTHko bulegoen aurrean.
Larunbata, urtarrilaren 5ean, kontzentrazioa egin zuten Tecuniko langileek Bilboko Arriagaren plazan, euren egoera salatu eta epe laburrean 40 lankide baino gehiago kaleratzearen aurrean protesta egiteko.
Bilboko Udalaren kontrata historikoa da Tecuni, eta aldebakarrez erabaki du Iberdrolarekin zuen mantenurako kontratua etetea.
Datorren urtarrilaren 15ean betetzen da epea, enpresak duela 2 hilabete eta erdi erabakiaren eragina jasango duten langileei bilera batean jakinarazi moduan.
Ordutik hona, langileek grebak, kontzentrazioak, instituzioei idatziak, etab. egin dituzte. Eta enpresak bere aldetik, uko egin dio langileen ordezkariekin biltzeari konponbidea aurkitzen ahalegintzeko.
Greba egun hauetan alde batetik, karga polizialak izan dira zenbait zauriturekin, baita enpresako arduradunen aldetiko mehatxu eta probokazioak, eta baita nazioarteko elkartasuna, ostegunean bezala, eta ostiraleko moduko elkartasun eguna, zeinetan langileak Euskal Herriko txoko ezberdinetatik gerturatu diren langile hauen borroka eredugarria eurena egiteko.
Hala ere, enpresak, itzelezko arduragabekeriarekin jokatuz, langileei ematen dien tratu txarrararekin soilik konpara daitekeena, komunikatu bat egin du, Batzordearekin batzartu gabe, honek egindako proposamena guztiz baztertuz. Ezezko biribila eman zaio proposamen bati, zeinetan langileek arduraz jokatu zuten beste behin, erantzun moduan probokazio berri bat jasoz.
LABetik ulertzen dugu aurrekari gutxi duen enpresarioen aldetiko hooligankeriaren aurrean gaudela. Enpresak ez du zalantzarik behin eta berriro gezurra eta manipulazioa erabiltzeko bere ez-betetzeen gainetik arreta desbideratzeko.
Era berean, ulertzen dugu Nafarroako Gobernua ezin daitekeela isilik egon egoera honen aurrean eta behereala eskuhartu behar duela. Nafarroako Gobernuak, Manu Aierdi Garapen Ekonomikorako Lehendakari-ordea buru duela, bitartekaritza lanak egin beharko lituzte gatazken eta enpresa behartu negoziazio parametroetara aritzera. Enpresa honek dirulaguntza publikoak jaso izan ditu eta onartezina da horrelako jarduerak ahalbidetzea.
Amaitzeko, langileen esanean eskertu nahiko genituzke norbanako, kolektibo sozial, alderdi politiko, sindikatu, etab.en aldetik jaso ditugun elkartasun adierazpenak. Langile asko ari da gatazka hau bere egiteko eta animoari eusteko balio die grebalariei. Behar duten babesa ematen jarraitzeko aukera berria dugu, datorren astelehean, urtarrilaren 7an, Iruñeko Udaletxetik 12:30ean abiatuko den manifestazioan parte hartuz.
Hamar greba egun deitu ditugu EAEko Gizarte Ekimeneko ikastetxeetan, eta gaur egin dugu lanuzte horien erregistroa Bilbon, Eusko Jaurlaritzaren egoitzan. Gizarte Ekimeneko patronalek akordioetara iristeko erakutsitako borondate faltaren aurrean etorriko dira greba eta mobilizazio berri hauek, LAB, ELA, STEILAS, CCOO eta UGT sindikatuok deituta. Urtarrilaren 16tik 25era bitarte izango dira.
