2026-05-02
Blog Page 603

Bizkaiko Metalgintzako sindikatuok astelehen, asteazken eta ostiral guztietan biltzea proposatu diogu patronalari hitzarmen duin bat erdiesteko akordioa lortu arte

admin
-
0
Bizkaiko Metalgintzako sindikatuok astelehen, asteazken eta ostiral guztietan biltzea proposatu diogu patronalari hitzarmen duin bat erdiesteko akordioa lortu arte

Bizkaiko Metalgintzako Mahaia elkartu da gaur berriro, eta sindikatuok, proposamen berri bat mahaigaineratzeaz gain, bilera egutegi bat proposatu dugu patronalaren borondate falta ikusita.

2018ko apirilaren 22an egin zuen proposamenetik oso mugimendu gutxi egin du, momentuak eskatzen duen planteamenduetatik oso urruti dago FVEM eta, batez ere, atzera urratsak mantentzen ditu, irabazi ditugunak kendu nahirik gainera.

Hala ere, Bizkaiko Metalgintzako langile kolektibo osoari begirunez, sindikatuok, beste behin ere, erantzukizunez erantzun diogu egoerari. Proposamen berria jarri dugu mahai gainean, hiru puntutan:

1. Berdintasuna. Patronalak aurkeztu zuen azken proposamena oinarri, bermatzaile izateko (eta ez borondatezkoa) beharrezkoak gehitu dizkiogu:

-Gaian aditua den pertsona tekniko baten kontratazioa, benetan sektoreak behar duen diagnostikoa egingo duelako eta beharrezko irizpideak ezarriko dituelako.

-Sexu jazarpen protokoloari, sexu arrazoiengatik jasandako jazarpena gehitu diogu. Ez delako berdina, baina biek oinarri bera dutelako eta garrantzi bera.

-Enpresetako planei dagokienez, enpresetako diagnostikoak egiteko ere gaian aditua den kanpo aholkularien kontratazioa, baita planak beteko direla bermatzeko neurriak ere (arduradunak ekimen bakoitzerako, aurrekontu espezifikoak eta kronogramak); hori guztia langileen parte hartzea bermatuz eta Berdintasun Plana enpresa eta langileen ordezkarien artean adostutako izango dela bermatuz.

-Emakumeen kontratazioa bultzatzearekin batera, erantzukidetasun neurriak bultzatzea ere eskatu dugu.

2. ABLE bidezko kontratazioa. Aldi baterako enpresen kontratuak epetan mugatzea ezinbestekotzat jotzen dugu, gaur egun, prekarietatearen ezaugarri handienetako baita. Hala ere, negoziaziotan aurrera egin nahian, hasieran proposaturiko zazpi egunetako gehienezko kontratutik hamar eguneko kontratuak onartzeko prestutasuna adierazi dugu.

3. Malgutasuna eta behin behineko kontratazioa. Patronalak malgutasun gehiago nahi du, eta sindikatuok argi eta garbi esan diogu horrek langileen lan baldintzak okertuko lituzkeela. Gainera, bi arazo elkarlotu genituen maiatzean prekarizazio egoera horri aurre egin asmoa: %10 baino gehiagoko behin-behinekotasun kontratazioa daukaten enpresek malgutasuna ezin erabiltzea. Ezin da onartu, kontratazioan dagoen iruzurrarekin, dagoen behin-behinekotasun mailarekin, patronalak lan jarduna eta lan egutegiaren erabilpen askea egitea, gainera. Hala ere, behin-behinekotasun portzentaia %12ra igo dugu, baina beti ere malgutasunaren erabilpenari loturik.

Era berean, akordioetara heltzeko patronalaren borondate falta dela eta, bilera egutegi bat proposatu dugu. Astelehen, asteazken eta ostiral guztietan biltzea proposatu dugu, akordioa lortu arte. Momentuz, patronalak ez ditu gure proposamen berriak erantzun, bai bai deitu gaitu hurrengo asterako, bi bileretarako.

LABetik Bizkaiko Metaleko Hitzarmen duina lortzeko konpromisoan berresten gara; borrokan zein negoziazioan. Horregatik, aipatu urrats horiekin batera, datozen egunetan ditugun deialdi ezberdinetan parte hartzera deitu nahi ditugu langile guztiak.

 

 

 

Gipuzkoako Elikadura Industria eta Merkataritzako hitzarmenaren aurreakordioak prekarizazioari frenoa jartzeko neurriak jasotzen ditu

admin
-
0
Gipuzkoako Elikadura Industria eta Merkataritzako hitzarmenaren aurreakordioak prekarizazioari frenoa jartzeko neurriak jasotzen ditu

LAB sindikatuak Gipuzkoako Elikadura Industria eta Merkataritzako hitzarmenaren aurreakordioa lortu dugula jakinarazi nahi du. Aurreakordio hau LAB, CCOO eta UGT sindikatuok sinatu dugu eta Gipuzkoako 5.000 langile ingururi eragiten die.

Gaurko egunez adostutako aurreakordioak, orain langileen eros ahalmena bermatzeaz gain, fokoa soldata baxuena duten kategorietan jartzen du eta, sektorean, bai industrian zein merkataritzan bizi den prekarizazio prozesuei frenoa jartzeko neurri positiboak barnebiltzen ditu.

Aurreakordioan ondorengo puntuak jaso ditugu;

> Soldata: atzerapenetan langileek 2017 eta 2018ko KPI kobratuko dute eta tabletan kontsolidatu. 2019, 2020 eta 2021 urteetarako, kategoria handienaren KPIa modu linealean kategoria guztiei ordainduko zaie. Modu honetan, langile guztiei eros ahalmena bermatzeaz gain, kategoria baxuenak izango dira igoera handiena izango dutenak, kategorien artean dauden aldeak areagotzea ekidinez.

> Ordu osagarriak: hemendik aurrera lanaldi partziala duten eta ordu osagarriak egiten dituzten langileek, urte amaieran, ordu hauen %30 kontsolidatzeko aukera izango dute. Modu honetan merkataritzan modu kezkagarrian ematen den egoera bati frenoa jartzen hasiko gara eta langileei lanaldi osoetara iristeko aukerak irekitzen.

> Mozo kategoria; hemendik aurrera, hiru urteko esperientzia egiaztatzen baduzu, mozo espezialista izatera pasatuko da langilea modu automatikoan. Orain arte, mozo kategorian ez dago inolako promozio automatikorik izan eta zoritxarrez badira langileak kategoria honetan iltzatuta geratu direnak. Neurri honek bide bat eraikitzen die.

> Abenduak 24 eta 31; egun hauetan, langileen lanaldia arratsaldeko 17:00etan amaitzea adostu dugu, langileen bizitza pertsonal eta laboralaren arteko kontziliazioan lorpen bat.

> Lizentziak; hemendik aurrera medikura laguntzeko lizentzian gurasoak ere barnebilduko dira, eta haurra berriz, pediatrian den bitartean.

> Inaplikazioa: testu berri bat adostu dugu, orain artekoak bezala, lan erreformaren aurrean hitzarmena babestuko duena, eta beraz, langileen lan baldintzak.

> Komisioa: egun hitzarmenean aurkitzen diren kategorien azterketarako komisioa sortzeko konpromisoa adostu dugu. Bereziki garrantzitsua iruditzen zaigu hau, hitzarmen honetan aurkitzen diren kategoria eta funtzioak zaharkituta geratu direlako, eta errealitateari erantzun beharrean, langileen prekarizaziorako tresna da.

> Berdintasun eta ez diskriminazioa: berdintasun planak garatu eta praktikan jartzeko konpromisoak hartu ditugu. Bereziki beharrezkoa ikusten dugun aldarria, merkataritza nagusiki feminizatua dela jakinda.

Hau honela, LAB sindikatutik aurre akordioa positiboki baloratzen dugu, minimoak bermatzeaz gain, eduki berria txertatzen dugula, egungo egoerari erantzunez eta bereziki fokoa behar handiena duten horietan jarriaz. Eta hau orain positiboa izateaz gain, aurrera begira hurrengo hitzarmenerako hobetzeko bidean jartzen gaituela uste dugu.

Azkenik, baina ez ordea garrantzia gutxiagorekin, sektoreko hitzarmena mantendu izana garaipen bat dela azpimarratu nahi dugu. Bi urteko negoziaketa honetan beharrezkoa izan da patronala izan duen pasibotasunaren aurrean langileak antolatu eta kalera ateratzea. Kotxe karabanak egin ditugu, elkarretaratzeak enpresa nagusi eta patronalaren aurrean, aurpegia zuritzeko erabiltzen dituzten lasterketetan izan gara edo dendak pegatina eta kartelez josi. Delegatu eta langileen jarrera aktiboak ekarri gaitu gaurko egunera, eta helburu argiekin, eta elkarrekin lan eginaz, lan baldintzak hobetu ditzakegula erakutsi dugu.

 

 

 

GH Guema Manutencion enpresako langileen batzordea akordio batera iritsi da, lan osasunerako eskubidea bermatua izan dadin

admin
-
0
GH Guema Manutencion enpresako langileen batzordea akordio batera iritsi da, lan osasunerako eskubidea bermatua izan dadin

LAB sindikatuarentzat, akordio honek lan osasunaren jarraipena hobeki egiteko marko bat ezartzen du, lan osasunerako arriskuak kentzeko eta dauden lan istripuak gutxitzeko. Akordio horren atzean kontzientziatutako langile taldea dago, borrokarako hautua egin duena lan osasunerako dugun eskubidea errespetatua izan dadin. Horregatik guztiagatik gaurtik aurrera, azaroak 7, aurreikusita zeuden lanuzteak bertan behera geratzen dira. LAB sindikatuak lanean jarraituko du Lan Osasuneko Batzordean proposamenak eginez eta beharrezkoa den ekintza sindikala martxan jarriz.

Bakaikuko enpresa horren Lan Osasunerako Batzordean sortutako arazo batzuen aurrean, han hartzen ziren erabakiak gauzatzen ez zirela eta, zeuden arriskuei ez zitzaienez irtenbiderik bilatzen, LABeko ordezkariez osaturiko Enpresa Batzordeak mobilizazio eta lanuzte dinamika batera deitu zituen langileak. Helburua zen Lan Osasunerako Batzordea edukiz betetzea eta gaur egun langileek dituzte arriskuen aurrean enpresak beharrezkoak ziren neurriak hartzea exijitzea. Urriaren 17an, 24an eta 31n egin ziren mobilizazioen ostean eta lanuzteekin hasi aurretik akordioa lortu da enpresan.

1. Pertsonen osasuna eta segurtasuna lehenetsiko da. Prebentzio Zerbitzuak behar diren neurriak hartuko ditu, zuzendaritzaren babesarekin.

2. Lan Osasuneko Batzordeko bileretara edozein pertsonak eraman ditzake proposamenak, hobetzeko, baloratzeko… eta erantzuna emango zaio.

3. Lan Osasuneko Batzordeko bileretan enkargatuek, prebentzio zerbitzuak, delegatuek eta, behar izanez gero, horietako norbaitek proposatutako adituek parte hartu ahal izango dute.

4. Lan Osasuneko Batzordean hartzen diren erabakiak jasota dauden bezala burutu beharko dira. Edozein arrazoi dela medio, zerbait betetzen ez bada, arduradunak azalpenak eman beharko ditu eta Lan Osasuneko Batzordean behar diren neurriak jarriko dira.

5. Zuzendaritzak urte hasieran Lan Osasuneko Batzordea kudeatzeko aurrekontua erabakiko du.

6. Lan Osasuneko Batzordean 2.000 € baino gutxiagoko inbertsioa behar izanez gero, erabakitzeko eskubidea %50 Zuzendaritzak izanen du eta %50 Prebentzio delegatuek. Akordio batera iristen ez bada, prebentzio zerbitzuak izanen du azken hitza. 2000 € baino gehiagoko aurrekontua duen inbertsioa egiteko, Zuzendaritzaren baiezkoa beharko du izan.

 

 

 

Nafarroako (in)Justizia Jauregia inguratu dugu, gure bi kideren aurkako kartzela zigorra salatzeko

admin
-
0
Nafarroako (in)Justizia Jauregia inguratu dugu, gure bi kideren aurkako kartzela zigorra salatzeko

LABeko bi sindikalistari 5 hilabeteko kartzela zigorra ezarri dietelako egin dugu gaur protesta. Huerta de Peraltan esplotazioa eta greba eskubidearen urraketa salatzeagatik etorri dira zigorrak, eta, hori salatzeko, Nafarroako (in)Justizia Jauregia inguratu dugu, auto karbana baten bitartez.
 

 

 

EAEko Gizarte Ekimeneko ikastetxeetako greba egunak oso jarraipen zabala izan du, maiatzeko greba egunetakoa gaindituz

admin
-
0
EAEko Gizarte Ekimeneko ikastetxeetako greba egunak oso jarraipen zabala izan du, maiatzeko greba egunetakoa gaindituz

LAB, ELA, STEILAS eta CCOO sindikatuok patronalari eta bereziki Hezkuntza sailari, bakoitzak dagokion arduraz jokatzeko eskatzen diegu berriro, langileen eskaerei erantzunez gatazka bideratzeko eduki eta planteamenduak berresteko.

LAB, ELA, STEILAS eta CCOO sindikatuok bultzatutako elkarrizketarako prozeduraren baitan, atzoko egunean aurrerapauso garrantzitsuak egon ziren. Hala ere, gaur gaurkoz ez dago akordiorik itxita, beraz, jada deituta daukagun mobilizazio eta greba dinamikarekin jarraituko dugu. Izan ere, prozedura guztian zehar ikusi ahal izan dugu, mobilizazio eta greba dinamika abian den heinean soilik ematen direla mugimendu eta aurrarapausoak. Gatazka hau akordio egoki batekin amaitzeko bermerik onena beraz, greba izaten ari den jarraipen zabala da.

Gaurkoa, azken hiru ikasturtetan egiten den 28. greba eguna da sektorean. Bere jarraipena oso zabala izaten ari da, %75 ingurukoa, maiatzeko greba egunen jarraipena nabari gaindituz, eta Eusko jaurlaritzak ezarritako zerbitzu minimoak erabat abusiboak diren arren. Zentzu honetan, sindikatuok zerbitzu minimoen agindua juridikoki salatzeko aukera aztertzen ari gara. Aldi berean, greba izaten ari den babesak agerian uzten du langileen artean dagoen nahiagabea, orain dela 10 urtetik eguneratu gabe dituzten lan baldintzen kaskartzearen ondorioz.

LAB, ELA, STEILAS eta CCOO sindikatuok bereziki Eusko Jaurlaritzaren jarrera salatu nahi dugu. Izan ere gatazka honetan guztian zehar, gatazka bideratzeko izan beharko lukeen inplikazioa alboratu eta bere parte hartze ia bakarra zerbitzu minimoak gehitzera bideratu duelako. Aldi berean, atzo emandako aurrerapusoek, gatazkaren irtenbide egoki batean amai dezaten, ezinbestekoa izango da patronalak eta bereziki Hezkuntza sailak dagokien arduraz jokatzea.

 

 

 

EAEko Hezkuntza eta EHUko garbitzaile azpikontratatuek Lakuara eraman dituzte euren aldarriak

admin
-
0
EAEko Hezkuntza eta EHUko garbitzaile azpikontratatuek Lakuara eraman dituzte euren aldarriak

EAEko Hezkuntza eta EHUko lan zentroetako garbiketa kontratetako langile talde bat Eusko Jaurlaritzako Lakuako egoitza nagusian sartu da gaur, lau urtez luzatzen ari den lan gatazkan Hezkuntza Sailaren inplikazioa exijitzeko.



 

 

 

Herrien aurkako zapalkuntza ekonomiko, politiko eta soziala salatu dugu Kuban

admin
-
0
Herrien aurkako zapalkuntza ekonomiko, politiko eta soziala salatu dugu Kuban

Bukatu dira La Habanan berriki burutu diren III. Jardunaldi antiinperialistak eta orain bertatik ikasitako eta adostutako guztia gurera ekartzea da erronka. Ekintza sozialeko kide den Mikel Betelu izan da jardunaldi hauetan, LAB sindikatuaren izenean, mundu osoko 789 eragile politiko, sozial eta sindikaletako 1.332 ordezkarirekin batera.

Jardunaldietan munduko herrialde ezberdinetan egondako esku-hartze inperialista salatu da, eta bakearen eta demokraziarekin aldeko aldarrikapena nagusitu egin da. Hala nola, inperialismoak Nazioarteko Diru Funtsaren bitartez inposatzen duen eredu neo-liberala salatu egin da, baita herriengan eragiten duen zapalkuntza ekonomiko, politiko eta soziala gaitzetsi ere.

Orain gure erronka bertan ikasi eta adostutakoa Europara eta Euskal Herrira ekartzea da. Eragile sozial eta sindikalen artean aliantzak sortzen joan behar dugu, kapitalaren diktadurari aurre egin eta, herrien Europa jomugan izanik, aldaketa politiko eta sozialak eragiten joan.

Jardunaldietan adostutako manifestua osorik, hemen.
 

 

 

Gune erresidentzialen dekretuak lan osasunerako eskubidea urratzen duela salatuko dugu bihar

admin
-
0
Gune erresidentzialen dekretuak lan osasunerako eskubidea urratzen duela salatuko dugu bihar

Azaroak 8an, ostirala, 11:00etan, Bilboko ASEPEYO egoitzaren aurrean (Sabino Arana Etorbidea, 33-35) kontzentratuko gara.

LAB sindikatuak urte asko daramatza Gizarte Zerbitzuen osotasunaren erregulazio egoki baten beharra salatzen. Erregulazioak ekarri beharko luke honako ratioa: arretarako beharrezkoa den kopurua, izaera presentziala eta kategoriak kontutan hartuko lituzkeena. Horrelaxe, erabileen beharrak eta langileen osasuna bermatuko lituzkeen zerbitzuen antolakuntza egokia jezarriko litzateke.

Pasaden uztailaren 31n, Eusko Jaurlaritzak gune erresidentzialen dekretua onartu zuen eta dekretuak honako gaiak erregulatzen ditu erresidentzietan: material kontuak, pertsonal kontuak eta homologazioa.

Gure eskaerak betetzetik urrun, dekretu berriak gaixotzen gaitu, gure osasuna arriskuan jartzen du. Jezartzen duen pertsonalaren ratioak, sektorea baldintza egokietan mantentzeko ezinbestekoa dena, ez du 98ko aurreko dekretua hobetzen, ez nahikoa da eta makinen antzera lanean eduki nahi gaitu.

Dekretuaren onarpenak jasangaitzak diren lan erritmoak eta arretarako behar den denbora murrizketa jezartzen ditu eta horren ondorio zuzenak dira gain-esfortsuak, antsietatea eta hezur-gihar lesioak…

Dekretuak gure lan osasunerako eskubidea urratzen du, publiko, doako eta unibertsala beharko lukeen zerbitzuaren titulardunen apustua negozioa bilakatzen denean, etekinak langileon gorputzetatik ateratzen direlako.

 

 

 

Egogaingo langileek gatazkari konponbide bat eman diezaiola eskatu diote Aldundiari

admin
-
0
Egogaingo langileek gatazkari konponbide bat eman diezaiola eskatu diote Aldundiari

Amañan eta Egogainen mobilizatu dira Eibarko helduen egoitzako langileak, eta datorren astean Gipuzkoako Foru Aldundira eramango dituzte euren aldarrikapenak.

Egogaineko langileak gaurkoan ere mobilizatu dira, Gipuzkoako Foru Aldundiari Egogaineko gatazkari irtenbidea eman diezaion eskatzeko eta gure egoera salatzeko. Langileak kokoteraino daude, benetako irtenbide negoziatu bat nahi dute. Datorren azaroaren 13an ere elkarretaratzea egingo dute Aldundiaren aurrean; ondoren Egogaini buruzko monografikoa dago eta Aldundiari langileen aldarrikapenak eta egoiliarrek behar duten arreta berma dezan eskatuko diote berriro bertan.
 

 

 
1...602603604...1,613Page 603 of 1,613

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus