Ostiral honetan, irailaren 20an, sindikatuok hilabetero antolatzen dugun elkarretaratzea egingo dugu, "Konponbide garaia da. Orain Presoak" lelopean. 11:30etik 12:00etara izango da, Eliptika plazan.
Blog Page 600
Sindikatuak presoen eskubideen alde mobilizatuko gara Bilbon, ostiralean
Mobilizazioa beste biderik ez dago lan heriotzen sarraskia gelditzeko
Gaur, irailak 18, Tubacex-en izandako lan istripu hilgarri baten berri izan dugu. Hain zuzen ere, EUSETEK GAS SL azpikontratako M.G.R. langileak bizia galdu du. LABetik gure babesa eta elkartasun osoa adierazi nahi diegu hildako langilearen familiari, herrikideei eta lagunei, baita langile klase osoari ere. Aurten, gutxienez, 33 langile hil dira dagoeneko lanean: 4 Araban, 11 Bizkaian, 9 Gipuzkoan eta 9 Nafarroan. Azken lan heriotz hau salatzeko, mobilizaziora deitu dute gaurko Laudioko plazan, 19:00etarako.
Momentuz, ez dira ezagutzen lan istripuaren arrazoiak, bero kolpe bat edo istripu ez traumatiko bat izan den. Ikerketak argituko du hau, baina argi dagoena da lan baldintzek eragin zuzena dutela lan istripuetan. Enpresa hau, Eusetek Gas SL, Tubacex-en azpikontrata bat da Amurrioko Aceralava lantokian, eta Aceralavaren labearen mantenuaz arduratzen da. Hortaz, tenperatura oso altuetan edo muturrekoetan egiten dute bertan lan, eta ezin dugu ahaztu atzo bero handia egin zuela Amurrion eta eskualdean.
Hauxe da Tubacex-en azken hiru hilabeteetan hil den bigarren langilea, eta datu honek agerian uzten ditu Tubacex-en hartzen dituzten prebentzio eta lan osasunerako neurriak.
Prekarietateak, lan erritmo altuak, baldintza termohigrometrikak, behin behinekotasuna, azpikontratazioa, ezaugarri hauek guztiek eragiten dute langileen osasunean, baina, era berean, ezin dugu ahaztu iaz, Gometegi enpresan prozesu konkurtsal aski traumatiko bat izan ostean, M.G.R.-ek, beste lankiderekin batera, kalean ikusi zuela bere burua, enpresak zor zion guztia jaso gabe eta langabezira joanez, lan merkaturako adin zailarekin; 50 urte baino gehiagorekin. Honi gehitu behar zaio urte asko zeramala enpresa horretan lan egiten, bere bizitza proiektua baldintzatuz. Prozesu hauek guztiek ere eragina dute langileen osasunean.
Honen guztiagatik, argi dugu bizi eta lan baldintzek eta prekarizazioak eragin zuzena izan dutela lan heriotz honetan. Eta horrela salatu nahi dugu, baita Tubacex enpresak beroari aurre egiteko neurri eraginkorrak ez dituela nabarmendu ere. Izan ere, bero kolpe bat izanda, eragin zuzena izango luke; eta lan istripu ez traumatiko bat izanda, tenperatura baldintzek ere dute eragin zuzena halako istripuetan.
LAB sindikatutik, argi dugu mobilizazioa dela bide bakarra lan heriotzen sarraskia gelditzeko. Hala, datozen orduetan saiatuko gara merezi duen erantzuna ematen.
Beste lau greba egun deitu ditugu Gipuzkoako grafikagintzan, hitzarmen duin baten alde
Grafikagintzako langileak, Irailaren 25 eta 26 eta Urriaren 2 eta 3an, berriro ere mobilizatuko gara, guztiontzat izango den sektoreko hitzarmen duin baten alde. 4 greba egun hauek, ekaina eta uztailan zehar burututako greba egunei gehitzen zaizkie, eta horrela sektoreak 8 greba egun burutuko ditu. Eta ez dira azkenak izango, izan ere, sektorearentzat justua eta onargarria den hitzarmen bat lortu arte mobilizatzen jarraituko baitugu.
LAB, ELA eta UGT sindikatuok ADEGIren negoziazio borondate falta eta arduragabekeria salatzen dugu. Duela 8 hilabete hitzarmenaren negoziaketak hasi zirenetik, patronala KPIari lotutako igoera soil bat bakarrik eskaini du, langileen eskaera guztiak baztertuz. Gure jarrera negoziatzailea izan den arren, ADEGIK jarrera zorrotza mantendu du, negoziaketarako ateak itxi eta sektorea konfrontaziora eramanez.
Zorionez, egun sektoreak bizi duen egoera ona da, Enpresetako lan karga handia da, eta ondorioz ADEGIren jarrera ulertezina eta onartezina egiten zaigu. Enpresa proposamena hobetzeko margena handia da. Soldata igoera batez gain, lan baldintzak hobetuko dituzten puntuak sartzea ezinbestekoa da. Soldata igoera duinak, lizentzien egokitzapen eta hobekuntzak, kontratazioetan hobekuntzak, hitzarmenaren blindajea eta errelebu kontratua dira hitzarmenean sartu ahal eta behar diren puntuetako batzuk.
Patronalaren esku dago, sektorea Irailaren 26 eta 26 eta Urriaren 2 eta 3an grebara joan edo ez. ADEGI izan zen sindikatuen proposamenak ukatu zituena. ADEGI izan zen, mahaitik altxa zena eta erreflexio bat egin behar zuela esan zuena. 3 hilabete beranduago, erreflexio horren emaitzak ezagutu gabe jarraitzen dugu. Beraz ADEGI izan zen sektorea konfrontaziora eraman zuena eta ADEGIk izan behar du negoziazioaren aldeko apustua egin behar duena, mahaira sindikatuen eskaerak kontuan izango dituen proposamen serio bat eramanaz.
Hau horrela ez bada, hemen gauden sindikatuok mobilizatzen jarraituko dugu eta akordio duin eta justu bat izan arte greba egun gehiago deituko ditugu.
Elgetako CIE Alurecy enpresako grebalariak lantokia ixteko asmoen kontra mobilizatu dira
Elgetako CIE Alurecy enpresako langileak greba mugagabean dira, eta, horrekin batera, mobilizazioak ari dira egiten. Lantokiaren aurrean bildu dira gaur, lantegia ixteko asmoa duelako zuzendaritzak.
Nafarroako Parlamentuan kateatu gara, jazarpen sindikala salatzeko
LABeko hainbat ekintzailek Nafarroako Parlamentura eraman dute jazarpen sindikalaren eta Imanol Salinasen aurkako espetxe zigorraren salaketa. Hain zuzen ere, sindikatuko kideak bertan kateatu dira, "Borroka sindikala ez da delitu" oihuen artean eta megafonoak eskuetan, Imanol Salinasen delitua hori izan baitzen: La Sangiovesako langileen eskubideak megafono batekin defendatzea. LABeko bozeramaile Itxaso Torregrosak hartu du hitza ekintza egin bitartean, eta Imanol Salinas kartzelaratzeko epaia "eskandaluzkoa" dela nabarmendu du.
Iragan maiatzean Imanol Salinas LABeko kideari 21 hilabeteko kartzela ezarri zion epaileak 2018an Iruñeko La Sangiovesako lan gatazkan bozgorailu bat erabili zuelako. Egunotan, sindikatuak sententzia surrealista hari jarritako helegitea aztertzen ari dira. Eta horren karietara, LABeko zortzi kide Nafarroako Parlamentuaren leihoetan kateatu dira gaur, sindikalismoa delitua ez dela aldarrikatzeko.
Iruñeko La Sangiovesa jatetxearen parean pankarta batekin jarri. Barnera sartu. Pegatinak itsasi. Kartelak erakutsi. Bozgorailu batekin kontsigna sindikal batzuk oihukatu. Ekintza horiek bakarka egin izan balira, ez zuketen zigorrik mereziko. Baina denak batera egin zirenez, “koakzioa” dira eta zigorra merezi dute “askatasun sindikalaren esparrua” gainditzen dutelako. Halaxe uste du, bederen, Emilio Labella izeneko epaileak, eta halaxe utzi zuen idatzita 2019ko maiatzaren 16an argitaraturiko sententzia batean. Horren ondorioz, Imanol Salinas LABeko kideari 21 hilabeteko kartzela zigorra ezarri zion, bozgorailu batekin protesta hura dinamizatzen ibili baitzen. Kartzela barnean bete beharreko 21 hilabete.
LAB sindikatuaren aburuz sindikalista bat kartzelara eraman dezakeen epai hori eskandaluzkoa da eta, horregatik, Borroka sindikala aurrera kanpainaren bidez, Imanol Salinasekin egin nahi duten injustizia salatu nahi du, bai eta esplotazioaren zein prekaritatearen aldeko bere jarrera berretsi ere. Ildo horretan, gaur, LABeko zortzi kide Nafarroako Parlamentuko leihoetan kateatu dira, bertze zortzi kidek bozgorailuak erakutsi dituzte, bertze batzuk eskuorriak banatu dituzte, eta bertze batzuk pankarta bat erakusten saiatu dira -ezin izan dute foruzainek eta bizkartzainek kendu dietelako-. Eta hori guztia irudikatzeko protesta laboraletan ohikoak diren ekintzak egiteagatik ezin dutela inor kartzelan sartu.
Kateatu diren kideetako bat Itxaso Torregrosa izan da, LABeko idazkaria Iruñerrian eta bozeramaileetako bat. Haren hitzetan, gaurko ekintzarekin Nafarroako Parlamentua eta Gobernua interpelatu nahi izan ditu LABek. “Nahi dugu jakin zein jarrera duten gertatzen ari den honen inguruan, eta nahi dugu jakin zer eginen duten. Hau guztia bereziki larria baita”.
Torregrosaren ustez, epaileak, poliziak edo Lan Ikuskaritza enpresetan egon beharko lirateke, lan eskubideak urratzen ez direla, esplotaziorik ez dagoela, prekaritaterik ez dagoela zaintzen. “Eskandaluzkoa da beraiek egin beharko luketen lana egiten duten sindikalistak kartzelatzea”. LAB sindikatuaren borroka legitimoa dela aldarrikatu du Torregrosak, “inoiz baino beharrezkoagoa” dela, eta dei egin du Imanol Salinasi babesa emateko antolatu den irailaren 28ko manifestazioan parte hartzera. Iruñean izanen da, 17:30ean Autobus Geltoki zaharrean hasita.
Jazarpen sindikalaren aurkako mobilizazioak egingo ditugu datozen egunetan. Hauek dira deitutako mobilizazioak, hain justu:
ELKARRETARATZEAK EPAITEGIETAN:
-Irailaren 20an, Iruñean, 12:00etan.
-Irailaren 23an, Bilbon eta Donostian, 12:00etan.
-Irailaren 24an, Gasteizen, 12:00etan.
MANIFESTAZIOA:
-Irailaren 28an, 17:30ean, Iruñeko autobus geltoki zaharretik.
Euskal Herriak prekarizazioaren aurka planto egitea da kurtso berrirako erronka nagusia, lan, bizitza eta pentsio duinen defentsan
LABeko idazkari nagusi Garbiñe Aranburuk eta idazkari nagusi ondoko Igor Arroyok agerraldia egin dute sindikatuak 2019/2020 kurtsorako zehaztuta dituen helburu eta egitasmo nagusien berri emateko, arlo sindikal, politiko zein sozialean. Era berean, Hego Euskal Herriko egoera sozioekonomikoaren berri ematen duen azterketa aurkeztu dute. LABeko ordezkarien arabera, sindikatuaren lehentasunak hauexek izango dira: lantokietan borroka sindikalak sustatzea, eredu sindikal feministan sakontzea, langileek etxera bizirik eta osasuntsu iristea bermatzea eta prekarizazio forma berriei erantzutea, besteak beste. Zentzu honetan, Euskal Herriak prekarizazioaren aurka planto egin behar duela azpimarratu dugu, lan, bizitza eta pentsio duinen alde.
Kurtso berrirako lehentasunak zerrendatu dituzte Garbiñe Aranburuk eta Igor Arroyok:
-Lantokietan borroka sindikalak aktibatzen jarraitzea. Borroka hauei esker, negoziazio kolektiboa indartzen ari gara eta prekarietatea gelditzen ari gara.
-Eredu sindikal feminista batean sakontzen jarraitzea. Azken urteetan sustatu diren borroka sindikal asko sektore feminizatuetan aktibatu ditugu. Ez dira isolatutako borrokak. Borroka hauen bitartez, agerian uzten ari gara emakumeok pairatzen dugun diskriminazio sistemikoa.
-LABentzan egiturazkoa da langileek etxera bizirik eta osasuntsu itzultzea bermatzea. Aurten, gutxienez 32 langile hil dira lan istripu baten ondorioz Euskal Herrian. Kopuru honetan ez daude amiantoaren eraginez edo beste lan gaixotasunen ondorioz hildakoak, oraindik orain datu horiek ez direlako erregistratzen. Hau guztia saihestu daiteke.
Gure ekintza sindikala indartuko dugu, prebentzio neurri eraginkorrak har daitezen eta lan gaixotasunak ikusgarri egiteko. Lan egiten jarraituko dugu, lan istripuen aurrean gehiengo sindikaletik ematen dugun erantzuna indartzeko.
-Sindikalismoa birpentsatzen jarraituko dugu:
Sindikalismoak prekarizazio forma berriei erantzun behar die; lan harremanetan ematen ari den uberizazio fenomenoaren ondorioz datorrena (riders, kellys…). Sindikatuak tresna bat izan behar du sindikalismo klasikoaren bitartez lordezkatuta sentitzen ez diren haientzat (etxeko langileak, ustezko autonomoak…).
Joan den ikasturtean, etxeko langileentzat hitzarmen bat exijitzeko ekimena abian jarri genuen, eta Nafarroan Glovoren aurka salaketa jarri dugu.
Era berean, sindikalismoa birpentsatu behar da ekosozialismoaren oinarriak gure eredu sindikalean txertatzeko. Egungo sistema kapitalistak eta heteropatriarkalak ez du ez hanka ez bururik. Larrialdi klimatikoaren aurrean, sistema aldatzea da gure borroka. Klase borroka eta aldaketa klimatikoaren aurkako borroka uztartu behar ditugu. Irailaren 27a sindikatuaren agendan dagoen eguna da.
-Sindikatuaren profil soziopolitikoa indartzea. Sindikalismoak eraldaketa sozial eta aldaketa politikorako estrategia integral bat izan behar du. Kurtso berri honetan zehar, sindikatuaren programa sozioekonomikoa osatuko dugu. Programa honetan sindikatuaren proposamen guztiak jasoko dira, beste eredu sozioekonomiko bat, lan harremanetarako eta babes sozialerako beste eredu bat, sortzen joateko. Proposamen horren baitan, ekonomia nola demokratizatu izango dugu hizpide, eta baita ere hitz egingo dugu ekoizpen eta kontsumo ereduari buruz, sektore publikoaren ereduari buruz, lan kodigo propio bati buruz, zaintzen sistema publiko bati buruz, eta abar.
Mugarri berri bat
Horiek guztiak izango dira sindikatuaren ardatz nagusiak kurtso berriari begira, aktibazio sozial garrantzitsua duen Euskal Herri batean, Euskal Herri aurrerakoi batean, Euskal Herri batean non gehiengo soziala den egungo sistema gainditzeko borrokan ari dena (pentsionistak, mugimendu feminista, gazteak, migranteak).
Joan den kurtsoa bukatzen genuen esaten borroka desberdinak artikulatzeko beharra zegoela, borroka horiek guztiak sustatzeko mobilizazio orokorren beharra zegoela. Bada, kurtso berri honetan mugarri bat jarri nahi dugu: Euskal Herriak planto egin behar du, Euskal Herria gelditu behar da, prekarizazioaren aurka eta lan, bizitza eta pentsio duinen alde.
47 auzipetuen indarra eta ekarpena beharrezkoa izango da, eragileon inplikazioarekin eta jendartearen bultzadaz, preso eta iheslari guztiak etxean izan arte lanean eta mobilizatzen jarraitzeko
Inoiz izan behar ez zukeen epaiketa izan da gaur goizean abiatu den 11/13 sumarioarena. Garaiz kanpokoa eta motibazio politikoei erantzuten diena, bake eta elkarbizitza demokratikoaren eraikuntzan herri hau ematen ari den urratsen kontrako norabidean kokatua zegoen basakeria.
Herri honetan zentzugabekeria horri aurre egiteko atxikimendu zabala erakutsi da, adostasun zabalak eraiki dira, asteburuan milaka lagunek Bilbon eta aurrez Euskal Herriko herri eta auzoetan izaniko hamaika mobilizaziotan erakutsi bezala.
Kartzelak husteko garaia da. Zentzu honetan, espetxeratze berriak ekidin eta auzipetuak etxera bueltan izatea berri ona da. Guztiak nahiko genituzke etxera bueltan, baita Arantxa Zulueta eta Jon Enparantza ere. Akordioarekin zigor handiagoak ekiditea lortu da, eta hori garrantzitsua da, baina zigorrik txikienak ere, baita inhabilitazioak, injustuak dira.
47 auziperatuak luze gabe gure artean izango ditugu; haien indarra eta ekarpenak beharrezko bezain garrantzitsua izaten jarraituko du, euskal eragileon inplikazioarekin eta jendartearen bultzadaz, preso eta iheslari guztiak etxean izan arte lanean eta mobilizatzen jarraitzeko.
Lakuan mobilizatu gara, EAEko irakaskuntza publikoko ordezkapenetan kaltetutako irakasleentzat konponbide eske
Gasteizko Lakuaren parean bildu gara, entzungor egiten duen Hezkuntzan sailaren aurrean ikusgarri egin gaitezen. Aski delako, hezkuntzako langileak zenbaki hutsa besterik ez garelako. Hain zuzen ere, LABetik gogor salatu dugu Hezkuntza Sailaren utzikeria eta ardura falta irakasleen ordezkapenen inguruan.
Sed ut perspiciatis unde omnis iste natus error sit voluptatem accusantium doloremque laudantium, totam rem aperiam, eaque ipsa quae ab illo inventore veritatis et quasi architecto beatae vitae dicta sunt explicabo. Nemo enim ipsam voluptatem quia voluptas sit aspernatur aut odit aut fugit, sed quia consequuntur magni dolores eos qui ratione voluptatem sequi nesciunt. Neque porro quisquam est, qui dolorem ipsum quia dolor sit amet, consectetur, adipisci velit, sed quia non numquam eius modi tempora incidunt ut labore et dolore magnam aliquam quaerat voluptatem. Ut enim ad minima veniam, quis nostrum exercitationem ullam corporis suscipit laboriosam, nisi ut aliquid ex ea commodi consequatur? Quis autem vel eum iure reprehenderit qui in ea voluptate velit esse quam nihil molestiae consequatur, vel illum qui dolorem eum fugiat quo voluptas nulla pariatur?
Viscofan enpresaren atarian elkartu gara, azken lan heriotza salatzeko
Kasedako Viscofan enpresan mobilizazio eguna dute gaur, joan den larunbatean izandako lan heriotza salatzeko. Langile bat hil zen eta beste bat larriki zauritu, lan istripuaren ondorioz. Bada, enpresa batzordeak deituta, 24 orduko lanuztea ari dira egiten, eta 13:00etatik 15:00etara elkarretaratze batera deitu dituzte langileak. LAB, ELA, ESK, STEILAS, EHNE, Hiru eta CGT sindikatuok bat egin dugu mobilizazioarekin. Dagoeneko, gutxienez 32 langilek galdu dute bizia aurten Euskal Herrian, lanean zirela.
Kasedako lan heriotza salatzeko, Urdiaingo Viscofan enpresako komiteak ere elkarretaratzea egin du.