2026-01-26
Blog Page 1102

Volkswagenentzat lanak egiten ari zen TEX enpresako langilearen heriotza salatzen du LABek

admin
-
0

Atzo, abuztuak 31, Volkswagenentzat pabiloi berri bat eraikitzen ari den TEX enpresako 34 urteko langilea zendu zen heriotz istripu baten ondorioz. Jada 36 dira urtea hasi zenetik beren lanpostuan bizitza galdu duten langileak. LAB sindikatuak haien sendi, lankide eta gertuko guztiei elkartasuna adieraztearekin batera, enpresa batzordeak, gaurko konbokatu duen, eta 14etan hasiko den, 24 orduko lan uztean, parte hartzeko deia luzatzen du.

Gertatutakoaren aurrean Volskwageneko enpresa batzordeak eta prebentzio ordezkarien komisioak honako hau onartu du:
1- VW Nafarraoaren izenean babesa eta doluminak adieraztea langile honen familia, lagun eta lankideei.
2- Enpresa zuzendaritzari urgentziazko bilera bat eskatzea gertatutakoaren inguruan hitz egiteko.
3- Gertatutako salatzeko eta laneko segurtasuna defendatzeko, Irailaren 1ean, 24 orduko lan uztea egitea 14etatik aurrera.

Egoera hau aldatzeari begira LABek bere konpromisoa berresten du eta lanean jarraituko du prekarietatea gainditu eta lan baldintza duinen defentsan.

 

 

 

Carrefourrek Koldo Fernández delegatua kaleratu du

admin
-
0
Carrefourrek Koldo Fernández delegatua kaleratu du

Enpresak Bilboko Zabalburuko saltokiko Koldo Fernández LABen delegatua kaleratu berri du. Gaur goizean eman diote kaleratze gutuna. Ordezkari honek 25 urte baino gehiago daramatza enpresan lanean. Urte hauetan, arazo ezberdinak izan ditu enpresaren zuzendaritzarekin langileen ordezkari moduan jarduteagatik, jazarpen sindikalaren adibide garbia.

LABek berresten du Carrefourren jarrera langile-klasearen kontrako eraso zuzena dela enpresari molestatu egiten baitio langileak antolatu eta euren eskubideak aldarrikatzeak, eta horregatik kaleratu dute delegatua, bere lankideak etsipenera eraman asmoz, euren eskubideak defendatzeko antolatu eta borroka ez daitezen.

LABek urjentziazko bilera eskatu dio Carrefourreko zuzendaritzari zuzenean adierazteko bere jarrera antisindikalarekin eta langileen aurkako jarrerarekin amai dezan, bere langile zein bezeroen aurkako jarrerarekin, Carrefourreko bezeroak ere ere herri honetako langileak baitira.

LABek exijitzen du Carrefourren laneko jazarpenarekin eta jarrera antisindikalarekin amai dezan eta horretarako mobilizazio ezberdinak deituko ditu datozen egunotan.
 

 

 

Bilbon izango gara abuztuaren 28an gaixorik dauden presoen etxeratzearen aldeko manifestazioan

admin
-
0
Bilbon izango gara abuztuaren 28an gaixorik dauden presoen etxeratzearen aldeko manifestazioan

Gaixo dauden Bizkaiko euskal presoen senide eta lagunek manifestazioa antolatu dute datorren abuztuaren 28rako Bilbon. "Gaixo dauden presoak etxean behar ditugu" lelopean osasun eskubidea urratzen duen espainiar zein frantziar estatuen espetxe politika salatuko da.

LABek bat egiten du mobilizazioen ardarrikapenekin eta Euskal Herriko langilegoari dei egiten dio bertan parte hartzera. Manifestazioa 12:30an abiatuko da Plaza Eliptikotik.

Era berean, preso politikoen eskubideen aldeko borroka indartzera deitu nahi du sindikatuak, elkartasuna bera jopuntuan dagoen garai hauetan. Horretarako, preso politikoen eskubideen aldeko aldarria lantoki eta kaleetan presente egon dadin lanean jarraituko du LABek. Giza eskubideen alde eta dispertsioaren kontra dagoen gehiengo soziala aktibatu asmoz, lanean jarraitzeko prestasuna adierazi nahi du sindikatuak.
 

 

 

Urriaren 24a Bilbon. Alternatiba sozial eta ekonomikoen erakusleihoa izango den eguna

admin
-
0
Urriaren 24a Bilbon. Alternatiba sozial eta ekonomikoen erakusleihoa izango den eguna


Alternatiben Herria ekimena urriaren 24an izango da Bilbon. Prestakuntza lanetan ari gara, Euskal Herrian bizirik dauden alternatiba sozial eta ekonomiko guztien erakusleihoa izango den eguna antolatzeko…

 

 

 

Patronala, UGT eta CCOOen neurrian egindako lan prestakuntzarako deialdiaren inguruan Nafarroako Gobernuak azaldutako argudioak arbuiatzen ditugu

admin
-
0

Nafarroako Gobernuak lan prestakuntzaren inguruan 2 milioi euroko dirulaguntzak banatzeko deialdiak egin ditu. Lehenik eta behin, deigarria da aipatu deialdiak Barcinaren Gobernuko kide batek, Imelda Loreak hain zuzen, bideratu izana, noiz eta udako oporraldien erdian, uztailaren 29an eta abuztuaren 7an.

Bigarrenik, deialdi horiek patronala, UGT eta CCOOen neurrian egin dira, aurretik UPNren Gobernuak egiten zuen bezala.

Baina larriena, Nafarroako Gobernuak aipatutako erabakia justifikatzeko erabili dituen argudioak dira. Lehenik eta behin, formazko arrazoiak argudiatzen dira UPNren politika bera egiten jarraitzeko. Bigarrenik, ez da antzematen aipatutako politika hori aldatzeko inolako borondaterik. Gobernuak erantzun behar duen galdera honako hau da: estatu mailako funtsak kudeatuko lituzkeen lan prestakuntzako sare publikoa sustatuko al du ala aipatutako funts horiek Patronalak, UGTk eta CCOOek eskuratzen jarrai dezaten ahalbidetuko du?

Lan prestakuntzako sare publikoari bultzada ematea aurreikusten du Akordio Programatikoak; erabat bideragarria da legalki eta ez du koste ekonomikorik, estatu mailako funtsean biltzen diren langileen kotizazioen bidez finantziatuko litzatekeelako. Honela bada, Laparra Lehendakariorde Jaunari eskatzen diogu aipatutako deialdiak bertan behera utzi eta estatu mailako funtsak kudeatuko dituen lan prestakuntzarako sare publikoa martxan jar dezan.

 

 

 

Txente Askasibarren askatasunaren aldeko kontzentrazioa bihar

admin
-
0
Txente Askasibarren askatasunaren aldeko kontzentrazioa bihar

LABen BBVAko atal sindikalak kontzentrazioa egingo du bihar, abuztuak 26, 13:00etan, Bilboko BBVAren aurrean (Gran Vía, 12).

Txente Askasibarrek, BBVAko lankide jubilatua 18/98 sumarioan epaitu eta 8 urte eta erdiko kartzela zigorra jasan zuen bere jarduera politikoagatik. Txentek 72 urte bete ditu, eta adin honetaz Salamankako Topas kartzelan preso dago, dispertsioaren mendekua jasaten gainera.

Bere militantzia politikoagatik kartzelan zazpi urte baino gehiago eman ostean, etxetik urrun gainera, ez dute ez begirune ez errukirik bere adinaz, eta kartzelan jarraitzen du zigor osoa betetzen inolako errebisio barik. Halaber, bere emazte eta senide zein lagunak kondenatu dituzte ere dispertsio politikarekin, astero astero 800 kilometro baino gehiago egin behar baitituzte Txente ikusteko, horrek dakarren gastu ekonomiko zein arrisku fisikoaz.

Kontzentrazioan, Askasibar berehala askatzea eskatuko dute, bere atxiloketa inoiz gertatu behar ez bazen ere, are ankerragoa baita oraindik kartzelan mantentzea.
 

 

 

Carrefourrek jazarpen sindikalarekin jarraitzen du

admin
-
0
Carrefourrek jazarpen sindikalarekin jarraitzen du


Gaur Zabalburuko saltokira eraman dute protesta. Mobilizazioak egingo dira aste osoan zehar. Enpresak Bilboko Zabalburuko saltokiko LABen delegatu bat zigortu du kaleratzeko asmoarekin. Ordezkari honek 25 urte baino gehiago daramatza enpresan lanean. 

Enpresak, expediente zigortzailea irekitzerakoan ahoz jakinarazi zuen bere erantzuna gaur bertan jakinaraziko zuela. Enpresak ez du horrelakorik egin eta bere lanpostutik aparte mantentzen du langilea, LABeko delegatua pertsona eta langile moduan etsipenera eramatea helburu.

LABek berresten du Carrefourren jarrera langile-klasearen kontrako eraso zuzena dela enpresari molestatu egiten baitio langileak antolatu eta euren eskubideak aldarrikatzea, eta horregatik mantendu nahi dute delegatua lantokitik kanpo, bere lankideekin harremanik izan ez dezan.

LABek urjentziazko bilera eskatu dio Carrefourreko zuzendaritzari zuzenean adierazteko bere jarrera antisindikalarekin eta langileen aurkako jarrerarekin amai dezan, bere langile zein bezeroen aurkako jarrerarekin, Carrefourreko bezeroak ere ere herri honetako langileak baitira.

LABek exijitzen du Carrefourren laneko jazarpenarekin eta jarrera antisindikalarekin amai dezan eta horretarako kontzentrazioak egingo ditu aste honetan enpresaren jarrera salatzeko:

Asteartea 25, asteazkena 26 eta osteguna 27:
– 12:30etik 13:00etara Zabalburuko Carrefourren aurrean.
– 13:15etik 13:35era Atxuriko Carrefourren aurrean.

 

 

 

Bilboko Diako langileen protestak zuzendaritzaren azken inposaketaren aurrean

admin
-
0

Diak Bilbon dituen saltokiak itxita egon izan dira Aste Nagusietako arratsaldeetan. Aurten, enpresaren zuzendaritzak arratsaldez lan egitera behartu nahi ditu langileak. Honen aurrean protestak egingo dituzte bihar asteartea eta etzi asteazkena. Kontzentrazioak saltoki ezberdinen aurrean izango dira, 11:30ean Zabalburun, 12:30ean Juan de Ajuriagerran eta 13:00etan Zabalbiden.

Diako Enpresa-batzordearen oharra (ELA, LAB, CCOO, UGT)

Diako Bilboko langileok kontzentrazioak egingo ditugu
gure eskubideen alde

Uztailaren 15ean zuzendaritzak jakinarazi zigun Aste Nagusiko arratsaldeetan Bilboko dendak irekiko zituela, historikoki itxita egon direnak. Honek izaera kolektibodun gure lan-baldintzen funtsezko aldaketa dakar, Langileen estatutuko 41. artikulua urratuz. Diak ez ditu kontuan hartzen gure bizitza pertsonalak eta ez du familia-kontziliazio egokirik ahalbidetzen.

Ekainaren 29an elkartu ginen enpresarekin. Aste Nagusian orduak nola zenbatuko zituen galdetu genien. Guztia, denda guztietan modu uniformean egitea bilatzen dugulako langileen arteko desberdintasunak ekiditeko. Enpresak, giza-baliabideen buruak zehazki, erantzun zigun “orain arte egiten izan den bezala” egingo zela. Gezurra, 15 egun beranduago jakinarazten digute ireki egingo dutela.

Bilboko langileok ez dugu besteek baino lan gutxiago egiten. Aste horretan egiten dena da zor zaizkigun aparteko orduak bueltatzea, urteko gehiegizko lanaldira gehitu (Dian urteko lanaldian gehiegizko orduak ditugu) eta berriak izateagatik ezer zor ez zaienak goizeko txandara aldatzen dira. Ez digute ezer oporitzen eta ez dugu gutxiago lan egiten. Orain, enpresaren erabaki honekin urtero hitzarmenak zehaztutakoak baino ordu gehiagoz egingo dugu lan.

Enpresarekin hitzarmena egin nahi izan dugu baina ez da modurik egon. Enpresa honekin ez dago balio duen negoziaziorik. Ez zaigu besterik gelditzen gure eskubideen alde kalera ateratzea baino, gaur Aste Nagusian libratzeagatik eta bihar beste zerbaitengatik.

Abuztuaren 21ean hasi genuen gure eskubideei egindako eraso larri honen aurreko borroka. Enpresa-batzordeak ez du amorerik ematen, gure eskubideen alde jarraitzen dugu borrokan. Hori dela eta, mobilizazioak egingo ditugu datozen egunotan.

Astearte eta asteazkenean, abuztuaren 25 eta 26an:

– 11:00etatik 11:30etara Zabalburu plazako saltokian (Nikolas Alcorta, 2).

– 12:00etatik 12:30etara Juan de Ajuriagerrako dendan.

– 13:00etatik 13:30etara Zabalbideko dendan.
 

Bilbon, 2015eko abuztuaren 24an
 

 

 

Ehundaka pertsona atera ziren kalera ostiralean indarkeria sexistari aurre egiteko eskatzeko

admin
-
0
Ehundaka pertsona atera ziren kalera ostiralean indarkeria sexistari aurre egiteko eskatzeko

Emakumeen Mundu Martxaren deialdiari jarraituz, ehundaka izan ziren ostiralean biolentzia sexistaren kontra kalera atera zirenak. Hegoaldeko lau hiruburuetan egin ziren mobilizazioak, Bilbo, Donostia, Gasteiz eta Iruñean.

Emakumeen Mundu Martxaren irakurketaren arabera “lau dira jada Euskal Herrian indarkeria matxistak erahildako emakumeak, eta ikusi ahal izan dugun bezala, eraso sexistak eta indarkeria matxistagatik atzemandako gizonen kopurua izugarria izaten ari da uda honetan”.

Erantzunerako deia berretsi du Emakumeen Mundu Martxak. “Nazkatuta gaude, haserre eta erreta, emakumeonganako indarkeria honek etenik ez duela ikusita, eta honen aurrean behar bezalako larritasunez erantzutera deitzen ditugu, bai jendartea eta bertako eragile sozialak, baina baita arduradun politikoak ere. Horregatik guk kaleak hartzen jarraituko dugu”.
 

 

 
1...1,1011,1021,103...1,587Page 1,102 of 1,587

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus