LABek “altzairuaren krisi mahai” deiturikoan ez parte hartzeko erabakia hartu besteak beste ez baitie erantzuten ez sektorearen, ez kideen beharrei eta eskaerei. Sindikatuaren iritziz Eusko Jaularitzaren Industria Sailaren propaganda beharrei erantzuteko sortu den mahai da hau. Horrexegatik LAB sindikatuak interpelatzen jarraituko du, proposamen zehatzak egiten, eta altzairugintzako langileak gure industria eta enpleguaren alde mobilizatzen.

LABek ez du biharko bileran parte hartuko ondorengo arrazoiengatik:

Altzairuaren krisi mahaia deiturikoak ez die erantzuten ez sektorearen, ez kideen beharrei eta eskaerei, Eusko Jaularitzaren Industria Sailaren propaganda beharrei baizik. Berak bakarrik erabakitzen du noiz egiten den bilera eta zeri buruz hitz egiten den. Ez dago metodologia, ezta aurrrikusitako gaiordenik ere. Ez gaude ados, eta horretarako, ez dezatela LABekin kontatu.

Lehenengo bileran garbi geratu, eta ordutik pasatako denborak baieztatu duen moduan, ez da sortu neurriak hartu eta bere baitan ardurak onartzeko helburuarekin, baizik eta hirugarrengoei, kasu honetan Espainiar Gobernuari eta Europar Batasunari neurriak hartzera exijitzeko soilik. Erabaki honekin, Eusko Jaularitzak orain arte ezer egin ez izanagatik duen ardura ezkutatu nahi du, eta era berean, multinazioanalen arpegia zuritu sektoreko langileek jasaten duten egoeraren aurrean duten arduragatik. Hori ez da laneko mahai bat.

Altzairu sektorearen arazoa, altzairu txinatarraren lehia desleiala edo kostu energetikoa baino zabalagoa da. Honen atzean aurki ditzakegu sektorean dagoen inbertsio eza, multinazionalek Euskal Herriko fabriken alde apustu ez egitea, berrikuntza eta garapen eza, produktuen dibertsifikazio eza, erakundeek multinazionalei emandako laguntza publikoak enplegu eta lurraldearekiko konpromisoei baldintzatzeko borondate eza. Bitartean, multinazional hauek ez dute argitzen beraien altzairutegiak salgai dauden, fabrikak ixten dituzte mugagabe eta produktuak lekualdatzen dituzte edo ez dituzte onartzen sektoreko langileen heriotza eragiten duten kasuak, amiantoak eragiten dituenak, besteak beste. Guzti hau txinatarren errua al da?

Guzti hau ez da aztertu nahi, Eusko Jaularitzak ez du aztertu nahi. LAB jarrera honen erabat kontra dago.

Horrexegatik ezin dugu bilera hauetan parte hartu, nahiz eta LAB sindikatua izan zen altzairuaren sektorea jasaten ari den ondorio gogorrak aztertzeko laneko mahai bat sortzea exigitu zuen lehenengoa.

Hala ere, LAB sindikatuak interpelatzen jarraituko du, proposamen zehatzak egiten, eta altzairugintzako langileak gure industria eta enpleguaren alde mobilizatzen, gure berme onena denaren ustearekin.