2026-01-26
Blog Page 1101

Alternatiben Herria urriaren 24an Bilbon #alternatibenherria

admin
-
0
Alternatiben Herria urriaren 24an Bilbon #alternatibenherria

Euskal Herriko Eskubide Sozialen Kartak deituta, ALTERNATIBEN HERRIA ekimena egingo da datorren URRIAREN 24AN BILBON, "BIZITZA BURUJABEA ESKUBIDE OSOZ" lemapean. Alternatiba Herria aldarrikapen eta ospakizun eguna izango da, egunerokoan bizia ematen diguten hamaika proposamen handi eta txikien erakusleihoa. Alternatibak dituen herria bizirik dagoen herria da.
Egungo sistema aldatu behar da, Euskal Herriak alternatibak ditu eta jada martxan daudela erakutsi behar dugu. Bide horretan Alternatiben Herria ekimenaren oinarriak azaltzen dituen manifestua osatu dugu.

Gehitu deialdiari eta aldarrikatu gure herriak dituen alternatibak manifestua sinatuz eta zabalduz!

ALTERNATIBEN HERRIA
Ekimenean parte hartu nahi baduzu edo edozelango zalantzarik baduzu, jar zaitez gurekin harremanetan

http://alternatibenherria.eus
kontaktua@alternatibenherria.eus
@alterherria
 Alternatiben-Herria

 

LAB Diadan izango da Herrialde Katalanetan abiatutako prozesu indepedentistari babesa emanez

admin
-
0
LAB Diadan izango da Herrialde Katalanetan abiatutako prozesu indepedentistari babesa emanez


Irailaren 27ko hauteskundeen bezperatan, Diada eguna ospatuko du Kataluniak ostiral honetan, irailak 11. “Via lliure a la república catalana”, lelopean, kataluniar errepublikaranzko bidean aurrera jarraitzen dute kataluniarrek. Eta bide horrekin bat eginda, aurten ere Diada egunaren bueltan Bartzelonan izango da LAB.

Modu honetan LABek babesa adierazi nahi dio Kataluniak abiatutako prozesu indepedentistari. LABentzat independentziarena da biderik eraginkorrena langile klaseari erabakitzeko gaitasuna aitortuko dion estatu libre bat sortzeko, instituzio propioen sorkuntzatik abiatuta errealitatea aldatzeko, eta aldaketa soziala lortzeko. Kataluniako prozesu soberanistari dagokionez herriaren borondatea oinarri duen mugimendu politikoa da han aldaketaren aldeko giltzarria.

Euskal Herritik Kataluniara begira gaude, eta Kataluniara goazelarik Euskal Herrira ere begiratuko dugu, gaur inoiz baino gehiago, herrien erabakitzeko eskubidea aldarrikatzeko. Diadaren ekitaldi nagusian Independentistak sareak "euskal tramoa" deitutako gunean izango gara, eta ostean, arratsaldez, Kataluniar Herrialdeetako ezker independentistek antolatutako mobilizazioan parte hartuko dute sindikatuko ordezkariek.

Aurreko urteetan bezala, Intersindical Alternativa de Catalunyak ekitaldia antolatu du Diadaren bezperan. Ainhoa Etxaide, LABeko idazkari nagusia, bertan izango da Europar Batasuneko eskubide sozial eta laboralen gainean eta herrien europa baten eraikuntzaren beharraren inguruan solasean. Zita irailaren 10ean Bartzelonako Cotxeres de Sants-en izango da, arratsaldeko 19:00etan.

I-27ko hauteskundeak
Irailaren 27a data garrantzitsua da dudarik gabe kataluniarrentzat, eta nola ez Euskal Herriarentzat ere bai. Asko dago jokoan. Kalaluniar herriak duen erabakitzeko eskubidearen egikaritza batetik, eta horren ondotik, bestelako eredu sozioekonomikoaren eraikuntza, independetziaren bidetik.

I-27an kataluiniar herriak independentziaren bideari ekiteko lehen urratsa emateko aukera du, espainiar gobernuaren inposizioen aurrean bere etorkizuna nolakoa izan behar duen ozen adierazteko.

Hauspotu ditzagun bada burujabetza prozesuak, Katalunian nahiz Euskal Herrian tokian toki, bestelako eredu politiko, sozial eta ekonomiko baten aldeko borrokan aurrera egiteko.

Gure aukera bakarra gure etorkizunaren jabe izatera eramango gaituen bidea da. Eta hori, nahitaez, burujabetza eta independentziaren bidetik egingo dugu.

 

IRAILAK 10
LA U€ CONTRA LA SOBIRANIA DEL POBLES
Diadaren bezperan Ainhoa Etxaide, LABeko idazkari nagusia, "LA U€ CONTRA LA SOBIRANIA DEL POBLES" ekitaldian parte hartuko du.
 

IRAILAK 11
DIADA EKITALDI NAGUSIA
Independentistak sareak "euskal tramoa" deitutako gunean izango da LAB Diadaren ekitaldi nagusian.

IRAILAK 10 eta 11
ESQUERRA INDEPENDENTISTA
Kataluniar herrialdeetako ezker independentistek arratsaldean antolatutako manifestazioan izango dira sindikatuko ordezkariek.

 

 

MIASAko langileak greba mugagabean

admin
-
0
MIASAko langileak greba mugagabean


Joan den abuztuaren 31z geroztik Miasako langileek greba mugagabean dira enpresako zuzendaritzak lan baldintzen okertzea dakartzan neurriak ezarri nahi dizkiela salatzeko. Egoera salatu eta publiko egiteko mobilizazio ezberdinak egingo dituzte, gaur adibidez, bide mozketa bat egin dute.

Enpresako zuzendaritzak, besteak beste, honako neurriak ezarri nahi dizkie:

– Soldataren %15-ko jaitsiera.
– Egunean 20 minutu lan eginarazi.
– Kontratazio berrientzat behin betiko soldata taula baxuagoa.
– Egungo hainbat eskubide sozial kendu.
– Antzinatasun eta I.T. gatiko plusak ezabatu.
-Lana kanporatu…

Orain arte enpresak gezurrak besterik ez ditu esan. Langileek aurreko enpresako itunean soldataren %9-ko jaitsiera onartu zuten arren, aipatutako jaitsiera soilik tailerreko langileek jasan zuten. Zuzendaritzakoek zein bulegoko langileek (hau da, soldata altuenak dauzkatenak) ez zuten jasan, denontzako neurria zela adostu zen arren. Halaber, enpresak adostutako inbertsioak ez ditu aurrera eraman.

Langileek hitza bete dugun arren, enpresak ez du gauza bera egin. Enpresak ez ditu bere akordioak bete.

Langileek lanpostuak defendatzeko garaia dela aldarrikatzen dute, akordioak errespetatzeko garaia da. Enpresaren jarrera harroari aurre egitea erabaki dute langileek. Horregatik, gaur errepedia moztu dute protesta gisa. Eta mobilizazioekin eta grebarekin tinko jarraituko dute konponbide justua lortu arte.
 

 

 

ALTERNATIBEN HERRIA URRIAREN 24an BILBON

admin
-
0
ALTERNATIBEN HERRIA URRIAREN 24an BILBON


ALTERNATIBEN HERRIA
URRIAREN 24an BILBON

Euskal Herriko Eskubide Sozialen Kartak deituta, ALTERNATIBEN HERRIA ekimena egingo da datorren URRIAREN 24AN BILBON, "BIZITZA BURUJABEA ESKUBIDE OSOZ" lemapean. Alternatiba Herria aldarrikapen eta ospakizun eguna izango da, egunerokoan bizia ematen diguten hamaika proposamen handi eta txikien erakusleihoa. Alternatibak dituen herria bizirik dagoen herria da.

Egungo sistema aldatu behar da, Euskal Herriak alternatibak ditu eta jada martxan daudela erakutsi behar dugu. Bide horretan Alternatiben Herria ekimenaren oinarriak azaltzen dituen manifestua osatu dugu.

Gehitu deialdiari eta aldarrikatu gure herriak dituen alternatibak manifestua sinatuz eta zabalduz!

ALTERNATIBEN HERRIA
 
Ekimenean parte hartu nahi baduzu edo edozelango zalantzarik baduzu, jar zaitez gurekin harremanetan

 http://alternatibenherria.eus  kontaktua@alternatibenherria.eus 
 @alterherria  Alternatiben-Herria

LABek Tubos Reunidosek langilegoa mehatxatu eta lan sindikala baldintzatzen duela salatzen du

admin
-
0
LABek Tubos Reunidosek langilegoa mehatxatu eta lan sindikala baldintzatzen duela salatzen du

 


Aste honetan Tubos Reunidoseko langileak bi langile inputatu izana eta hauen kontrako epaiketa salatzeko mobilizatuko dira. Enpresa batzordeak deituta, gaur eta bihar, txanda bakoitzeko, ordu bateko lanuztea egingo dute eta hilaren 10ean, 24 orduko lanuztea. Ostegunean epaiketa izango da, horregatik, egun berean, Gasteizen, 9:00etan, konzentrazioa deitu dute epaitegi aurrean.

LABetik Eusko Jaurlaritzako Barne Saila zein Tubos Reunidos enpresaren jarrera salatu nahi dugu, langilegoa mehatxatu eta lan sindikala baldintzatu besterik ez dute nahi. Patronalaren eta gobernuen asmoen kontrako borroken kriminalizazioa bilatzen dute eta horrela patronalak nahi dituen ekimen guztiak aurrera eraman ditzake beren benefizioak handituz eta langilegoa babesgabe utziz. 
  
 

Koldo Fernandez berehala berronartzea eskatzen dugu

admin
-
0
Koldo Fernandez berehala berronartzea eskatzen dugu

Gaur kontzentrazioa egin dugu Bilbon, Zabalburuko Carrefour Marketeko saltokiaren atarian, Koldo Fernandezi babesa emateko eta bere lanpostua berronartzea eskatzeko.

Koldok jazarpena jasan du bere lantokian, zuzendaritzak jazarri du. Urte askotan zehar jasan du jazarpena. Arrazoia, antolatu eta langileen eskubideen alde borrokatzea, enpresa batzuk nahi ez dutena eta bide guztietatik eragotzi nahi dutena. Berdin die horretarako gezurretan ibili eta manipulatzen ibiltzeak.

Lehenik eta behin Koldok hitz egin du eta ondoren, Xabier Ugartemendiak, LAB sindikatuko Zerbitzu Pribatuen Federazioaren arduradunak.

KOLDO FERNÁNDEZen adierazpenak

Koldo Fernandez naiz. 55 urte ditut. 37 daramatzat Carrefourren lanean, azken 28ak nire lankideen ordezkari bezala LAB sindikatuaren eskutik. Urte guzti hauetan, gure eskubideen eta langile guztientzako lan-baldintza duinen alde egin dut borrokan nire lankideekin batera.

Abuztuaren 1an espedientea zabaldu zidaten bezero bati erosketa ez kobratzearren. Hori ez zen horrela izan. Astebete beranduago, enplegu-suspentsioa luzatu zidaten eta abuztuaren 27an, kaleratze gutuna eman zidaten. Urte luzez jazarri naute eta zoritxarrez, zigortu nindutenean sortu zitzaizkigun susmoak egia bitarte dira. Paretik kendu nahi ninduten eta kaleratuz egin dute. Horretarako gezurrak eta akusazio faltsuak erabili dituzte.

Carrefourren iritziz, soberan dauden sindikatuak eta euren langileen eskubideak. Langile otzan eta esanekoak nahi dituzte, euren aginduak beteko dituztenak. Gertatzen dena da gu ez gaudela horretarako prest. Eskubideak ditugu, duintasuna daukagu eta buru-belarri saiatuko gara hauen defentsan. Horregatik hasi ginen egunero mobilizazioak egiten zigorraren berri izan genuenean. Berton egin genituen kontzentrazioak, Zabalburuko dendan, Atxurikoan eta Sestaokoan. Eta berronartzea lortu arte jarraituko dugu mobilizatzen. Justizia kontua da. Bat ukitzen badute, guztiok ikutuko gaituzte. Konbentzituta gaude langileon batasun, antolaketa eta borroka dela bide bakarra errespeta gaitzaten eta gure lan-eskubideak berma daitezen.

XABIER UGARTEMENDIAren adierazpenak

Askatasun sindikalari eta langile guztioi egindako erasoa da hau. Alde batetik, Carrefour Marketeko langileen kontra, enpresako erreferente bat galtzen baitute. Berarekin arazoak partekatu eta eskubideen alde borrokatzen ziren. Lankide guztien eskubideen alde. Bestalde, Carrefour Marketeko langileen kontrako erasoa ere bada, hauek ere herri honetako langileak baitira.

Sindikatuan argi dugu ez dugula askatasun sindikalaren aurkako erasorik onartuko. Herri honetako langileok eskubidea dugu antolatu eta etorkizun hobe baten alde borrokatzeko, eskrupulorik ez duten enpresari batzuei gustatu ez arren eta antolatu eta eskubideen alde borrokatzen diren langileak paretik kentzeko gogoa duten arren.

Gaur hemen gaude, Koldoren berronartzea exijitu eta jazarpen sindikaleko kasu berri bat salatuz. Eta horrela egingo dugu gure eskubideak zapaltzen diren bitartean. Bat ukitzen badute, guztiok ukitzen gaituzte.

Bihar kontzentrazioa egingo dugu 12:00etan Sestaoko Carrefourren, Ibarzaharra poligonoan.

 

 

 

Langabeziak gora egin du abuztuan, laneko prekarietatearen krisialdia larriagotuz

admin
-
0

Gaur, Enplegu Ministerioak jakinarazi dituen eta abuztuari dagozkion datuen arabera, Hego Euskal Herri osoan, langabezia 1.333 pertsonetan handitu da. Horrela, langabezia kopuru-ofiziala 197.536 pertsonetan kokatu da, eta langabetuen %54,3a emakumeak dira.

Urtarako faktoreek eragindako azken hilabeteetako beheranzko joera eten da. Bilakaera honek agerian uzten du, oraindik orain, sasoiko jarduera jakin batzuen izaera ziklikoak biziki baldintzatzen duela lan merkatuaren portaera; horrek une gorenetan sortu den enplegua guztiz ezegonkorra zela adierazten du.
EPAren azken datuok ere (uztaila amaieran argitaratuak) agerian utzi dute lana prekarizatzeko prozesu bortitz batean murgildu garela, non lanaldi osoko enplegu finkoa aldi baterako lanaldi partzialealarekin ordezkatzen den.
Baina, hala ere, kezkagarriena, enpresako jarduera horrek zuzenean eta zeharka sortzen dituen ondorio larriak ditugu. Honen harira, prekarietatearen aurkako ahaleginak biderkatu behar dira, hark eragiten dituen kostu handiengatik (ez bakarrik lan baldintzei dagokienez, baizik eta, laneko istripuei eta pertsonen bizitzei dagokienez ere).
Bestalde, salatu behar da, gaur egun, hiru langabetuetatik bik ez dutela inolako langabezia saririk jasotzen.
 

 

 

Lan istripuen kontra, 24 orduko lanuztea gaur eta kontzentrazioa 13:00etan bihar Volkswagenen

admin
-
0

Atzo Volkswagenentzat lanean ari zen TEX azpikontratako langilea hil zen Iruñean lan istripuz. 2015eko 36. hildakoa da eta Nafarroako 11.a.

LAB sindikatutik gure babesa eta elkartasuna adierazi nahi diogu senide, lagun eta langilego osoari orokorrean. Salatu nahi dugu azken boladan pairatzen ari garen lan-istripuen jario izugarriak erantzuleak badituela, baita arrazoi garbiak ere.

Enpresen diru egarri asezinak eta etekinak gehitzearen logikak langileon bizitza eta osasunean ondorio larriak ditu. Jarduera honek langilegoaren lan baldintzen prekarizario orokorra ekarri du. Prekarizazioaren aurpegietako bat azpikontratazioa da baita lan-osasunean izandako murrizketak ere. Ez da kasualitatea azken aldian izandako istripuetan elementu bat langile azpikontratatuak izatea.

Volkswagen Navarra errealitate honen isla dugu. Etekin izugarriak lortzen dituen enpresa batek 8000 mila langile baino gehiago ditu azpikontratatuta.

LABek, gaitz sozial hau bukatzeko erakunde publiko eta Nafarroako Gobernuaren inplikazioa eskatzen du: zero tolerantzia lan istripuen aurren, fiskalizazio eta kontrola handitu edota Prebentzio Zerbitzuen publifikazioaren aldeko apustua egitea derrigorrezko pausuak dira lan istripuekin bukatzeko.

Gaur, Enpresa-Batzordeak 24 ordutako lanuztea deitu du, 14:00etan hasi dena. Enpresaren jarduera gelditzea lortu du.

Bihar, kontzentrazioa deitu du Enpresa-Batzordeak Volkswagen aurrean, Landabengo poligonoan, 13:00etan. LABetik deia luzatzen diegu langile guztiei mobilizazio honetan parte hartzera.
 

 

 

Espainiako Bankua zein PPren Gobernuak alargun eta umezurtz pentsioak dituzte jomugan

admin
-
0

Beste behin ere pentsioak erreformatzeko beharraren mezua zabaltzen ari dira. Azken asteotan Espainiako Bankua zein PPren Gobernua eztabaida irekitzeko ahaleginetan dabiltza. Azken helburua argia dute: babes sistema publikoa are gehiago ahuldu pentsio pribatuen planei bidea irekitzeko. Honetan alargun eta umezurtz pentsioak jomugan daude. Orain lotsagabeki sinestarazi nahi digute Gizarte Segurantza ez dela bideragarria eta Erretserba Funtsa agortzen ari dela pentsio hauen erruz.

LAB-ek gogorazten du pentsioen erreforma botere ekonomiko eta finantzieroen harrapakina izan dela, gure eskubide sozialen kontura. Estatu espainarrak hala erabaki du: pentsioek balioa galdu behar dute, soldatak edo langabezi prestazioek bezala. Orain PPk murrizketa berriak zuritu nahi ditu erreforma berriaren eztabaida pentsioen sistemaren sostenigarritasunean kokatuz alargun pentsioak kontribuzio sistematik aterata zergen bidez finantziatu daitezen. Hori bai, PPk ezkutatu egiten du azken urtetotan pentsioen sistemak, eta orohar babes sistema, era guztietako erasoak jasan dituztela, eta ekonomikoki itotzen ari direla. Baina ez gaitezen tronpa. Hemen funtsezkoena ondoko galdera da: nola lortu duintasunez bizitzea ahalbideratuko duten pentsio eta prestazioak?

Une hauetan, jada murritzak diren alargun pentsioen inguruan aurrera eramango den edozein neurrik edo erreformak eskubide murrizketa, zaurgarritasun handiago eta pentsioen zenbatekoen galera ekarriko dute baldin eta ondoko gaiak aldatzen ez baditu:

a) Neurriak emakumezkoen okupazio tasa igotzeko, borondatezkoak ez diren kontratu partzialen murrizketa, gizon eta emakumezkoen arteko soldaten arrakalaren desagerpena eta soldaten eta gutxieneko pentsio eta prestazioen igoera.

b) Patronalari emandako opariak kendu, iruzurrarekin bukatu kontratazioan, lan erreforma bertan behera utzi eta indarrean jarri egiazko erreforma fiskal progresiboa.

c) Onartu soldata soziala izateko eskubidea pobreziaren mugaren gainetik.

Beraz, zenbait erakunde politiko eta sindikal prest badaude PPren joko eremuan, inondik ere berme eta babes handiagoa ekarriko ez duten neurriak negoziatzeko ardura larria hartuko dute beste behin ere pentsiodunak, bereziki, adineko emakumeak, kapitalen biktima bihurtzerako orduan.

Berriro ere ikusten dugu Gizarte Segurantzaren sistema honek ez dituela betetzen Euskal Herrian bizi garenon babes beharrak. Ezin dugu onartu prekarietate eta babesgabetasun handiagoa ekarriko dituzten neurriak, orain bereziki emakumeak kolpatuko dituztenak. Beraz, pentsio eta prestazio ekonomiko murritzagoak ezartzeko ahalegin berrien aurrean, LAB-ek dei egiten die Gasteiz eta Iruñeko Gobernuei beste aldera ez begiratzeko: oraingo babes sistema Hego Euskal Herrian ez nahikoa da eta indartu behar da. Euskal Herriko eragile sozialak, sindikalak eta politikoak mobilizatu behar dira gure herriak babes sistema propioa izan dezan, zerbitzu pubilkoak eta 1000 tik gorako pentsio eta prestazio ekonomikoak inor ez dadin bizi prekarietatean, duintasun faltan eta pobrezian.
 

 

 
1...1,1001,1011,102...1,587Page 1,101 of 1,587

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus