2025-12-19
Blog Page 1101

Arabako Metalgintzan CCOO, UGT eta SEAk sinatutako akordioa inposaketa bat da

admin
-
0
Arabako Metalgintzan CCOO, UGT eta SEAk sinatutako akordioa inposaketa bat da

Gaur, LAB Sindikatuak, Arabako metalgintzako delegatuekin asanblada egin du CCOOk eta UGTk SEArekin sinatutako akordioa aztertzeko eta aurrera begirako lan lerroak zehazteko. Eragin mugatuko hitzarmen honek patronalaren intesesak bermatzen ditu. CCOO eta UGT patronalaren jokoan erori dira, euren interesak jarriz langileen interesen gainetik. LABetik eragin mugatuko hitzarmen honen aplikazioaren kontra gogor erantzungo dugu enpresetan benetako akordioak eskatuz.

SEAri langileak zatitzeko zein enpresa eremuan lan-baldintzak kaskartzeko tresna ezinhobea oparitu diote langileen %33ko ordezkaritza edukita.Eragin mugatuko hitzarmen honek ez du enplegurik sortzen lagunduko, eta prekarietatean sakonduko duela patronalari lan kostuak murrizten jarraitzeko aukera ematen diolako, bi arrazoi nagusigatik:

– hitzarmen honen bidez langileek urteetan galdutako eros ahalmena ez dute berreskuratzen eta KPIaren erreferentzia desargetuz, aurrerantzean soldata egiturak, patronalak nahi duen moduan, aldatzeari ateak parez pare irekitzen dizkio.

– Malgutasun handiagoa oparitzen zaie enpresaiei, enpleguaren aldeko inolako konpromisorik bereganatu gabe.

Honela negoziaizio kolektiboa, sortzen den aberastasuna gero eta okerrago banatzeko tresna bilakatzen da, enpresarien onurarako eta langileen kaltetan.

Patronalak topatu du beraren interesak babestuko duen sindikalismoa. Baina topatu du ere eragin mugatuko hitzarmenei balioa eta aitortza ematen dion eremu publikoa. Lan Harremanetarako kontseiluaren Presidenteak, Tomas Arrietak, aste honetan egin dituen adierazpenak agerian uzten dute langileen interesen kontrako eraso honetan patronala ez dagoela bakarrik. Badago eremu publikoan, non eta Lan Harremeanen Kontseiluan, eragin mugatuko hitzarmen eredu hau babesten duena, jakinda antidemokratikoa dela eta langileen artean pobrezia hedatuko duela. Jakinda, jada ,pobrezia, estadistikak argi adierazten duen moduan, hedatzen ari dela.

LABek ez dio eragin osoko hitzarmenaren beharrari uko egingo. Eta eragin mugatuko hitzarmen honen aplikazioaren kontra gogor erantzungo dugu enpresetan benetako akordioak eskatuz:

• Eros ahalmena berreskuratzen lagunduko duten soldata igoerak proposatuko ditugu, KPIren erreferentzi mantenduz. Aurreko urteetan eman ez diren soldata igoerak jasoko dituena.
• Lan baldintzetan atzerapausorik ez. 
• Malgutasun gehiagorik ez enplegua ez suntsitzeko edo berria sortzeko akordiorik ez badago.
• Adostutakoa beteko dela bermatzen duten akordioak.
 

SEAk, CCOOk eta UGTk badakite, eduki hau bermatuz eragin osokoa izan zitekela hitzarmen sektoriala. Eragin mugatuko izatea beraien erabakia izan da, jakinda akordio honek soilik patronalaren interesak babesten dituela.
  

 

 

LABek Kristau Eskoletan, akordiori so eginez, ematen ari diren kaleratzeak salatu ditu

admin
-
0
LABek Kristau Eskoletan, akordiori so eginez, ematen ari diren kaleratzeak salatu ditu


LAB sindikatuak Kristau Eskoletan sinatutako akordio bete dadin exijitzeko elkarretaratzea egin du gaur Donostian. Kaleratzeen kontra eta 3. artikuloan jasotzen den birkokapena martxan jarri artean LAB kalean izango da Kristau Eskolen eta AICEaren jarrera salatzen.

2014ko urriaren 10ean, Eibarren, Akordio bat sinatu genuen EAEko Gizarte Ekimeneko Sindikatu guziok Kristau Eskoletako eta AICEko ordezkariekin. Egun, 3. artikuloan jasotzen denari jaramonik egin gabe, ez da garatu eta bideratu enplegua eta lanpostuak berriro kolokatzeko neurririk. Matrikulazio datuak otsailetik ezagunak dira eta birkokapenerako saiakerarik egin gabe uztailean langile bat kaleratua izan da. Ez diote arazoari aurre egiten eta lapurren moduan, gordeketan, udaran egiten dituzte triskantzak.

LABek Kristau Eskolek eta AICEk adostutakoa bete dezatela exijitzen du, hau da, enplegua eta lanpostuen birkokatzea bermatzea. Argi geratu zaigu Zuzendarien aldetik arlo ekonomikoari, eta beroni soilik, kasu egiten diotela. Non dago errespetua? Gardentasuna? Konfidantza? Elkartasuna? Zintzotasuna? Hauek al dira Kristau Eskolak?
 

 

 

LABek balorazio ezkorra egiten du EPAren azken datuen inguruan

admin
-
0

LABek balorazio ezkorra egiten du EPAren azken datuen inguruan, kontuan hartuta 2015eko bigarren hiruhilekoan Hego Euskal Herrian oraindik 202.800 langabetu daudela.

15.000 pertsona gutxiago daude langabezian, horrela da, baina nabarmendu behar dugu EAEn okupazio tasa ere jaitsi egin dela, %0,66 hain zuzen ere. Behin-behineko kontratuen bidez sortzen da enplegua, ez kalitateko enplegu finkoa sustatzearen ondorioz. Hori da gaurko datuek baieztatzen dutena.

Espainiako Gobernuak, EAEeko eta Nafarroako Gobernuak ez dute gaurdaino politika eraginkorrik sustatu aberastasunaren banaketarako; kalitateko enpleguaren bidez, langabezia prestazio egokien bitartez edota behar besteko errenten bidez pertsona guztiek bizi baldintza duinak izateko, alegia. Murrizketetan oinarritutako krisiaren aurkako politikek porrot egin dute, eta ondorioz, krisiak oraindik luze joko dugu.
 

 

 

LAB sindikatuak Bizkaiko Aldundiari eskatu dio egoeraren larritasunari aurre egiteko neurriak hartzeko

admin
-
0

LAB sindikatua Bizkaiko Aldundiarekin batzartu da gaur. Bileran, gaur egun bizi dugun egoeraren larritasuna agerian utzi eta egoera sozial larria iraultzeko neurriak hartzeko eskatu dio sindikatuak.

LAB sindikatuak kezkaz aztertzen du Bizkaiko egoera. Gure sindikatuaren eguneroko jardueran, Bizkaian dagoen errealitate sozialaz jabetzen gara. Urte hauetan emandako prekarietate eta pobrezia prozesuak desberdintasun sozialen areagotzea ekarri du eta prekarietate soziala gure jendartean asko zabaldu da, adierazleek (Eustat, eragile sozial desberdinak..) azaltzen duten moduan.

Zentzu horretan, eskuetan ditugun datuen arabera, alarma gorriak piztuta daude eta, sindikatu honen aburuz, Bizkaiko Aldundian orain arte sustatutako politikak ez dio arazoren larritasunari tamainako erantzuna eman.

Hiru dira LABetik azpimarratu nahi ditugun ideiak:

1- Enpleguari dagokionez, egoera oso kezkagarria da. Alde batetik, langabeziaren tasa altua, % 17aren inguruan. Bereziki larritzen gaituzte Bilbo, Ezkerraldea edota Enkarterriko eskualdeek, horietan langabezia tasa %20tik gorakoa baita.

Egia bada ere azken hilabeteetan enplegua sortzen ari dela, sortzen dena oso prekarioa da. Joera hau mantentzen bada, lana izan ala ez, pobreziak eta prekarietateak iraun egingo dute. Aldi baterako kontratuak, kontratu partzialak edo soldata baxuetan (gogoratu behar da duela gutxi Urkullu Jaunak adierazi zuela 800-1000 euroko soldatak ez direla duinak) oinarritutako enplegu politikek ez dute balio pobrezia eta prekarietatearekin bukatzeko. Beraz, kasu askotan ez da nahikoa lana izatea bizitza duin bat aurrera eraman ahal izateko; bazterketa poltsa bat sortzen ari da lan prekarioa duten langileen artean ere.

2- Egoera hau are larriagoa da epe luzeko langabeen kasuan: Europako tasa handienetakoa da. Egoera onartezina eta jasanezina da. Horrek hiru ondorio ditu:

• Makina bat langile dugu orain babes ekonomikorik gabe eta etorkizunean pentsio duin bat lortzeko inolako aukerarik gabe.
• Diru sarrerak bermatzeko errenten eskariak gora egiten du. Hala ere, errenta horrek babes ahula ematen du, ez baitu laguntzen pobrezia larria gainditzen, estatistikek agertzen duten bezala (2008tik 2014ra pobrezia hazi baino ez da egin, % 6,4 Eustaten arabera).
• Eta gainera kontuan hartu behar da badela babesik gabeko jendea, erroldaren baldintza gogorrak direla eta.

3 – Azken urteetan, nahiz eta egoerak eta beharrak areagotu, gastu soziala ez da proportzio berean igo, eta horrek ekarri du zerbitzu eta prestazio sozialen azpigarapena, kuantitatiboa eta kualitatiboa.

Esan bezala, LAB sindikatuan argi dugu orain arteko politikek bere mugak eta ezintasunak agertu dituztela egoera sozial larria iraultzeko. Horregatik, Bizkaiko Aldundiari neurriak hartzea eskatzen diogu:

a) Aldundia eragile aktiboa izan behar da kalitatezko enplegua sortu, sustatu eta banatzeko orduan. Neurri zehatzak aldarrikatzen dizkiogu: klausula sozialen sustatzaile izan dadila, hitzarmenen ultraaktibitatea defendatu dezala, behin behinekotasuna mugatu, langileen osasuna zaindu eta berdintasuna bermatu…

b) Bizkaian sortzen den aberastasuna era justu eta solidario batean banatzea beharrezko ikusten dugu. Horretarako, egungo eredu fiskala progresiboagoa bihurtzea eskatzen dugu, gehien dutenek gehien ordaintzeko.

Zentzu berean, 2016rako aurrekontuetan gastu soziala handitzea eskatzen dugu. Horrela, gizarte zerbitzuetan eta dependentzia alorrean egindako murrizketei aurre egin behar zaie, Bizkaiko jendeak behar eta merezi dituen zerbitzuak eskainiz.

d) Bukatzeko, eta LABkin bildu dena berdintasuna barnebiltzen duen Departamendua izanik, eta kontuan edukita, pobreziaren eta prekarietatearen aurpegirik larriena emakumearena dela, berdintasunaren inguruko araudi forala egitea proposatzen diogu Bizkaiko Aldundiari. Besteak beste, behar dira neurriak har ditzan, pertsona guztien zaintza bermatzeko duintasunez eta unibertsaltasunez beti ere, genero zapalkuntza eta ezberdintasunak gainditze aldera.
 

 

 

“Dispertsioa Hiltzaile. Euskal Presoak Etxera” aldarrikapena Debako hondartzan

admin
-
0
“Dispertsioa Hiltzaile. Euskal Presoak Etxera” aldarrikapena Debako hondartzan

Debaldeako LAB sindikatuko delegatuek, elkarretaratzea burutu dute Debako hondartzan euskal preso politikoen eskubideen alde . Eskualdeko hainbat enpresetako delegatuak, “Dispertsioa Hiltzaile. Euskal Presoak Etxera” lelodun bi pankartekin gizartearen gehiengo handi baten nahia irudikatu nahi izan dute.
 

 

 

Cabieces kasua politikari batzuen onurarako ate birakarien funtzionamenduaren agerraldi klasiko bat da

admin
-
0
Cabieces kasua politikari batzuen onurarako ate birakarien funtzionamenduaren agerraldi klasiko bat da

"Kutxabank Cabieces" auzian herri-akusazio gisa agertu garen alderdi sindical eta sozialek egun dagoen informazioaren arabera Cabieces kasua politiko batzuen onurarako ate birakarien funtzionamenduaren agerraldi klasikoa dela ondorioztatzen dugu. Gure ustez, ez da inongo frogarik ekarri non ziurtatzen den Cabieces jaunak jasotzen zuen dirua lan-prestazio mota batekin bat zetorrela. Aitzitik, auditoretzaren txostenak zein alderdi honek eskatu lekukotasunek ziurtatu dute lan-prestaziorik ez dagoela.

CABIECES-KUTXABANK KASUAN HERRI-AKUSAZIOAREN BALORAZIOA

LAB, ESK, STEE-EILAS, Bizkaiko ENHE, HIRU, EKA eta Euskal Herriko pentsiodunen plataforma herri-akusazio gisa agertu gara Bilboko 4. instrukzioko epaitegian 2015eko 426 aurre-eginbideaz eta Kutxabanken jazo gertaerengatik fiskaltzak jarri duen salaketaren haritik burutzen ari den auzian, non ikerketaren ondorioz, Mario Fernandez, Mikel Cabieces eta Rafa Alcorta, besteak beste, inputatuak dauden.

Egun arte egin denaz akusazio honek iritsi duen ondorioa oso argia eta eztabaidaezina da:

Cabieces kasua ate birakarien funtzionamenduaren agerraldi klasikoa dugu, beti ere, politikari gutxi batzuen onuran. Gure ustez, ez da inongo frogarik ekarri non ziurtatzen den Cabieces jaunak jasotzen zuen dirua lan-prestazio mota batekin bat zetorrela. Aitzitik, auditoretzaren txostenak zein alderdi honek eskatu lekukotasunek ziurtatu dute lan-prestaziorik ez dagoela.

Babes-harremana eta Kutxabanki egin omen zaion iruzurra Euskal Kutxak eta Kutxabank pribatizatzea erabaki dutenen erabaki politikoak dira.

Cabieces jaunak Kutxabanken, ia lanik egin gabe, hilero 6.000 bat euro kobratzen zituen. Aipatu ordainketak ez badatoz bat inongo lanarekin; ordainketa politikoez ari garela esan daiteke.

Ordainketok, Kutxabank pribatizatzeko prozesuan, EAJ-k, PP-k eta PSE-k lotu dituzten akordioen baitan gauzatu ziren; alderdi politiko horien ordezkariek eman beharko lituzkete azalpenak, eta hala balegokio, euren gain hartu beharko lituzkete ondoriozta daitezkeen ardura politikoak.

Cabieces jaunak Kutxabank eta Iberdrolatik 12.000 euro hilero kobratzen zuen bitartean, eskatu zuen langabezia-prestazioa kapitalizatuz, haren autonomo-kuotaren gizarte-segurantza finantzatu zuen. Litekeena da jarduera hori legezkoa izatea, hala ere, guztiz ezmorala deritzagu. Gure ustez, moralki onargarria izan daitekeen ekimen bakarra Cabieces jaunak bidegabeki jaso zuen kopurua itzultzea litzateke.

Akusazio gisa agertu izanari eraginkorra deritzagu eta gustura gaude horrekin, herri-akusazio honen jardunari esker lekukotzak jaso direlako, eta hauek dute zalantza izpirik uzten: laneko prestazio batengatik ez bada ordainik egin, interes politiko kutsuko ordaina dagoen adierazgarri.

Caja Surreko abokatuak, joan den astean, eman lekukotzaren arabera, zioen ez zuela inondik inora ezagutzen Espainiako Gobernuaren ordezkari ohia, harekin ez telefonoz, ez posta elektronikoaz ere, ez zuela harremanik izan. Horrez gain, Alcorta jaunaren bulegoko lankideok baieztatu zuten epaitegiko egoitzan Cabieces jaunaren izendapena ezarri zutela, eta hautapenean ez zirela gaitasuna eta ezagutzak aintzakotzat hartu. Hortaz, ez digute Cabieces jaunak egindako lanen berri eman, eta kontuak honelakoak izanik, Caja Surreko abokatuarekin harremanik ez bazuen, nolatan justifika daitezke Andaluziara egindako bidaiak eta haiek eragindako gastuak? Gure zalantza zentzuzkoa da: zertan jardun da orduan Cabieces?

Herri-akusazioak bere buruari galdetzen dio nolatan egin dezakeen jaun honek lan, era berean, Iberdrolan eta Kutxabanken?

Gure ustez, behar beste zantzu daude epaitegiak instrukzioari eutsi diezaion eta prozedura aldatuko duen autoa eman dezan.

Azkenik, berriro ere, adierazi Kutxabanken pribatizazioa haztegi izan dela aipatu jokaerak eman daitezen, eta gure aburuz, erakunde publiko sortzaileei akzioak itzuliko ez balizkiete, antzeko egoera gertatuko lirateke etorkizunean.

Kutxabank publikoa izan dadila, pribatizazio prozesuak atzera egin dezala eskatzen dugu; euskal ekoizpen ehunak eta oro har, euskal gizarteak behar dute euskal finantza sistema publikoa sortzea. Horrela bakarrik, eskuartean daukagunaren antzeko iruzurrak saihestu daitezke.

 

 

 

Osakidetzak eta Eusko Jaurlaritzak gaixoei ez ikusia egiten diete

admin
-
0

Bizkaiko gaixo eta kolpatuen garraio sanitarioa ahultzen eta ahultzen ari da Ambulancias Bizkaiak, Osakidetzaren eta Eusko Jaurlaritzaren laguntzaz egiten duen jardunbide okerrengatik. Honezkero, hamaika hilabetez pazienteek anbulantzien zain egon behar izaten dute, horren ondorioz kontsultetara eta tratamenduetara berandu iritsi ohi dira, eta batzuetan ere, tratamenduak, kontsultak edo probak egiteko txandak galduta, denbora asko eta asko igaro behar du txanda berreskuratzeko. Arazoa, aspaldian, hazten eta hazten ari da.

Continue

Condesaren etorkizuna bermatzeko denon inplikazioa ezinbestekoa da, Jaurlaritzarena barne

admin
-
0
Condesaren etorkizuna bermatzeko denon inplikazioa ezinbestekoa da, Jaurlaritzarena barne

Condesako ELA eta LABek, gure etorkizunari buruz ezer jakin gabe jarraitzen dugula salatu nahi dugu gaurkoan. Condesak, bankuek eta Arcelor Mittalek urtarrilean sinatu behar zuten akordioa oraindik ez dute adostu. Bitartean, Legutioko Condesa Fabril eta Inox-en lan karga faltari dagokionean egoera benetan larria da. Condesako ELA eta LABek konponbideak eskatzen ditugu, gure etorkizuna zein izango den ezagutu nahi dugu. Condesa bideragarria da eta ez dugu onartuko inoren interes partikularrek arriskuan jartzea.

Horrekin batera, Eusko Jaurlaritzak beste behin ere Condesako Enpresa Batzordeari emandako hitza ez du bete, eta ez digu balizko akordioaren inguruko informazio berririk eman. Gure ekimenez maiatzaren 19an bilera bat izan genuen orain arteko bilera bakarra, eta 3 asteko epean bilera berri bat deitzeko konpromisoa hartu zuen. Gaur arte. Aldi berean, bereziki mingarria egin zaigu EAJ-PNVk Eusko Legebiltzarrean izandako jokaera: ekainean egindako agerraldian elkartasun hitzak eskaini baina testu bat adostea erabat baztertu zuen modu txarrean. Argi esan nahi diegu hitz hutsalak jasotzeaz nekatuta gaudela eta, Eusko Jaurlaritzaren ixiltasuna eta urruntasuna babestu beharrean, erabakiak hartu behar dituztela langileak eta euren eskubideak defendatzeari begira.

Hori dela eta, inplikatutako alde guztiei, Eusko Jaurlaritzari barne, Condesaren Euskal Herriko lantokien etorkizuna bermatzeko inplikazioa eskatzen diegu

Bitartean, salaketa lanarekin eta mobilizatzen jarraituko dugu. 
  

 

 

Kimiketako Estatu Hitzarmenaren aurreakordioak ez du balio erreformari aurre egin eta lan baldintzat babesteko

admin
-
0

Madrilen, Kimiketako Estatu Hitzarmenaren aurreakordioa lortu berri da, UGT-k eta CC.OO-k eta FEIQUE patronalak sinatuta. Lortutako aurreakordioak bi sindikatu horien negoziatzeko eredu eta jarduna erakusten du. Madrilen negoziatzen dute, kosta ahala kosta estatu esparrua babesten dute, probintzia mailako hitzarmenak negoziatu ahal izatea eragotziz.

LAB sindikatuaren ustez Lan Harremanetarako Euskal Esparrua inoiz baina beharrezkoagoa da, Euskal Herrian negoziatu ahal izan dezagun bertako lan baldintzak kontuan hartuz.

Aurreakordio hau sektoreko langileentzat onuragarria dela erakutsi nahi dute, baina hartan dagoen “lorpen” handiena CEOErekin itundu den soldata-igoera bera dugu (%1a eta %1,5a). Ez dituzte patronalari egindako opariak aipatzen. Aurreakordio honetan ez da erreformen aurka egiteko eta lan baldintzak babestuko duen neurririk agertzen. Egungoa baino malgutasun handiagoa ezarri ahal izatea ahalbidetzen du. Enpresen nahien araberko lan mugikortasuna ezarri dute, hark izan ditzakeen premien arabera arautuko baita eta ez ordea ekoizpenaren arabera.

Horretan datza elkarrizketa sozialaren aldeko sindikatuen lorpenak! Mozkinak patronalaren esku utzi dituzte, langileei dagokien eskubideen kaltetan!

Gauzak honela, argi dago Lan Harremanetarako Euskal Esparrua beharrezkoa dela, Euskal Herriko langileok bertan erabaki ahal izan dezagun Euskal Herria eta euskal herritarron onuran. Bien bitartean, estatu esparrutik egiten ari diren erasoaren aurrean, enpresetan jardun behar dugu, gure eskubideak babestuz eta aurreakordio honetan itundu duguna hobetuz.

 

 

 

1...1,1001,1011,102...1,582Page 1,101 of 1,582

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus