2026-06-26
Blog Page 1094

Hezkuntzako sindikatuok 3. mailako azterketei planto egitera deitzen dugu

admin
-
0
Hezkuntzako sindikatuok 3. mailako azterketei planto egitera deitzen dugu


Hezkuntzako sindikatuok Hezkuntza Sailak Heziberriko bigarren faseko curriculum dekretuen bitartez, LOMCEren aplikazioan aurrera pausu nabarmena eman berri duela salatzeko agerraldia eskaini dugu gaur. Neurri honen aurrean LOMCEk eta Heziberrik ezartzen duten 3. mailako azterketari planto egitera deitzen dugu, eta horrekin batera, ebaluazio eredu berri baten bidean adostasunak eraikitzera.

Hezkuntzako sindikatuok 3. mailako azterketei planto egitera deitzen dugu
ELA, LAB, Steilas, CCOO eta UGTren irakurketa

Cristina Uriarte buru duen Hezkuntza Sailak, Heziberriko bigarren faseko curriculum dekretuen bitartez, LOMCEren aplikazioan aurrera pausu nabarmena eman berri du. Besteak beste, egun jada indarrean dugun ebaluazio sistema antipedagogiko, segregatzaile eta merkantilistan LOMCEren azterketak barnebildu ditu, ezarrita dagoen ereduan sakonduz.

Horrela hezkuntza sistema osoa baldintzatu eta kontrolatzea helburu duen ebaluazio sistemaren norabidean beste urrats bat eman du. Aurreko ikasturtean Hezkuntza Komunitateak ebaluazio sistema honekiko duen iritzia eta jarrera argi erakutsi zuen. Aurten ere, Eusko Jaurlaritzak 3. mailako azterketa modu orokorrean egiteko hartu duen erabakiaren aurrean, hainbat hezkuntza eragilek, argi utzi dugu gure erabateko aurkakotasuna.

Hezkuntza Sailak, modu erabat arduragabean jokatuz, azterketa egitearen erabakiaren ardura ikastetxeei pasa die, hori argi uzten duen inolako idazki ofizialik argitaratu gabe, ikastetxeetan zalaparta eta zalantza sortuz. Honen aurrean, irakaskuntzan ordezkaritza dugun sindikatu guztiok ikastetxe guztietako langile eta eragileei, Ikastetxe Publiko, Ikastola zein Gizarte Ekimeneko Ikastetxeetakoei, dei egiten diegu azterketa hauek ez egiteko bere esku dagoen guztia egitera, planto egitera, alegia. Bide horretan, klaustroak azterketa ez egiteko erabakia hartzera deitzen ditugu; eta honetan oinarrituta, Eskola Kontseiluek, zuzendaritzek edota ikastetxeetako titularrek azterketarik ez egiteko erabakia hartzera. Izan ere,

1.- LOMCEren aplikazio hutsa direlako eta Lehen Hezkuntzako 6. mailako azterketari eta Bigarren Hezkuntzako errebalidei bidea irekitzen dielako.
2.- Hezkuntza sistema osoa kontrolatu eta baldintzatu eta pedagokikoki atzerapauso izugarria delako.
3.- Hezkuntza Komunitatearekin adostu gabeko ebaluazio sistema bat delako eta egungo ebaluazio ereduan beste pauso bat ematen dutelako, ikaslearen hezkuntza hobekuntza baino kalifikatu eta sailkatzea bilatuz.

Beste behin ere, Eusko Jaurlaritzari eskatzen diogu azterketa hauek, LOMCE eta honen aplikazio hutsa diren Heziberriren curriculum dekretuak, bertan behera utz ditzala eta hezkuntza komunitatearekin adosturiko hezkuntza sistema propioa garatu dezala berau ebaluatzeko ebaluazio sistema adostu batekin batera.

Hau honela ez den bitartean, Hezkuntza Komunitate osoari dei egiten diogu ebaluazio sistema honi aurre egin eta ebaluazio eredu berri baten eraikuntzan lan egitera. Oraingoan, eta bereziki, ikastetxe guztietako klaustroei, zuzendaritza taldeei, eskola kontseiluei eta ikastetxeetako titularrei zuzentzen gatzaizkie LOMCEk eta Heziberrik ezartzen duten 3. mailako azterketari planto egitera eta horrekin batera, ebaluazio eredu berri baten bidean adostasunak eraikitzera.

Euskal Herrian, 2016ko martxoaren 16ean.
  

 

 

Herri oso baten elkartasuna eta salaketa azken heriotz istripuaren aurrean

admin
-
0
Herri oso baten elkartasuna eta salaketa azken heriotz istripuaren aurrean

Gaur, gehiengo sindikalak deituta, Ondarroan mobilizatu gara astelehenean Santa Klara izotz enpresan izandako lan istripuan bizia galdu zuten Alberto eta Jabi gogoratu eta egoera hauek jasatera garamatzan lan eredua salatzeko. Lan istripuak patronalak lan egiteko orduan ezartzen dizkigun baldintza eta lan egiteko moduen ondorio dira, ekidin daitezkeenak. Horrela izanik, neurri zorrotzak eskatzen ditugu heriotza eta miseria baino ez dakarren ereduarekin amaitzeko. Igande honetan, hilak 20, LAB Lekeition mobilizatuko da berriz ere "Lan istripu gehiagorik ez!" exijitzeko eta Alberto eta Jabiri gure agurrik sentituena eskaintzako.
 

MANIFESTAZIOA MARTXOAREN 20an
LEKEITION 12:30etan
LAN ISTRIPU GEHIAGORIK EZ!
LAN HERIOTZIK EZ!


 Urtea hasi zenetik 14 langile hil dira lan istripuz

 Bihar kalean izango gara heriotz istripua salatuz (Gehiengo sindikala)


  
 

Arcelor Mittalek barre egiten die langileei eta euskal jendarteari orohar

admin
-
0

Arcelor Mittalek Zumarragako lantokian jarduera eteteko berria ezagutu ostean, LABek adierazi nahi du Arcelor Mittal ehunka langileren etorkizunarekin jolasean ari dela. Era berean agerian geratu da Eusko Jaurlaritzak multinazionalarekiko duen morrontza.

Arcelor Mittal ehundaka langileren etorkizunarekin jolasean ari da, informazioa ezkutatuz, bere interesen arabera gubidagabeki jokatuz. Ez dugu sinesten erabakia inprobisatu dutela, lehenagotik prestatutako plan bati erantzuten dio erabakiak.

Egoera honen aurrean, bi aukera daude: edo Jaurlaritzak bazekien zein zen Arcelor Mittalen asmoa, eta hortaz, planaren gauzapenean ezinbesteko laguntzailea izan da, edo Arcelor Mittalek barre egiten dio Eusko Jaurlaritzari eta hortaz, euskal gizarteari.

Edozein kasutan, Eusko Jaurlaritzak multinazionalarekiko duen morrontza agerian gelditu da. Eusko Jaurlaritzari Bruselan multinazional hauen mandatuak egiteari uzteko, eta behingoz sektoreko lanpostuak eta sektorearen etorkizuna bermatzeko lanean hasteko exijitzen diogu.
 

 

 

Badugu proposamena Nafarroako lan harremanetan aldaketa gauzatzeko

admin
-
0
Badugu proposamena Nafarroako lan harremanetan aldaketa gauzatzeko


Iruñean Ainhoa Etxaide Idazkari Nagusiak eta Igor Arroyo Nafarroako bozeramaileak egindako agerraldiaren bidez, LAB sindikatuak aldaketa lantokietan gauzatzeko proposamena egin du. Bide hori sustatzeko, manifestazioa egingo du LABek larunbata honetan Iruñean, 17:30etan Gaztelu Plazatik abiatuta. 

LABen iritziz, nafar instituzioetan emandako aldaketa, herritarren lan eta bizi baldintzen hobekuntzan islatu beharra dago. Helburu horrekin, LABek zazpi oinarrizko neurri proposatzen ditu: enplegu suntsiketa gelditu;
35 orduko lan astea; hileko 1.200 euroko gutxieneko soldata; erretiro adina aurreratu eta 1080 euroko pentsioa ezarri; aukera berdintasuna bermatu; langileon osasuna enpresarien etekinen aurretik lehenetsi; lantokietan euskararen normalizazioa sustatu; eta Nafarroako sektore publikoa garatu.

Era berean, LABek neurri hauek ezartzeko bideak aurkeztu ditu. Lehenik eta behin, funtsezko baldintza lantokiz lantoki borroka sindikala egitea da. Horrekin batera, alderdi politikoak interpelatu egin ditu LABek, neurriok garatzeko akordio parlamentarioak egin ditzaten. Hirugarrenik, negoziazio kolektibo sektorial eta intersektorialean akordioen beharra planteatu du, nahiz eta Patronalak ez duen horretarako inolako asmorik: "hala sindikalgintzatik nola eremu instituzionaletik Patronala interpelatu beharra dago". Laugarrenik, langileen parte hartze instituzionala ahalbidetzeko Lanaren Kontseilua proposatu du LABek, langileek zuzeneko bozkaren bidez hautatuko litzatekeena. Eta azkenik, Akordio Programatikoan jasotzen den Nafarroarako estatus berrian lan esparru nahiz gizarte segurantza propioa txertatzea defendatu du.

Gauzak horrela, LABek uko egin dio berriz ere Elkarrizketa Sozialaren Kontseiluan parte hartzeari eta gogor kritikatu du Nafarroako Gobernuaren jarrera: "Irtenbidetzat bere erreforma soila planteatzea oinarriak kolokan dituen eraikinaren teilatua konpontzea bezalakoa da. Eraikin berria eraiki beharra dago oinarrietatik. Ildo honetan, Nafar langileen beharrak eta nahiak erdigunean kokatuko dituen benetako elkarrizketa batean parte hartzeko prest gaude. Adostu ditzagun Nafarroan hartu behar diren neurriak, adostu ditzagun neurri horiek gauzatzeko bideak eta, orduan bai, sor ditzagun horren guztiaren jarraipena egiteko beharrezkoak diren Kontseiluak edota bestelako guneak. LABek mahai gainean jarri ditu, proposamen honen bidez, bere ustez hartu beharreko neurriak eta neurri horiek egikaritzeko bideak zeintzuk diren. Gainontzeko eragileek, eta bereziki Nafarroako Gobernuak, berdina egin dezaten espero dugu. Ez dezala Elkarrizketa Sozialaren Kontseiluaren erreforma bezalako amarruak erabili bere erantzunkizunei muzin egiteko".

Amaitzeko, LABek dei egin die langileei larunbat honetan Gaztelu Plazatik abiatuko den manifestazioan parte hartzeko. Gazte bloke bat antolatuko da, 5etan udal plazan, eta pentsiodunen arloak ere presentzia izango du. Era berean, lantokiz lantoki dauden behar eta aldarrikapenak islatuko dira martxan zehar.
 

 

11 ERASO 12 ERANTZUN Emakume langileok prest!

admin
-
0
11 ERASO 12 ERANTZUN Emakume langileok prest!

LABeko emakumeok, datorren apirilaren 9an, Gasteizen, Mugimendu Feministak indarkeria sexistaren aurka deitutako manifestazioarekin bat egin nahi dugu.
Guk ondo ezagutzen ditugu egungo sistema kapitalista heteropatriarkalak lan munduan ere emakumeongain ezartzen dituen indarkeria anitzak. Indarkeria sexista estrukturala den heinean, lan munduan ere, gure bizitzako gainontzeko esparru guztietan bezala, hamaika dira emakumeok egunero pairatu behar ditugun erasoak.

Continue

LABek Bilboko Ingeniaritza Goi Eskola Teknikoan Ertzaintza sartu izana salatzen du

admin
-
0

Atzo arratsaldean, Herri Unibertsitatea ekimenaren baitan, ikasleak itxialdia egiten ari zirela sartu zen Ertzaintza Bilboko Ingeniaritza Goi Eskola Teknikoan, Dekanoak deituta. LAB UPV/EHUko Idazkari Orokorrarekin jarri da harremanetan Bilboko eskolan gertatutakoa salatzeko eta errepikatu ez dadin exijitzeko. Gertaera hau onartezina da eta argi izan behar du Errektoreak, jakin dakienean beste hainbat ikastetxetan arazorik gabe garatzen ari den ekimena dela Ertzaintzaren presentziarik gabe.
 

HERRI UNIBERTSITATEA
Martxoak 14, 15 eta 16
Hezkuntza kritikoa SORTZEN

 

Bihar kalean izango gara heriotz istripua salatuz

admin
-
0
Bihar kalean izango gara heriotz istripua salatuz


Gehiengo Sindikalak atzo Ondarroan lan istripu baten ondorioz izandako azken heriotzen inguruko irakurkeka plazaratzeko agerraldia eskaini du. Era berean, hemendik aurrerako mobilizazioak iragarri dituzte sindikatuek. Bestalde eta ezer baino lehen Ibon Zubiela, LABeko Lan Osasuneko arduradunak, doluminak eta elkartasuna helarazi nahi izan dizkie sindikatu guztien izenean hildakoen sendi, lagun eta lankideei.

Oraindik gertakarien inguruan dugun informazioa mugatua izanik ere gehiengo sindikalak gertatutakoa argitzeko ikerketa burura eraman dadila exigitzen du, baita ardurak zehaztu daitezela ere.

Zubielak gogorarazi du urtea hasi denetik 14 direla lan istripu baten ondorioz hildako langileak. Sindikatuon ustez heriotz istripu hauek ez dira kasualitatea, lan baldintza kaskarren, prebentzio neurri eznahikoen edo mantenimendu faltaren ondorio dira. Beraz, neurri egokiak hartuz gero ekidin daitezke.

Hemen bildu garen sindikatuak aspalditik ari gara prebentzio lanetan honelako istripuak gerta ez daitezen, baina baita ere istripuak gertatzen direnean kalera irten eta salatzen ere. Beraz atzo Ondarroan gertatutakoaren harira, eta orain arteko ibilbideari jarraituz, bihar gehiengo sindikala kalean izango da heriotz istripu hau salatzeko. Bi orduko lanuztea egingo dugu, 11.30etatik 13.30etara. Bestalde 12:30etan manifestazioa abiatuko da Ondarruko Zaldupeko zubitik.

{module[178]}

 

 

 

Euskal Enplegu Publikoaren Legearen proiektua atzera botatzea eskatu dugu Parlamentuan

admin
-
0

Atzo LABeko Zerbitzu Publikoetako Federazioaren ordezkaritza bat Gasteizko Parlamentuan izan zen Jaurlaritzak prestatu duen Euskal Enplegu Publikoaren Legearen proiektuaren inguruan dituen iritziak eta proposamenak azaltzeko. Bertan, arrazoiak azaldu aurretik eta ondoren, proiektu hori bertan behera uzteko eta herritarrek eta langile publikook behar dugun Euskal Lege baten negoziazioa berriz hasteko eskatu genuen.

Proiektuaren zioen azalpenean jasota dagoen bezala, Jaurlaritzaren proposamena orain arteko legeen, dekretuen eta jurisprudentzia berrien bilduma bat da, Estatuan diseinatutako EPOE-EBEP delakoaren ildo beretik doana. LABek adierazi duen bezala, nabarmena da Enplegu Publikoaren lege berri baten beharra, baina bestelako edukiez gain diseinua bera ere ezberdina behar du, kanpotik ezarritako muga eta inposiziorik gabekoa, eta benetan parte-hartzailea.

Edukiaren inguruan, Jaurlaritzak "modernitatez" jantzi nahi duena kalitatezko sektore publikoa eraisteko neurri atzerakoienak dira. Horrela:

• Zuzendaritza profesionala delakoak agintekeria eta kontrol ideologiko handiagoa ezarriko luke egituretan.
• Lanbide karrerarako eta ordainsari sistemarako proposamenek langileen indibidualismoa eta elkar-lehia ekarriko luke, non eta langileen arteko kolaborazioak egundoko garrantzia duen zerbitzu publikoetan.
• Aukera berdintasuna, are gehiago emakumeena promoziorako, urratuago geldituko litzateke.
• Lanpostuak hornitzeko garaian enpresa pribatuen malgutasun basatia zabaldu nahi du sektore publiko osora, bide batez pribatizazioari ateak are gehiago zabalduz.
• Urte hauetako guztietako euskalduntze planek kale egin dutela garbi gelditu denean, akats berdinean sakontzen da, aurrera begirako bidea baino, atzera begirakoa hartu da.
• Negoziazio Kolektiboaren eskubidea ukatuta jarraituko luke. Jaurlaritzak oso garbi utzi du proiektuaren lanketan zein Mahai Orokorrean zein begirune eskasa dion langileriaren parte hartzeari.
 

Gauzak horrela, LABek XXI. mendeko euskal jendartearen eta langile publikoen beharrak asetzeko Enplegu Publikoaren Euskal Lege berria planteatzen du:

• Zerbitzu publikoak sendotzeko eta bermatzeko helburuarekiko koherentea.
• Negoziazio kolektiborako eskubidea errespetatu eta garatuko duena.
• Langileen parte hartzea, horizontaltasuna, demokratizazioa eta talde lana sustatuko duena.
• Barne promoziorako eta motibaziorako aukerak sustatuko dituena.
• Zerbitzu publikoak euskaraz funtzionatzea bultzatuko duena.
• Aukera berdintasuna bermatuko duena.
• Kudeaketa merkantilista eta pribatizatzailearen ordez zerbitzu publikoen kudeaketa komunitarioa sustatuko duena, alegia, zerbitzu publikoen gaineko kudeaketa publikoa baina ez soilik Administrazioarena baizik eta langileon eta herritarren parte hartzea eta kontrolaren filosofia eta praktika sustatuko duena.
 

Laburbilduz, lege proiektu atzerakoi honi ez, baina bestelako lege propio aurrerakoi bat definitzeari bai. Jar gaitezen mahai baten bueltan, LABek badu bere eredua, beste batzuena entzun eta beste batzuekin adostasunetarako heltzeko prestutasuna ere badu, baina has gaitezen hasieratik; alde bakarreko inposizioaren bidea alde batera utzita, has gaitezen lege honen eraginaren pean gauden eragileok nork bere eredua azaltzetik eta hortik aurrera adostasunak eraiki ditzagun. 
 

 

 


Nafarroak aldarrikatzen duen aldaketa lantokietara eraman behar dugu

admin
-
0
Nafarroak aldarrikatzen duen aldaketa lantokietara eraman behar dugu

Botere politiko eta ekonomikoen ahotan krisiak susperraldiari lekua utzi diola entzuten dugu, baina langabezia, prekarietatea eta pobrezia egoerak ez du hobera egiten. LABen iritziz egoera hau errotik aldatu beharra dago eta horretarako aukerak badaude Nafarroan. Aldaketa politiko eta sozialaz gain aldaketa lan-zentroetara eraman behar dela aldarrikatzen dugu LABetik. Aldaketa posible da eta horretarako martxoaren 19an kalean izango gara "Aldaketa lantokietara" lelopean. Ekimenaren azalpen guztiak mahaigaineratzeko Ainhoa Etxaide, LABeko Idazkari Nagusia, eta Igor Arroyo, Nafarroako Bozeramaleak agerraldia eskainiko dute gaur LABen Iruñeako egoitzan 11:00etan.

{module[607]}
 

 

 
1...1,0931,0941,095...1,630Page 1,094 of 1,630

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus