2025-12-22
Blog Page 1074

Arabako metaleko hitzarmena, iruzur hutsa

admin
-
0

Hedabideetatik jakin izan dugu SEA patronalak eta UGT eta CCOO sindikatuek pasa den uztailean iragarri zuten aurreakordioa sinatu dutela. Eskandalagarria da. Lotsagarria. 6 hilabete behar izan dute adostutakoa sinatzeko? Ez, ez da batere serioa, prozesu osoa batere serioa izan ez den bezalaxe. 

Dagoeneko CCOO eta UGT sindikatuak patronalaren morroiak bilakatu dira, patronalari joku zikina egin baitiote. Arabako metaleko hitzarmena hobetzeko borrokatu beharrean, borrokari uko egin eta patronalak eskatzen zuen guztiari men egin diote. Ez, sindikatu hauek ez dute hitzarmena berreskuratu, besteak beste, Epaitegi Gorenak hitzarmena indarrean zegoela argi utzi zuelako. Aldiz, hitzarmena oparitu egin diote patronalari, hau hobetzeko borrokari uko eginez. SEA patronalak erakutsitako jarrera zurrunaren aurrean, begi bistan zegoen ezinezkoa zela hitzarmen ona lortzea borroka egin gabe. Egunotan, Gipuzkoako papergintzan sindikatu guztiak batera borrokatzen ari garen honetan, Arabako metalgintzan, UGTk eta CCOOk ez borrokatzea erabaki zuten. Zergatik? Zer aldea zegoen SEA eta Adegiren artean sindikatu hauen erabakia justifikatzeko? Emaitza argia da: Gipuzkoako papergintzako hitzarmena sektoreko langile guztientzat erreferentziala den bitartean, Arabako metaleko hitzarmena Euskal Herriko metaleko hitzarmenik kaskarrena da. Beraz, SEArentzat pagotxa.

LABek hitzarmen honen aplikazioa zailduko du, Arabako metaleko enpresetan berau hobetuko duen proposamena aurkeztuz. Izan ere, Arabako eragin mugatuko hitzarmenak ez du sektoreko gehiengo sindikala errespetatzen, ezta langileen baldintzak hobetzen ere. LABek ez dio normaltasuna emango ohikoa ez den egoera bati, ez Araban ez inon. Irtenbidea ez dator patronalak nahi dituen hitzarmenak sinatzetik, Gipuzkoako papergintzan sindikatu guztiak egiten ari garen bezala borrokatzetik baizik.
 

 

 

EAEko Hezkuntza Sailak onartu egin du ikasgeletan amiantoa dagoela

admin
-
0

Cristina Uriarte buru den Hezkuntza Sailak argitaratu du 6 bat arbel kenduko dituela Arabako ikastetxeetatik, amiantoa izan dezaketela susmatzen dutelako (aipatu materialak kalte egin diezaioke osasunari). Sailak amiantoa antzeman du arbel batzuetan, langile batek horietako bat erabili ostean.

Aipatu langileak ohartarazi zuen arbelen osagaien artean amiantoa egon zitekeela hautsa antzeman zuenean. Gasteizeko Udalaren aginduz egin diren analisien emaitzaz erabaki da, gutxienez, sei arbel berehala ordezkatu behar direla. Aipatu arbelek izan ditzaketen amianto zuntzak aintzinakoekin lotzen dira; litekeena da 1990. urte aurrekoak izatea.

Hezkuntza sailak prebentzio neurriak abiarazi ditu; haien berri eman zitzaien sindikatuei abenduaren 2an. Neurrion artean, zirkular bat bidali zitzaien ikastetxeetako zuzendaritzei, gisa honetako materiala izan dezaketenak harremanetan jar daitezen sailarekin.

LABek berriro salatu nahi du gai honetan egin den kudeaketa. Sei bat arbelez ari dira; gure aburuz, kopurua ez esateak adierazten du Hezkuntza Sailak ez duela behar bezala ezagutzen eta ez diola dagokion jarraipena egiten gai honi.

Bestalde, jakinarazi dutenez, arazoa antzeman zen, langile batek, mantenu lanetan zebilena, arbeletako batekin lanean jardun zelako. Horrek baieztatzen digu aurreko puntua. Hots, litekeena dela aldez aurretik beste konpontze lanak egin izana eta antzeman ez izatea.

LABek 14.000 arbel inguru zenbatu direla ikastetxeetan eta ezin dugu zehaztu duela zenbat urte instalatu zituzten. Prebentzio neurria ikastetxeetako zuzendaritzei bidali zirkular batean oinarritzen da; haiei dagokie identifikatzearen ardura. Arbelak 1990. urte aurrekoak izan daitezke. Gogoratu, amiantoa 2002. urteaz geroztik debekatua dagoela. Gure ustez, amiantoaren presentzia-mapak dagoeneko egina behar zuen ikastetxeetan.

Sailak, euren ustez amiantoa ukitzen egon omen diren langileei eskaini die osasunaren zaintza egiteko aukera, borondatez. Egungo langileez mintzo gara. Zenbat lagunek egin dute lan iraganean, amiantoa ukituz?
LABek urgentziaz eskatuko du amiantoa ikastetxeetan egotearen mapa egin dadin (nonahi egon daiteke, arbeletan egon daitekeena ezezik). Material horrekin harremanetan lan egin dutenen errolda egin dadila eskatuko du; mapa batean identifikatuko da.

Gure ustez, aipatu zuntzen ukipenean, gaur egun zein iraganean, lan egin zezakeen langile ororen osasuna artatu behar da derrigorrez. Lan Segurtasun eta Higienerako Institutu Nazionalaren (INSHT) arabera “ez dago amiantoarekiko inolako harremanik, oso txikia bada ere, segurua dena”.Hortik ondoriozta daitezkeen ardura guztiak ondoriozta daitezela, osasun-laguntzan zein laguntza ekonomikoan. Gai hau ezin daiteke konpondu ikastetxeetako zuzendaritzei soilik zirkularra bidaliz eta hauei horrelako ardural esleituz.

Lan-osasunaren sektore arteko azken batzarrean, 2015eko arazoaren 11n egin zena, LABek ordurako eskatu zuen aipatu mapa. Horri erantzunez, halakorik ez zegoela, baina hala ere, Hezkuntza sailak, amiantoaren harira, eta edozein obrari ekin aurretik, lagin prebentiboak bete egiten dituela esan ziguten. Gauzak honela, zalantzan jarriko dugu.
 

 

 


SANTA CLOSE jai egun eta igandetan irekitzearen kontra

admin
-
0

 Santa CLOSEk, denak zoriontsu gauden eta familia artean pasatu nahi ditugun eguberri egun hauetan, Corte Inglesek hala behartuta, langile askok lanean pasa beharko dituztela salatu zuen.

Horregatik jai egunetan irekitzen duten denda edo merkatal guneei bisitak egiten hasiko dela iragarri zuen, hauek irekitzeari utzi eta langileek lanera joateko beharrik ez izan arte.

Azkenik langileek egun hauetan ere disfrutatu nahi dutela aldarrikatu eta, dendek ez irekitzeaz aparte, kontsumitzaileek ere eros ez dezatela eskatu zuen.
  

 

 

ABENDUAK 3. Lan mundua euskalduntzeko langileen parte hartzea ezinbestekoa da

admin
-
0
ABENDUAK 3. Lan mundua euskalduntzeko langileen parte hartzea ezinbestekoa da


Euskararen nazioarteko eguna da gaur, abenduak 3, eta testuinguru honetan lan munduari arreta gehiago jartzea eskatu nahi dugu. Izan ere, bestelako eremu batzuetan euskara normalizatzeko hainbat urrats eman badira ere, lan mundua euskalduntzeko indarrean dauden Hizkuntza Politikak antzuak dira. Azpimarratu nahi dugu, era berean, bestelako eremuetan aurrera egin bada, herritarren konpromiso zein herri ekimenei esker izan dela. LABen iritziz lan mundua euskalduntzeko, langileon parte hartzea kontuan izango duen eredu demokratikoa ezinbestekoa dugu. 

Zergatik?

• Langileak baztertuz, ez dagoelako lan mundua euskalduntzerik.
• Borondate politikorik gabe, antzuak direlako proiektu pilotuak.
• Egun dauden baldintzak edota bitartekoak aldatu gabe, ezinezkoa delako lan mundua euskalduntzea.
• Patronalak eta Instituzioek lan erreformaren ondorioak babesten dituzte, eta testuinguru horretan ezinezko da lana euskaraz egitea. 
• Elebitasun orekatua ezinezkoa delako.
• Administrazio publikoa euskalduntzeko erabaki politikoak hartu behar direlako.
• Lanbide Heziketan B eredua bultzatuz edota unibertsitatean euskaraz ezin bada ikasi ez delako euskaldunduko lan mundua.
• Itxurakeria hutsa delako euskaldun berriak omentzea, euskararen ezagutza unibertsalizatzeari muzin egiten zaion bitartean. 
• Jaiolekuaren arabera herritarrak hizkuntza-eskubide gabetzen dituen legea indarrean dagoen bitartean, bidean oztopo ugari izango ditugulako.
• Dirulaguntzetan euskarari ematen zaion pizarrekin, ezinezkoa delako erdaraz eraiki zen lan mundua, euskaraz eraldatzea.
• Ezinezkoa delako euskararen normalizazioa politikatik at edota konfrontazio esparruetatik kanpo uztea, hori bera politika egitea baita. 

Azken urteetan aldatu den bakarra pertsonak izan dira, baina sistema da aldatu beharreakoa, lan mundua euskaldunduko bada.

Eta honen aurrean, zer? Lan mundua euskalduntzeko eredu demokratikoa

Abiapuntutik, langileen parte hartzea bermatu behar da, langileok baikara lan munduko subjektu eta eragile. Zentzu horretan, langileon artean eta lan mundua osatzen duten subjektu guztien arteko aliantzak edota elkarlana ezinbestekoa dela uste dugu, beti ere, praktikara bideraturiko konpromiso zehatzen baitan. 

Langileon hizkuntza eskubideen aitortza ezinbestekoa da gure hizkuntza hautua modu librean egin ahal izateko. Are gehiago legeak behar ditugu. Lan munduaren euskalduntzea araubidean jartzea ezinbestekoa da, borondatearen gainetik, guztion eskubideak bermatu ahal izateko. Horrez gain Euskal Herri osorako, baina tokian tokiko berezitasunei erantzungo dion Hizkuntza Politika eragingarriak behar ditugu, hizkuntza eskubideak aitortu ez ezik, garatu ahal izateko. Horretarako, ordea, lan munduan euskarak bizi duen errealitatearen azterketa egitea premiazkoa da.

Lan mundua euskaldundu nahi badugu plangintza eraginkorrak beharko ditugu, helburuak betetzen direla ziurtatu eta beharrezkoak diren bitartekoak bermatzeko modu planifikatu, sistematiko eta ordenatuan. Eta amaitzeko euskara herritarron altxorra dela esatearekin batera, belaunaldiz belaunaldiko transmisioa, berrikuntza etengabea eta hizkuntza bizia dela bermatzeko, euskarak inbertsioa izan behar du, zentzu kualitatibo eta kuantitatiboan, eta ez gara diruaz bakarrik hitz egiten ari.

Alternatibak baditugu eta sistema aldatzera goaz! 

Alternatiba sozioekonomikoen baitan, euskara zentralitatea hartzen ari da. Izan ere, herriak zein pertsonak erdigunean kokatuko dituen eredu sozial berriak herritarron hizkuntza eskubideak bermatu beharko ditu. Horrela dator jasota Euskal Herriko Eskubide Sozialen Kartan. Horrez gain lan mundua euskalduntzeko hamaika borroka martxan dira lan zentroetan, txikitik handira lan mundua euskalduntzen ari direnak. Langileon artean, lan mundua euskalduntzearen aldeko jarrera hegemonikoa izatea lortu behar dugu.

LABek lan mundua euskalduntzeko ildo estrategiko berria eguneratu eta Ekintza Sindikalean integratzeko erronkari eutsi dio. Zentzu horretan, “Euskara, zure eskubideak” kanpaina aipatu nahi dugu. Kanpaina honen helburuak, langileok hizkuntza eskubideen kontzientzia hartzea, lan zentroan urratzen dizkiguten eskubideak salatzea eta langileon inplikazioa lortzea dira.

Zentzu honetan, abenduaren 3an euskal langileria deitu nahi dugu lan munduan urratzen zaizkion hizkuntza eskubideak salatzera. Horretarako, lan zentroetako LABeko kideekin harremanetan jarri edota sartu salaketa ELEBIDE eta BEHATOKIAN, Akuilari aplikazio berria erabiliz. 
 

 

 

Nafarroak lan eremua arautzeko ahalmena eskuratu behar du enplegu politika berria egiteko

admin
-
0

LABek Nafarroako Enplegu Zerbitzuaren estatutu berriekin demokratizazioan aurrera egin eta sare publikoa ardatz gisa finkatu dela uste du, nahiz eta modu osagarrian erakunde pribatuen konkurrentzia mantentzen bada ere. 

Nafarroako Gobernuak Enplegu Zerbitzuaren estatutu berriak onartu ditu Dekretu bidez. Estatu horien gaineko balorazio zehatzari ekin aurretik, LABek gogoeta orokor bat egin nahi du: estatutu berriak ez ezik, Nafarroak lan eremua arautzeko ahalmena eskuratu behar du enplegu politika berria egiteko. Nafarroaren politika publikoak ezin dira mugatu enpleabilitatea, lan orientazioa edota enpresei begirako estimuluetara. Lan erreformak eragindako langabezia eta prekarietate testuinguruan, Nafarroako Gobernuak nahiz Parlamentuak lanaren eta ondasunaren banaketarako neurriak sustatu behar dituzte, lan harremanetarako eredu propioa egituratuz. 

Atzo onartutako estatutuei dagokionez, Nafarroako Enplegu Zerbitzua demokratizatzeko aurrerapausua suposatzen dute, %10eko ordezkaritza gainditzen duten sindikatuen parte hartzeari bide ematen diolako. Hala ere, estatutuak berritzeko prozesuan aipatu bezala, portzentaia horretara heltzen ez diren sindikatuei begira parte hartzeko bideak irekitzea eskatzen du LABek. 

Era berean, sindikatu nahiz patronalaren parte hartzerako guneak eta baliabideak banatzeko egitura bereiztu izana ontzat ematen du LABek, era horretan Patronala, UGT eta CCOOen praktika endogamikoak eragozteko; esku batekin eman eta bestearekin jasotzen baitzuten lehen. 

Bestalde, LAB sindikatuak egindako hiru ekarpen garrantzitsu jasotzen dituzte estatutuek: 

1. Enplegurako zerbitzuen sare publikoa, titularitate eta kudeaketa publikoduna, “enplegurako zerbitzuen sistema publikoaren ardatz egituratzaile eta funtsezko”tzat jotzen da (4.2 artikulua) eta eragile eta erakunde publikoek sustatutako ekintza guztiak sistema integratu batean biltzea planteatzen da (4.3 artikulua).

2. Hezkuntzako Sailak Nafarroako Enplegu Zerbitzuaren Kontseiluan parte hartuko du, Lanbide Heziketako zuzendari orokorraren bidez. Lanbide heziketako ikastetxe publikoekin eta bereziki zentro integratuekin sinergiak sustatzeko neurri beharrezkoa da hau. 

3. Enplegurako sarbidean aukera berdintasuna bermatzeaz aritzen den 2000/78/CE Europako Zuzentarauari erreferentzia zehatza egiten zaio. Ildo honetan, Nafarroako enpresa askotan genero, afiliazio sindikal, jatorri edota beste edozein arrazoiengatik ematen den diskriminazioarekin amaitu beharra dago. 

Alabaina, enplegu politika aktiboetan erakunde pribatuen konkurrentzia eta zehazki sindikatu eta patronalaren parte hartzea osagarritzat jotzen da (4.4 artikulua). LAB irizpide honen kontra dago; LABen iritziz sindikatu nahiz enpresari elkarteek ordezkaritzaren araberako finantziazio publiko objektiboa jaso behar dute Nafarroako aurrekontuetatik, baina ez enplegu politika aktiboetako funtsetatik. 

Ildo honetan, aurrekontuen aurreproiektuan hitzarmenetarako diru-partida aldatu egin da: alde batetik, “CEN, UGT y CCOOekin hitzarmenak” izatetik “Sindikatu eta enpresari elkarteekin hitzarmenak” izatera pasa dira; bestetik, aurreikusitako diru kopurua %50,97ean murriztuko da, “enpresak bisitatu”, “triptikoak banatu” eta antzeko ekintzak aurreikusten zituzten hitzarmen polemikoak ezabatuz. LABen ustez neurri hauek ez dira nahikoak: aurrekontuen aurreproiektutik partida osoa ezabatzea eskatzen dugu, lehen aipatutako arrazoiengatik. Jarrera honekiko koerentziaz, aipatutako hitzarmenetara aurkezteari uko egiten dio LABek. 

Azkenik, Nafarroako Enplegu Zerbitzuan balizko parte hartzearen inguruan iritzia eskatuko die LABek bere sail sindikalei.
 

 

 

LABek elkartasuna adierazi nahi die PAME eta Greziako langileriari gaurko greba egunean

admin
-
0
LABek elkartasuna adierazi nahi die PAME eta Greziako langileriari gaurko greba egunean

LABek elkartasun eta sostengua adierazi die PAME eta Greziako langileriari abenduak 3an deitu duten nazio mailako greba orokorraren aurrean. Siryzako Gobernuak langileen eskubideen aurkako neurriz beteriko 2016ko Estatu aurrekontuak aurkeztu ditu. Aurrekontu hauetan Gizarte segurantzako eskubideak urratu, erretiro adina igo, soldata eta pentsioetan murrizketa zorrotzak jasotzen dira. Langileen eskubideei eta bizi baldintzei egiten zaien beste eraso bortitza honi erantzuteko PAMEk nazio mailako greba orokorra deitu du gaurko.

PAME sindikatuari LABek igorritako elkartasun mezua
LAB expresses its solidarity and support with PAME and the Greek working class for the National General Strike on 3rd of December 2015

LAB expresses its solidarity and support with PAME and the Greek working class for the National General Strike on 3rd of December 2015.

The Greek Government of Syriza has Developer the State Budget for the 2016. This State Budget provides for anti-workers measures which will result to the abolishment of social security rights and increase in retirement age, drastic cuts in pensions and salaries. It is another attack by the Capital, the Greek government of Syriza and the European Union against the working class of Greece.

The capitalist test their anti workers in Greece to apply later in other Countries in European Union. These anti workers measures are implemented as well in the Basque Country by Spanish Government with the help of local capitalists. In consequence, the fight of PAME and the Greek working class is also a fight of the European class trade union movement.

Basque Country, 3rd of December 2015

 

 

 

LABek inplikazioa exijitzen die instituzioei sektore honetako prekarietatea eragozteko

admin
-
0
LABek inplikazioa exijitzen die instituzioei sektore honetako prekarietatea eragozteko

Gaur, abenduak 3, Desgaitasuna duten Pertsonen Nazioarteko Egunaren harira LABek elkarretaratzea egin du kolektibo honek pairatzen duen prekarietatea salatzeko. Horrez gain baldintza duinetan lan egiteko eskubidea aldarrikatu dugu eta sufritzen dugun egoera ekiditeko neurriak hartzeko exigitu diegu Instituzioei.

Ez da nahikoa Zentro Berezien inaugurazioetara joatea eta adierazpenak egitea, gaitasun desberdinak dituzten pertsonak eta bertan lanean ari direnak prekarietatea eta soldata baxuak jasaten dituztenean. Ordua da instituzioak inplika daitezen, benetan.

Konbentzituta gaude horrela nahi bada eta beharrezkoa ahaleginak egiten badira pertsona hauek duintasunez iris daitezkeela lan-merkatura eta horretarako, instituzioek kontuan izan behar dute, euren obra edo zerbitzu askotarako pleguan ateratzen dituztenean, euretariko batzuk pertsona hauentzako gorde behar dituztela.

Iaz ere LABek mobilizazioak egin behar izan zituen enpresaren batean kolektibo honek zuen egoerarengatik, instituzioen esku-hartzea eskatu genuen eta kontuan dituzten klausula sozialen ezarreraren bidez pausoren bat eman den arren, egun bizi duten prekarietateari ekitea ere falta da.

Gaur abenduaren 3a Nazioarteko Eguna da baina euren lan eta ahaleginak eguneroko inplikazioaren beharra dauka. Eguneroko inplikazioarena gaitasun ezberdinak dituzten pertsonen kolektibo honek lanerako sarbide duina izan dezan, soldata nahikoarekin eta prekarietatearen zamarik gabe.

Jarduera egokien bidezko babesa ez da nahikoa, konpromisoak behar dituzte instituzioen aldetik errealitatea beste bat izan dadin eta errotik alda dadin. Horregatik LABetik lanean ari gara eta jarraituko dugu egunik egun mobilizatzen jarraituz kolektibo honek merezi duen arreta izan dezan.

Horregatik LABetik gaur gaitasun ezberdinak dituzten pertsonek duten enplegu duinerako eskubidea aldarrikatzen dugu, eta egun sektorean bizi duten prekarietatea ekiditekoa. Horregatik dei egiten diegu instituzioei dagokien moduan eskuhar dezatela euren eskariak aintzat hartuz.
 

 

 

Langabeziak behera egiten du prekarietatearen igoeraren kontura

admin
-
0

Enplegu Ministerioak zabaldutako informazioaren arabera, azaroan errejistratutako langabezia 193.811 pertsonatakoa izan da Hego Euskal Herrian. Hauetariko erdiak baino gehiago emakumezkoak dira, %54,2 zehazki. 

Azaroa beti izan da hilabete ona langabezia murrizteko. Hobetzen ez dena enpleguaren kalitate kezkagarria da. Lan-merkatuaren bilakaera ikuspegi luzeagoarekin aztertuz, konprobatzen du langabeziak erreforma eta prekarietatearen kontura jaisten dela. Ezegonkortasun handiagoa dakar honek, laneko eskubide gutxiago eta soldata baxuagoak, azken batean, esplotazio handiagoa.

Hego Euskal Herriko kontratazioari dagokionez, nabarmendu behar da azaroan sinatutako kontratuen %93,5 aldi baterako izan zela. Baina hau ez da datu koiunturala. Hilabete bat falta da urte bukatzeko, urtarriletik hona sinatutako kontratuen %93,6 aldi baterako izan da eta ia %39 lanaldi partzialekoak.

Gainera, aldi baterako kontratuen erdiak hilabetea baino iraupen apalagoa du, aldi baterako kontratazioaren beste heren batek zehaztu gabeko iraupena duen bitartean. Datu hauek erakusten digute laneko errotazioa hartzen duen eskandaluzko neurria, eta honek lan-baldintza eta istripuetan dakartzaten ondorio garratzak sumatzea ahalbidetzen du.

Zentzu honetan, gure ustez zabor-enplegua sortzea pobreziako soldatekin, ezin da inolaz kontsideratu politika ekonomiko eta egindako erreformen arrakasta.

Azkenik, arreta deitu nahi dugu langabeziagatiko babesaren beherakada larriarengatik. Izan ere, egun langabezian dauden hiru lagunetatik bi ez du langabeziagatiko inolako prestaziorik jasotzen. Prestazioen jasotzaile gehiago dago, baina erregistratutako langabezia kopuruetatik kanpo daude, hortaz, estaldura tasa kalkulatzerakoan ere ez dira “langabezian dauden prestazioen jasotzaileak”.

 
Hego Euskal Herriko langabeziagatiko prestazioen jasotzaileak

2015eko urria
Gizonak
Emakumeak
Guztira
Jasotzaileak guztira (SEPE)
–
–
80.944
Langabezian dauden jasotzaileak
32.953
32.368
65.321
Jasotako langabezia
89.810
106.785
196.595

Langabeziak eta prestaziorik gabe daudenak
56.857
74.417
131.274

Doitutako estaldura tasa
36,7%
30,3%
33,2%

Iturria: elaborado por LABek egina Lanbide, Nafarroako Enplegu Zerbitzua eta SEPEko informazioen arabera.

Gasteiz, 2015eko abenduak 2  

 

 

Esplotaziorik gabeko Euskal Herria eraikitzera goaz

admin
-
0
Esplotaziorik gabeko Euskal Herria eraikitzera goaz


ERNAI eta LABen elkarlanaz herriz herri eta lantokiz lantoki borrokak pizteko eta esplotazioarik gabeko Euskal Herriaren erakuntzan aurrera egiteko gazteen prekarietatearekin amaitzeko aldarrikapen taula adostu eta publiko egin dugu gaur Bilbon. Prekarietateari aurre egin behar diogu, eta horretarako denok gara beharrezko. Euskal Herrian lan eta bizi nahi dugulako, etorkizuna irabazteko dugulako, batu borrokara!

Gaur Bilbora Luis de Guindos Espainiako ekonomia ministroa etorri da “hazkundeaz” hitz egitera. Berarekin batera, beste hainbat borrero batuko dira, bapo bazkaldu eta etorkizunean aberastasunak gora egingo duela esanez amaituko dute bilera- antzerkia.

Bai, aberastasunak gora egingo du, baina ez langileon eta herri sektoreon aberastasunak, baizik eta bera eta bera bezalako enparau esplotatzaileena. Gu guztion miseria areagotuz beteko dituzte putre hauek beraien boltsikoak, gu guztion prekarietatean sakonduz handitzen dituzte haien mozkinak.

Gazteon egoera bereziki larria da. Aldi baterako kontratuak, langabezia, kanpora enplegua lortzeko emigrazio behartua, lan praktiketako baldintza eskasak… Gehienetan kontraturik gabe, segurtasun neurririk gabe eta soldata miserableekin.

Baina nazkatu gara! Gazteok ez gaude prest inposatu nahi diguten egoera onartzeko. Esplotaziorik gabeko espazioak irabazteko borrokari ekingo diogu, argi dugulako ezer ez digutela oparituko eta soilik borrokaz eta gure arteko elkartasunez lortuko dugula lapurtu nahi digutena: etorkizun duina izatea.

Etorkizuna da beraz jokoan duguna, eta horretarako ERNAI eta LAB-en elkarlanaz aldarrikapen taula adostu eta publiko egin dugu. Borrokarako tresna izango den taula, esplotaziorik gabeko Euskal Herria lortzeko borroka tresna. Gure eskubideak defendatzeko tresna.

Prekarietateari aurre egin behar diogu, eta horretarako denok gara beharrezko. Euskal Herrian lan eta bizi nahi dugulako, etorkizuna irabazteko dugulako, batu borrokara!

 

 

 
1...1,0731,0741,075...1,582Page 1,074 of 1,582

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus