2026-07-02
Blog Page 1067

Ezkerraldean ehunka lagun mobilizatu dira langabezia, murrizketak eta gastu militarraren aurka

admin
-
0
Ezkerraldean ehunka lagun mobilizatu dira langabezia, murrizketak eta gastu militarraren aurka


Ezkerraldeko langabetuen batzar, kolektibo sozial eta sindikatuek martxa bat antolatu zuten larunbatean langabezia eta murrizketen kontra eta diru-xahutzea dakarren gastu militarra salatzeko. Era berean, gerra-gatazkei ihes egiten dieten milioika lagun errefuxiatuei elkartasuna adierazi diete martxan parte hartu duten kideek.

Ezkerraldeko langabetuen batzar, kolektibo sozial eta sindikatuen oharra

Hilez hil Ezkerraldea da nagusi aurretik langabezia eta pobrezia tasetan: 20.000 langabetu; biztanleria aktiboaren % 20, hain zuzen. % 69k ez dute inolako langabezia-sorospenik. Horretaz gain, EEEak (ERE) edo “geldialdiak” ditugu enpresetan, besteak beste, ACB, Tubos, Electrodomésticos Miró MegaPark, Quorum Fitness Ballonti, Portugaleteko Limpiezas Lombide, Barakaldoko Oca Nikolasa, Trapagako Limpieza Viaria, Nervacero-n…

Egoera are larriagoa da emakumeen errealitateaz hitz eginez gero. Langabezia-tasa %22koa da. Horri prekarietate-tasa handia gehitu behar zaio: zerbitzu-sektoreko (dendak, ostalaritza, garbiketa… ) langileen % 84 emakumeak dira. Horrekin batera lanaldi partzialeko kontratuak: horien % 78 emakumeek beteta; edo behin-behineko kontratuak, emakumeen % 28k beteta. Ezkerraldeko emakumeek soldata-diskriminazio argia jasaten dute: beren soldata % 26 txikiagoa da.

Era berean, gazteen artean langabezia % 48koa da. Krisialdi ekonomikoaren azken bost urteotan, mila inguru izan dira Estatu Espainoletik kanpo joan diren Ezkerraldeko gazteak. Kontsulatuetako bulegoetan izena emanda duten 30 urtetik beherako lagunen kopurua % 32 handitu da.

Langabezia eta babesgabetasun handi horiek gizartean dauden desberdintasunak areagotzea dakarte. Eusko Jaurlaritzak dioenez, azkeneko bi urteetan gora egin dute hil bukaerarako iristeko gabezia egoerek eta zailtasunek. Lagunen % 9,2k mantenu-pobrezia jasaten dute; %3’5ek pobrezia metagarria; eta % 6,5ek muturrekoa. %14,1ek ongizate hutsunen bat jasaten dute. Bost aldiz handiagoa da emakumeek jasaten duten pobrezia.

Horren ondorioz, gero eta familia gehiagok jotzen dute Caritas-era, Gurutze Gorrira edo Elikagai Bankura. Zehazki, 21.000 familiak bizirik irauten dute erakunde ongigile horien laguntza lanari esker.

Horri etxe-kaleratzeen kopurua gehitu behar zaio: iaz %22 hazi zen.

Hori ikusita, egungo krisi ekonomikoaren ondorioak jasatzen ditugunok – gainera, haren erantzuleak ez gara- kalera irtengo gara, alde batetik, eskualdeko enpresetako langabezia egoerak, kaleratzeak eta EEEak (ERE) salatzeko; etxe-kaleratzeak eta gizarte babesean izandako murrizketak salatzeko… Eta bestetik, dagozkigun Eskubide Sozialen eta duintasunaren alde egiteko, enpresari, bankari eta politikari ustelen aurrean.

Arrazoi horiek guztiak direla eta, dei egiten diegu Ezkerraldeko bizialgun guztiei parte hartzeko datorren larunbatean, ekainaren 18an, “Santurtzitik Sestaorako Ezkerraldearen aldeko Martxa” mobilizazio jendetsua izan dadin; Santurtziko parketik abiatuko da eguerdiko 12etan. Aurten, gainera, bere hogeigarren urteurrena beteko da.

Laburbiltzeko, ekimen hau gure eskualdeak jasaten duen gizarte haustura larria salatzeko sortu da, hain zuzen ere, langabezia-indize kezkagarriak, lan prekarietate handia, pobrezia egoerak eta etxe-kaleratzeak ugariagoak direla-eta dugun gizarte haustura; gizarte arloan murrizketak salatzeko: udal gizarte-zerbitzuetan, gizarte-prestazioetan eta zaharrentzako laguntzetan.

Baina egoera hauek ez dira berez sortzen. Administrazioek neurriak sustatu dituzte, langileek, eta herritar guztiek, dituzten lan eskubideak eta eskubide sozialak murrizteari begira. Eskualdeko udalak izan dira lehenengoak murrizketa politika eta zerbitzu publikoen pribatizazioa bultzatzen. Horrek larriagotu egin du egungo krisialdi ekonomikoak jota dauden milaka familiaren egoera.

Gizarte eta lan arloan murrizketak egiten diren bitartean, ikusten dugu zer-nolako diru-xahutzea dakarren gastu militarrak: 25.000 milioi euro, 2015.urte honetarako Estatuaren Aurrekontu Orokorrei esleitu dizkietenak; horietatik, kupoaren bidez, 700 milioi ateratzen dira EAEtik.

Era berean, gerra-gatazkei ihes egiten dieten milioika lagun errefuxiatuei elkartasuna adierazteko izango da mobilizazio hau. Errefuxiatuoi ez zaie inolako eskubiderik aitortzen; eta, gainera, haien aurka NATOren gerraontziak bidaltzen dituzte, Europara ez iristeko.
 

 

 

Ekarpen ugari eta eztabaida aberatsa “Eraldaketa prozesua eta aktibazio soziala [Bir]Pentsatzen” jardunaldietan

admin
-
0
Ekarpen ugari eta eztabaida aberatsa “Eraldaketa prozesua eta aktibazio soziala [Bir]Pentsatzen” jardunaldietan

Atzo eta gaur, sindikalgintza birpentsatzeko prozesuan pauso berri bat eman du LAB sindikatuak. Ipar Hegoa Fundazioaren eskutik, bi egunetako jardunaldiak burutu dira Berriozarko Musika Eskolan. Jardunaldi hauetan Prozesua eta aktibazio soziala aztertu dira. 200 lagun inguru elkartu dira egunetako bakoitzean. Atzo, subjektuaren berrosaketaz hausnartu zuten eta gaurkoan Desaktibazio/aktibazioaz aritu dira.

Ainhoa Etxaidek, LABeko idazkari nagusiak, zabaldu ditu jardunaldiak, “Eraldakea sozialerako sindikalgintza berria (Bir)pentsatzen” prozesuaren barruan, sindikalismoa berritzeko eta eraldaketa sozialerako tresna gisa eguneratzeko ariketan kokatu ditu. LABen barne eztabaida bat ez ezik, Euskal Herriak behar duen sindikalismoaren eztabaida sozial, ekonomiko eta politikoan ekarpena egin duen prozesua izan da. Oso emankortzat baloratu du dinamika. Prozesua partehartzailea izaten ari da. Mila lagunetik gora egon dira eskualde mailako eztabaidetan. Halaber, emakumeen partehartzeari garrantzi berezitua eman zaiola adierazi du. Eta, sektore eta eragile ezberdinekin egoteko eta harremanak zabaltzeko aukera izan da Etxaideren ustez. Prozesuari, duela urte bat eman zion hasiera LABek eta 2017ko udaberriko Biltzar Nagusiari ekarpena egitea du xede.

Subjektuaren (ber)osaketari izan da lehen eguneko ardatza. Lehen mahaian, “Prekarietatea eta langabeziaren kapitalismoari aurre egiteko sindikalismoa” izan dute hizpide, Malen Etxeko Silvia Carrizok (etxeko langileen egoera) eta LABeko Igor Arroyo (pratika sindikala berritzeko gako eta proposamenak) eta Izaskun Garcíak (sindikalismoaren definizio berrirako proposamenak.

Bigarren mahaiaren ardatza “Euskal Herrian prozesu eratzaile eta eraldatzailerako subjektuaren eraikuntzaz” izan da. Honetan, LABeko Bea Martxuetak Eskubide Sozialen Kartaren prozesua eta Alternatiben Herria izan ditu hizpide, Adolfo Araiz EH Bilduko parlamentariak Nafarroako aldaketaz hiz egin du eta Zesar Martinez Zumalabe Fundazioko kideak kontrapuntua emamn dio, herri-mugimenduaren ikuspegitik.

Gaur, bigarren egunean, aktibazioa eta desaktibazioaz aritu dira. Lehen mahaia izan da “krisiaren ondorioak subjektu aktiboa eratzeko”. Bertan, Eduardo Apodakak zapalkuntzaren dimentsio psikosozialak azaldu ditu eta Sandra Barrenetxeak, sistemak desaktibazio sozialerako dituen tresnak aurkeztu ditu.

Jazarpenaren eraginaz aritgu dira CUPeko Josep Manel Busqueta (pobrezia eta prekarietatearen biolentzia), Julen Arzuaga (errepresioa eta jazarpena Euskal Herrian) eta LABeko Garbiñe Aranburu (errepresioa lan munduan).

Azken atala izan da aktibaziorako estrategien ingurukoa. Ekai Txapartegik komunikazio estrategiak izan ditu hizpide, Nora Salbotxek ekarpena egin du hezkuntza mundutik eta LABeko Juantxo Goienena izan da azken hitzartzea, lantokietako aktibazioaren inguruan.
 

 

 

Langile falta salatu dugu Postan

admin
-
0

Arabako Postako LABeko atal sindikalak egunero langileek jasan behar duten pertsonal falta eta gehiegizko lan-kargak salatu nahi ditu. Egoera hau kontratazio faltaren eta etengabe laneko kargak handitzearen ondorio da nagusiki.

Hauteskunde Orokorrak direla eta posta bidezko botoa eskatzeko epea amaitzeko egun bat falta dela, ekainaren 16an, bulego askotan bost aldiz handitu dira eskariak. Jende ilarak egon dira bulego askotan arratsaldeko txandan eskariak erregistratzeko. Itzelezko lan-karga bulego guztietan eta jende asko zain espero dira datozen egunotan botoak jasotzeko.

Datozen egunotako lan-karga handiak, posta bidezko botoen kopuru itzela dela eta, kalte handiak sor diezazkieke herritarrei beharrezko neurriak hartzen ez badira.

Kontratazio sistema berezi eta kaotikoa, CCOO, UGT eta CSIFek adostua, parekorik gabe sektore publikoan, zerrenda itxiekin, errotazio bidezko aukeraketa sistema, opakotasun osoa, bakanteak estali gabe eta LAB enpleguko herrialdeko mahaietatik baztertuz enpresak eskuak libre izan ditzan ez kontratatzeko, langile esperientziadunak ez aurkitzeko aitzakiarekin.

Arabako Postako LABen Atal Sindikaletik urjentziazko bilera eskatu diegu dagozkien zuzendaritzei eta Zuzendaritza Zentroko Jarraipen batzordeari egoera aztertu eta aurretik konponbidea jartzeko.

 

 

 

Eraldaketa prozesua eta aktibazio soziala [Bir]Pentsatzen

admin
-
0
Eraldaketa prozesua eta aktibazio soziala [Bir]Pentsatzen

Atzo, hilak 15, sindikalgintza birpentsatzeko prozesuan pauso berri bat eman genuen. Ipar Hegoa Fundazioaren eskutik bi egunetako jardunaldiaren lehena burutu zen Berriozarko Musika Eskolan. Jardunaldi hauetan Prozesua eta aktibazio soziala aztertzen ari gara. Atzokoan 200 lagun inguru elkartu ginen Sujetuaren berosaketaz hausnartzen eta gaurkoan Desaktibazio/aktibazioaz arituko gara.

Lehenengo egunak eman duenaren kronika

Continue

Laneko istripuen drama sozialaren aurrean planto egiteko ordua da

admin
-
0

Abantoko El Campillo industria-poligonoko Emica Bombas enpresan, gaur goizean bertan gertatutako langile baten heriotza salatzen dugu. Azken heriotz honekin 24 dira honezkero aurten Euskal Herrian lanean ari zirela hildako langileak. LABetik gure elkartasuna eta babesa erakutsi nahi dizkiegu hildakoaren gertuko, senitarteko eta lankideei.

Ez da izurrite bat edo jainkoen zigor bat, gehienetan, istripuak praktika txarren, prebentzioa faltaren, presen, lan-kargen, malgutasunaren… ondorio dira. Hitz baten, lan munduan nagusi den prekarietatearena. Tragedia hau larritu egiten da “krisiagatik”, baina ustez sartuta gauden “suspertze” aldian, goraka doa lanean hildako langileen kopurua.

Bada ordua etengabe goraka doan drama sozial honen aurrean planto egin dezagun. Ez enpresetatik ez instituzioetatik ez da honi aurre egiteko, edo gutxienez, gutxitzeko, tresna ez neurririk jartzen,.

LABetik argi dugu mobilizazioa dela tresnarik eraginkorrena, bai heriotza hau salatzeko bai langileriarentzako tragedia honekin amaitzeko. Horregatik, ELA, LAB, ESK, STEILAS, EHNE eta HIRU sindikatuek kontzentrazioa egingo dugu bihar, 11:00etan, enpresa-atarian.

 

 

 

Eraldaketa prozesua eta aktibazio soziala [Bir]pentsatzeko jardunaldiak izango ditugu

admin
-
0

Datorren ekainaren 15 eta 16 egunetan [Bir]pentsatzen prozesuaren baitan korapilo berriei heltzeko jardunaldi batzuk burutuko ditu Ipar Hegoa Fundazioak. Saioa Berriozarren egingo da, bertako Musika Eskolan, eta Eraldaketa prozesua eta aktibazio soziala izango dira aztergai. Jardunaldiak goizetan izango dira bi egunez, goizeko 9:00etan hasita.

2015eko martxoaren 25 abiatu zuten LAB eta Ipar Hegoak Sindikalismo berria (Bir)pentsatzen prozesua, Donostian egindako nazioarteko jardunaldiekin.

Prozesuaren helburua ekintza sindikala berritu eta egun bizi ditugun garaiotara eta egungo erronketara egokitzea da. 2017an LABen egingo duen 9. Biltzar Nagusiarekin batera emango zaio amaiera prozesuari.

(Bir)pentsatzen prozesuaren barruan mugarri ezberdinak egon dira, hala nola, jardunaldiak (martxoak 25 eta 26), mintegiak (apirilaren 25ean), unibertsitate sindikala (urriaren 27an) eta maila nazionalean, sektoreka edo eskualdeka egindako tailerrak.

Berriozarreko jardunaldiei dagokienez, subjektuaren (Ber)Osaketa izango da lehen eguneko gaia. Silvia Carrizo (Malen etxea), Adolfo Araiz (EH Bildu) eta Zesar Martinezek (Zumalabe fundazioa) parte hartuko dute, LABeko Igor Arroyo, Izaskun García eta Bea Martxuetarekin batera.

“Desaktibazioa/aktibazioa” izango da ekainaren 16ko gaia, eta egun honetan Eduardo Apodakak, Sandra Barrenetxeak, Josep Manel Busquetak, Julen Arzuagak, Nora Salbotxek eta Ekai Txapartegik hartuko dute parte, LABeko Garbiñe Aranburu eta Juantxu Goienekin batera.

 

 

 

UGT eta CCOOek gehiengo sindikala galdu dute Nafarroan

admin
-
0

Garapen Ekonomikorako Sailak, apirilaren 30ean argitaratutako azken datu ofizialek datu historiko bat utzi dute agerian: UGT eta CCOOek jada ez dute gehiengo sindikala Nafarroan. Hain zuzen ere, bi sindikatuak gehituz gero, hauen ordezkaritza sindikala %49,71ra jaitsi da. Elkarrizketa Sozialerako Kontseilua desegitea exijitzen diogu Nafarroako Gobernuari.

2009an krisia hasi zenetik, astiro eta modu etengabean indar korrelazioa aldatzen joan da UGT-CCOOek osatzen duten “elkarrizketa sozialaren” blokea eta LAB eta ELAk ordezkatzen duten sindikalgintza borrokalariaren artean: 

 
2009-12-31
2016-04-30
Aldea %
UGT
%30,89
%25,94
-16
CCOO
%25,00
%23,79
-4,8
UGT+CCOO
%55,89
%49,71
-11
LAB
%12,33
%14,79
+19,9
ELA
%21,37
%22,14
+3,6
LAB+ELA
%33,70
%36,93
+9,6
Beste batzuk
%10,41
%13,36
+28,3
 

Datuetan ikus dezakegun moduan, CCOO eta batez ere UGTk ordezkaritza galtzen duten bitartean, LABen oredezkaritza da gehien hazten dena, ia %20. Hona hemen datu berak ordezkari kopurutan adierazita: 

 
2009-12-31
2016-04-30
Aldea
UGT
2077
1542
-535
CCOO
1681
1413
-268
UGT+CCOO
3758
2955
-803
LAB
829
879
+50
ELA
1358
1316
-42
LAB+ELA
2187
2195
+8
Beste batzuk
779
795
+26
 

Enpresa itxiera eta plantilla murrizketen ondorioz ordezkari kopurua galdu den testuinguru honetan, UGT eta CCOOek 803 ordezkari galdu dituzte 2009ko datuekin alderatuta, bien bitartean ELAk 42 galdu ditu eta LABek 50 irabazi ditu.

LABen balorazioa
Datu hauek argi eta gabi uzten dute Nafarroan egin den aldaketarako apustua isla izaten ari dela ere eremu sindikalean. Enpresari askoren sustapena izan arren, 20 urtez Patronala eta UPNrekin batera konzertazio sozialean protagonista izan diren UGT eta CCOO sindikatuek gehiengo sindikala galdu dute.
 
Beste puntan, LABek aldaketa sozialaren alde egindako esfortzua saritua izan da, bere ordezkaritza %20 igoz.

Testuinguru honetan, oraindik ere ulergaitzago egiten da Nafarroako Gobernuak ElkarrizketaSozialerako Kontseilua mantentzeko hartu duen erabakia. Orain arte, marko hau kritikatzen genuen, enpresetan patronalaren monologoa gailentzen den bitartean, balizko elkarrizketa sozialaren eszenifikazioa zelako. Kritikatzen genuen ere 900.000 euro ematen zitzaizkiola, ulertzen bait genuen CEN, UGT eta CCOOentzako finantziazio gehigarri bat zela, gai hau modu zuzenean aldatu du Gobernuak. Hala ere, ordezkaritza sindikalaren garapena ikusita, organo hau are eta deslegitimizatuago geratu da, horregatik Gobernuari gogoetatu eta organo hau desegitea eskatzen diogu.

Amaitzeko, LABek Lan Harremaneratako Marko Propio baten osaketan eta definizioan parte hartzeko bere prestutasun osoa azaltzen du berriro ere. Oraindik gai honi ez dio heldu ez Gobernuak ezta Nafarroako Parlamentuak ere.

 

 

 

Kutxabankeko prozesu judizialean arduradun politikoak faltako dira

admin
-
0
Kutxabankeko prozesu judizialean arduradun politikoak faltako dira

Bilboko instrukzioko laugarren epaitegiak ez du kontuan hartu Mario Fernández eta Miguel Ángel Cabiecesen defentsaren helegiteak eta epaitu egingo dituzte.Guzti honen inguruko azalpenak emanez gaur, hilak 13, Kutxabank auziko akusazio partikularrak osatzen duten eragileek prentsaurrekoa emango dute.

KUTXABANK kasuko akusazio partikularra osatzen dutenen oharra:

90244/2016 Bilboko instrukzioko laugarren epaitegiko autoak, Rafael Alkorta eta Mario Fernandezek 2016ko otsailak 5eko autoen aurka aurkeztututako errekurtsoak gaitzesten ditu.

Epaitegiak, aipaturiko autoa berresten du, eta instrukzio prozesua zehar akusazio partikular honek izan duen jarrera baieztatzen du termino guztietan.

Azpimarratu nahi dugu, Kutxabankek Rafael Alcortaren bulegoan Cabieces kontratatzea aholkularitza lanak egiteko estalki bat baino ez dela izan Espainiar Gobernuaren EAEko delegatu ohiak, inolako lanik egin gabe hilean 6.000 euroko soldata jasotzeko.

Beraz, autoak honako delituen zantzuak ikusi ditu: alde batetik, kudeaketa desleiala, eta, bestetik, bidegabeko jabetza gaizpideratze modalitatean eta hirugarrenik, dokumentu merkantilen faltsutzea. Horien ondorioz, arestian aipatutako akusatuen kontrako ahozko epaiketa hasiko da.

Gaur gure buruari egiten diogun galdera, akusazio partikular bezala aurkeztu ginen egunean egiten genuen berbera da:

Cabieces jaunak hilero 6.000 euroko soldata jasotzen zuen, horretarako prestatua ez zegoen lan bat burutzeko, eta gainera inoiz ez zuen bete. Orduan zein zein arrazoia Mario Fernandez, Kutxabankeko presidenteak, nominak Cabieces jaunari Kutxabankeko diruarekin ordaintzeko?

Fernandezek bere adierazpenetan zioen, autoak delitu bezala jasotzen duen ekintza hau, arlo politikotik eskatu ziotela. Bere arabera, ohikoak ziren horrelakoak. Erakunde publikoak uzten zituzten politikariei enpresa pribatuan toki egiten zitzaien, zein lan burutu behar zutenak gehiegirik arduratu gabe.

Guzti hau ate birakarien praktika tipikoa da, eta Euskal Kutxen likidazioaren eta Kutxabanken pribatizazio etra bankarizazio prozesuan zehar gertatu zen. Tarte horretan, EAJ, PP eta PSEren arteko akordioak determinanteak izan dira.

Alderdi hauen artean izandako akordioek, Cabiecesek jasotakoa bezalako mesede tratuak jasotzen zituzten. Ez daukagu inolako zalantzarik beraz, pribatizazio eta bankarizazio prozesuak eragiten dituztela horrelako egoerak. Euskal kutxak inbertsore eta espekulatzaile pribatuen esku utzi dute euskal aurrezkien kudeaketa, alderdi horiek prozesu horretan modu maltzurrean irabaziekin atera daitezen. Legezko modu batez, beraiek negoziatu eta onartu dituzten legeekin (fundazioen konposaketa, presidentearen eta gestoreen soldatak eta abar) zein legez kanpok bideetatik, Cabieces kasuan bezala.

Guzti horregatik diogu akusatuen aulkian ez daudela egon beharko luketeen guztiak eserita, euskal herritarroi egindako iruzur honengatik. Gauzatu dutenak egongo dira, baina ez bultzatzileak, harria jaurti eta eskua izkutatu dutenak.

Politikagintzan eta erakundeetako jardueran, lehen araua zintzotasuna eta gardentasuna izan beharko litzateke; ardura publikoa norbere edo ingurukoen onurarako ez erabiltzea, baina hau ez da Euskal Kutxen likidazio prozesuan gertatu dena. Arduradunek pauso bat aurrera eman dezatela exijitzen dugu, ardura politikoak har ditzatela, eta gutxi batzuk bakarrik mesedetzen dituen pribatizazio prozesu honetan atzera egin dezatela. Egoera honek, Euskal Herriko milaka pertsonen aurrewzkietan eskua sartzea eta sartzen jarraitzea ahalbideratzen du.

Pozten gara akusazio partikular honen lanak modu oso eraginkorrean horrelako azpijokoen dabiltzanak inkulpatuen eserlekuan esertzea suposatu duelako. Bide honetan, lanean jarraituko dugu erabaki politiko hauek hartu zituztenak ardurak beren gain har ditzaten.
 

 

 

Adegiko kideei ongi etorri berezia prestatu diegu

admin
-
0
Adegiko kideei ongi etorri berezia prestatu diegu

Gaur, hilak 14, Adegiko kideek ikastaro bat antolatua zuten Aizarnazabalgo enpresa batean, Obe Hettich-en. Hau aitzakia hartuta LABeko delegatu batzuk elkartu eta bidean “ongi etorria” eginez pankartak jarri dizkiegu. Ondoren ordu beteko elkarretaratzea egin dugu enpresa atarian. Ekintza honen bidez gure eskualdean Adegi ez dela ongi etorria adierazi nahi izan dugu.

 

 
1...1,0661,0671,068...1,632Page 1,067 of 1,632

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus