2025-12-25
Blog Page 1034

Maiatzaren Lehenarekin prekarietatearen kontrako agenda aktibatzera goaz

admin
-
0
Maiatzaren Lehenarekin prekarietatearen kontrako agenda aktibatzera goaz

Gaur hilak 26, LAB sindikatuak, agerraldia eskaini du iristear diren hitzorduen berri emanez. Hain zuzen ere, Maiatzaren Lehenean hasi eta ekaina hasiera bitarte hamaika mobilizazio egingo ditu sindikatuak. Laneko prekarietatearen aurka eta alternatibak eraikitzeari begira jauzi bat emateko ordua da eta hortara goaz.

Ainhoa Etxaide LABeko Idazkari Nagusiak azaldu duenez “mobilizazioan oinarritutako agenda oso bat prestatu dugu, prekarietatea salatzea eta prekarietatea borrokatzea ardatz hartuta”. Prekarietatean oinarritutako eredu sozio laboral bat inposatu digute krisiaz baliatuz. Prekarietate hori probrezi iturria da eta bazterketa sozialera kondenatzen gaitu. Egoera horri aurre egitea da sindikatuaren erronka. Badakigu gaur arte erabili ditugun tresnek, besteak beste negoziazio kolektiboak, oso emaitza mugatuak ematen dituztela prekarietatearen kontrako borrokan, beraz mobilizazioa eta aktibazioa beste biderik ez zaigu geratzen. Helburu horrekin, “udaberriko jauzi” gisa izendatu dugun agenda oso bat prestatu dugu.

Maiatzaren Lehen honetan alternatiba badagoela eta martxan jartzea posible dela aldarrikatuko dugu. Gure mezu nagusia langileei zuzenduko diegu ez patronalari ez eta erakundeei ere, haungandik ezer gutxi espero dugulako eta ziru baikaude Euskal Herrian alternatiba egoteaz gain badela nahiko jende eta nahiko masa kritiko alternatiba horren alde urratsak emateko. Badira alternatiba erreal eta burujabeak kapitalismoak jarri digun ereduari aurre egin eta beste bide bat hartzeko. Badago sindikalgintza prekarietateari aurre egiteko borroka planteamentuak egiten dituena. Eta sindikalgintza hori geroz eta indartsuago da.

Maiatzaren Lehen hau testuinguru zehatz batean egingo da: hauteskunde berri batzuen atarian, EAEn ere hauteskundeak bistan ditugula eta eremu instituzionaletik langileei egiten zaien eskeintza agerian geratu delarik. Estatu espainoletik ez da aldaketa etorriko. Eta Euskal Herrian ere, ez da aldaketarik lortuko Confebask-ekin lerrokatuak dauden gobernuekin. Honen aurrean LABek alternatiba bat proposatzen du, herritik eta herriarentzat eraikia, mobilizazioan oinarritutakoa. Beharrezkoak dira aldaketak bultzatuko dituzten gobernuak, baina hauek bideratuko dira baldin eta herri mobilizatu bat badago aurrean. Horregatik, hain zuzen ere egiten dugu mobilizazioaren aldeko apustua, langileak batzearen eta akibatzearen aldeko apustua.

Maiatzaren Lehenean eskualdez eskualde, maiatzaren 28an Bilboko kaleetan eta ondoren etorriko den Borroka Astean prekarietatearen kontra egingo dugu. Lan munduan gaudenak eta kanpo utzi gaituztenak batuko gara.

 

 

Gipuzkoako papergintzako hitzarmena sinatu dugu

admin
-
0


Negoziazioa hasi zenetik 16 hilabete pasa eta gero, gaur Donostiako PRECOn, Gipuzkoako Papergintzako Hitzarmena sinatu du LABek. Borroka eta mobilizazioak bere fruitua eman dute eta langileen borrokari esker hitzarmen berri eta hobetua sinatu da.

Hitzarmenenean jasotzen da soldatak KPIren gainetik haziko direla eta KPIa 0 edo negatiboa balitz, berme-klausulak egongo direla; lizentzia batean familiaren ospitalizazio kasuan ospitalizatuta dagoen bitartean hartu ahal izatea; eta enpresako “non-stop” eta “correturnos” itunak inaplikatzeko, herrialdeko hitzarmenak berak honetarako daukan prozedura erabili beharko dela, hau da, arbitrajera joateko beti aldeen adostasuna. Horrela, lan-erreformari aurre egiten diogu.

Guzti honengatik, edukien hobekuntzagatik eta lan-baldintzei emandako babesagatik, LAB sindikatuak balorazio ona egiten du. Borrokak bere fruituak eman ditu.
 

 

 

Maiatzak 1. Langileok martxan eskuBIDEAK aktiBATU!, Euskal Herria contra la precariedad

admin
-
0
Maiatzak 1. Langileok martxan eskuBIDEAK aktiBATU!, Euskal Herria contra la precariedad
Langileok martxan gara, EskuBIDEAK aktiBATUZ, Euskal Herrian prekarietatea garaitzeko. Iazko Maiatzaren Lehenean LABetik genion ez genuela hazkunde ekonomikoko fase berri hau sendotzen eta egonkortzen lagunduko, elite ekonomiko eta politikoek, beren aberastasuna bermatzeko, gehiengo soziala miseriara kondenatzen dutelako.

Orduan esandakoan berresten gara gaur. Eskubide sozialen eta lan eskubideen likidazioaren kontrako borrokan jarraitzen dugu. Ekinbide sindikala egokitu dugu prekarietatearen aroari aurre egiteko. Lan baldintza kaskarren kontra, pobreziaren eta bazterketaren kontra, krisi sozial larria da LABen lehentasuna eta gure borrokaren ardatza. Ez dugu orain 10 urteko egoerara itzuli nahi. Egoera irauli nahi dugu eta horretarako arazoaren muinera jo dugu: lan baldintza eta eskubideen prekarizazioan oinarritzen den lan mundua, herritarrak babesik gabe uzten dituen eredu soziala eta herriari erabakitzeko eskubidea lapurtu dion eredu politikoa.

Emergentzia sozialeko egoerari erantzun, lan munduan gaur dugun errealitatea irauli eta alternatiben eraikuntzan aurrera egin ahal izateko antolatu da LAB. Antolatu eta aktibatu egin gara, sektore ezberdinetako langileei, prekarioenak kasu, borroka beraren baitara bideak batzeko eskaintza sindikal zehatza eginez.

Borrokak piztuz, mobilizazioak eta gatazkak hauspotuz krisi soziala eta prekarietatea lehen mailako arazo nazional bihurtu behar ditugu, agenda politiko-instituzionalaren erdian jarri. Lan munduaren egoera ez da arazo laboral bat, inposatu zaigun eredu sozioekonomiko basatiaren isla, baizik. Pentsio sistema propio bat, Lan Harremanetako eta Babes Sozialerako Euskal Esparrua, kalitateko zerbitzu publikoak… burujabetza ariketak eskatzen dituzten afera politikoak dira guztiak. Eta arazo politikoek irtenbide politikoak eskatzen dituztenez, borondaterik ez dagoen tokian behartu egin beharko dugu.

Gero eta gehiago dira sindikalismoaren funtzio historikoen eraginetik kanpo geratzen ari diren langileak: lan mundutik at, negoziazio kolektiboaren babesik gabe, prestazioetara eta orohar zerbitzu publikoetara sarbidea ukatuta. Errealitate horri aurre egiteko badugu eskaintza sindikal sendo bat, lan munduaren gaurko egoerari erantzuten diona. Martxan gara, eta ez bakarrik salaketa eta erantzun dinamiketan, alternatiba zehatzen defentsan ere bai. Aberastasunaren eta lanaren banaketa dira gakoak: 1.200 euroko gutxieneko soldata eta 35 orduko lanastea, emakumeengana neurri hauek iristeko politika zehatzak; lan osasuna ziurtatzeko neurriak eta euskaraz lan egiteko eskubidea bermatzea. Bost urrats hauek ematen badira langileen egoera goitik behera aldatuko da.

Ekintza sindikal gaurkotuarekin eta aktibazioaren bidetik, lan zentruak patronalari eredu soziala eta laborala borrokatzeko eta boterea lehiatzeko eremu bilakatzea dugu helburu. Eta ez gaude bakarrik, emakumeekin, gazteekin, pentsiodunekin, eskuz esku dihardugu lan eta bizi baldintza duinen aldeko borrokan.

Sindikalismo independentistak aipatutako erronka horiei guztiei aurre egiteko gai izan behar du. Aldaketa eragiteko baldintzak baditugu: badugu mugimendu sozial eta sindikal indartsu bat, Karta Sozialaren bueltan, Euskal Herrian alternatibak proposatu, saretu eta elikatzeko. Bagara antolatzeko eta borrokatzeko gaitasuna duen Herria.

Baditugu aldaketa prozesua indartzeko, sendotzeko eta azkartzeko baldintzak. Badugu aldaketa sozial eta laboralak behartzeko sindikalismo borrokalari bat.

Baditugu alternatibak, bagara alternatiba.

Maiatzaren Lehenean ere kalean izango gara. 

Gora langile borroka! Gora LAB!
  

M1. DEIALDIAK


KARTELA [PDF]



ESKUORRIA [PDF]

{saudioplayer}http://biltegia.lab.eus/Kanpainak/maiatzak1/2016/kunak/m1Elebidun.mp3{/saudioplayer}
{saudioplayer}http://biltegia.lab.eus/Kanpainak/maiatzak1/2016/kunak/m1Euskaraz.mp3{/saudioplayer}

 

 

Prekarietatea borrokatzea langileon eskubideak defendatzea da

admin
-
0
Prekarietatea borrokatzea langileon eskubideak defendatzea da



Martxotik hona Arabako LAB sindikatuak kanpaina bati ekingo dio, laneko prekarietatearen kontra eta patronalak klase politikoarekin duen adostasuna salatzeko, egoera hori ahalbideratu eta indartu egiten duena. Horrela, enpresen markoan hainbat dinamika abiatu ditugu, eta ostiral goizean Michelin, el Boulevard merkatalgunea, Mercedes, Txagorritxu, Gasteizko Udala, SEA eta EAJko egoitzen aurrean hainbat ekimen burutu genituen. Halaber, arratsaldean manifestazioan abiatu ginen SEA aurretik EAJko egoitzaraino. Milaka langile arabarren egoera gero eta kezkagarriagoa salatzeko eta Araban enplegu duina aldarrikatzeko helburuarekin.

Hau da baieztatzen duguna: gero eta lan baldintza txiroagoen aurrean topatzen garela, eta langileei mobbing etengabea egiten dien patronala gero eta harroago dagoela, jendartearen beharren gainetik bere egoera ekonomikoa indartzeko gero eta gehiago eskatzen duenean.


Patronalak lanpostuen sorrera deitzen duena kontratu prekarioak eta miseriazko soldatekin dira; enplegua sortzeko politikatzat dutena gizon eta emakumeen arteko soldata aldeak, mugikortasun geografikoa edo kaleratze merkeak dira. SEA oraindik lege ez den lan erreforma bat aplikatzea da, jasaten ari garen krisi ekonomikoarentzako proposatzen duen irtenbide partikularra baino ez.

Jakina, erakundeek ematen dioten babesa eta laguntzarik gabe, SEAk ez lituzke halako proposamenik egingo. Erakundeei egiten dien eskaera zerrenda, eurekiko etxeko lana bailitzan, hile amaierara iristeko komeriak egin behar dituen jendarte honen zati handi bat lotsarazi, iraindu eta baztertu egiten du.


Langabezia jaisteko Lan Publiko gehiago? Babes eta diru-laguntza gehiago? Lan Erreforman sakondu?… Ez da, ez da izan, eta jakina ez da izango LABen ustez egin beharreko bidea. Erakundeak herritarren zerbitzura jartzea ezinbestekoa da; patronalaren abusuei aurre egitea eta men egiteari uztea; euren langileak halaxe, “euren langile” bezala hartzen duten enpresariei domina gutxiago ematea; Administrazioak “zenbat eta ordu gehiago hobe” defendatzen dutenei pulpitua eta mikrofonoa jartzea eta aldi berean Administrazioan bertan 35 orduko lan-astea berreskuratzea planteatzea ez da etikoa inondik ere. Patronalak horrenbeste azpimarratzen duen “bake soziala” ez doa eskubideak deuseztatzeko bidetik, hauek errespetatzetik baizik.

Egin dugun azterketa orokor honek Arabako ekoizpen ehun osoan du isla. Beraz prekarietatea, zalantzazko egoera eta klase politikoaren babesa industria arloan herrialdeko lau enpresa erreferenteetan ere ematen da: MERCEDES, MICHELIN, TUBOS REUNIDOS eta AERNNOVA.

12.000 langiletik gora duten enpresa hauetan, erakundeek hainbeste zaintzen enpresari handiek planteatzen dute era desberdinetako prekarietate ERREALA, eskubideen murrizketa ERREALA, enpleguen suntsiketa ERREALA eta plantilak BENETAN beldurtzen produkzioa lekualdatzearekin, beti ere ahalegin kolektiboaren eufemismoaren mozorroarekin, beraiek izateko onuradun nagusiak. Hori guztia arestian aipatu bezala, EAJren babes instituzional inplizitu edo esplizituarekin ari dira egiten.

Azkenik, sindikatu batzuek patronalarekin duten kolaborazio paregabea salatu nahi dugu. Izan ere neurriok onartuz, langileei bizkar emanda pasteleatuz edota mobilizazioak oztopatuz patronala are indartsuago egin eta lan eskubideei mesede eskasa egiten baitiete.
 

 

 

erabakitzeko eskubidea eta burujabetza ekonomikoa aztergai Ordizian

admin
-
0
erabakitzeko eskubidea eta burujabetza ekonomikoa aztergai Ordizian

Bihar, hilak 26, arratsaldeko 19etan, erabakitzeko eskubidea eta burujabetza ekonomikoa izango dira aztergai ordizian, Elkarrekin eta Gure Esku Dagok antolatutako mahai inguruan. Ainhoa Etxaide, LABeko Idazkari Nagusia, Joseba Villarreal (ELA), Jesus Uzkudun (CCOO) eta Igor Mera (ESK) izango dira hizlariak.
 

 

 

Zenbait alderdi politikotako ordezkarien parte-hartzea eta erabiltzeko saiakera salatu nahi ditugu

admin
-
0

LABek, gaur benetako politika industriala eskatuz Bilboko kaleetan kalera irten diren milaka langileak zoriontzeaz gain, zenbait alderdi politikotako ordezkarien parte-hartzea eta manifestazioa erabiltzeko saiakera salatu nahi du. 

Industriak bizi duen egoera larriak erantzule zehatzak ditu: Batetik, Zapatero eta Rajoyren gobernuek, langileak kaleratu eta lantokiak ixteko erabiltzen ari diren lan erreformak inposatu zizkiguten. Bestetik, Eusko Jaurlaritzak, multinazionalei alfonbra gorria jartzen jarraitzen du: euren boterea haunditzeko ezinbesteko diru laguntza eta subentzio politika aplikatzen darrai, enpleguaren babeserako neurriak baztertuz.

Hauteskunde aurrekanpainan denak balio al du? Beraien politiken kontra atera al dira kalera? Manifestazioaren mezua ulertu ez badute lasai egoteko esaten diegu, ze aurrerantzean ere LABek langileriari euren politikak salatzen jarraitzeko deia egiten dugu, lantoki bakoitzean lanpostuak defendatuz! Gaurko borroka, biharko enplegua!
 

 

 

Milaka lagun Bilboko kaleetan benetako industria politika baten alde

admin
-
0
Milaka lagun Bilboko kaleetan benetako industria politika baten alde

Gaur, hilak 23, milaka lagun kalera irten gara gure industriaren defentsan. Bilboko kaleak zeharkatu ditugu "gure industriaren defentsan, por una política industrial real " lema zeraman pankartaren atzean, gaur egungo politikak errotik aldatu behar direla aldarrikatuz. Ainhoa Etxaide, LABeko idazkari Nagusiak, adierazi du "ez gaudela prest gure etorkizuna, gure enplegua elite politiko eta ekonomikoen esku uzteko eta etorkizun ekonomiko hobea defendatuko badugu langileak batzen garelako, mobilizatzen garelako eta industria politika berri baten eraikuntzan zuzenean parte hartzen dugulako izango da".

Hilabetez hilabete, inbertsio funts eta multinazional handiak enpresak ixten ikusten ditugu Euskal Herrian, beste herrialdetara produkzioa eramanez merkeago ekoizteko. Egoera larria da eta Gobernuek benetako industria politika eraginkorrak egin ordez kapital handiei abantaila fiskalak zein bestelakoak ematen jarraitzen dute. Zentzu honetan, azken egunetako azgarkiek "Jaurlaritzaren benetako aurpegia erakutsi dute" Etxaideren iritziz. Ez dago instituzioen partetik ekonomiaren nazioarteratze prozesu honetan euskal esparru sozioekonomikoa bultzatzeko estrategia argirik. Hain zuzen ere, "Arantza Tapia lan harreman eredu bati buruz hitz egiten entzun dugu, baina lan erreforma aipatu gabe. Gogoan izan behar dugu lan erreforma horren ondorioz, azken urteetan 75.000 lanpostu suntsitu direla industrian eta datozen urteetan milaka lanpostu suntsituko direla bestelako neurririk hartu ezean". Tapiak nahiago izan du Patronalaren ondoan egon. "Argi geratu da beste behin Gobernuan patronalaren ordezkaria zein den". Toñak bere aldetik prestazioak arazo direla adierazi du, baina ongi daki "esku artean lehertzen ari zaigun bonba enplegu suntsiketa dela".

"Langileok ez gaude prest gure etorkizuna, gure enplegua politiko elite politiko zein ekonomikoen esku uzteko, ez gaude prest gure etorkizuna Gobernu honen esku uzteko". Ez gara geldirik egongo. Multinazionalei tresna guztiak ematen dizkien lan legeriaren baitan, eta hauei aurre egiten ez dieten menpeko instituzioekin, langileoi gelditzen zaiguna borroka da. Gaurko borroka, biharko enplegua izango delako. "Enplegua defendatuko badugu etorkizun ekonomiko hobea defendatuko badugu langileak batzen garelako, mobilizatzen garelako eta industria politika berri baten eraikuntzan zuzenean parte hartzen dugulako izango da".

Bizkaiko hirugarren adineko egoitzetako baldintzak hobetzearen alde mobilizatu gara

admin
-
0
Bizkaiko hirugarren adineko egoitzetako baldintzak hobetzearen alde mobilizatu gara

Hirugarren adineko egoitzeko langileek agerraldia egin dute gaur Bizkaiko Batzar Nagusietako Herritarrekiko Harreman eta Eskarietarako. Bertan, hitzarmen duina eskatu dute hirugarren adineko egoitzetarako. Kontzentrazioa ere egin dute kanpoan, “Hitzarmen bidezkoaren alde, Aldundia erantzule!” lemapean.

Adierazi dute egoitzak ez direla duela 20 urte bezalakoak (erabiltzailearen mesedetan), hauen perfila asko aldatu da, baina gure baldintzek berdinak edo txarragoak izaten jarraitzen dute.

Politika sozialetan ematen ari diren aldaketa eta aurrerapenak eta egoitzetako erabiltzaileen perfilen eboluzioa, inoiz ez datoz bat langileok honi aurre egiteko beharrezkoak dituzten aldaketekin. Baina langieleek ere aldaketak behar dituzte lan-baldintzetan egoitza eta erabiltzaileen aldaketekin batera.

Ratioak erabiltzaile bakoitzeko langile kopurua dira. Eta ez dira 1998tik hona aldatu 1998tik. Gainera, kalkulu hau egiteko egoitzetako langile guztiak hartzen dituzte kontutan (lorezaina, mantentze lanetakoa…). Lege honek aldatu egin behar duela adierazi dute eta ezin dela erreferentzia bezala erabili inondik inora.

Langileen lan-baldintzak azaldu dituzte.

â—¦ Bakoitzak 17 bat erabiltzaile izan ditzake bere kargura.

â—¦ Goizeko 6rak inguru hasi behar dira erabiltzaileek esnatu eta altxatzen, goizeko 11tarako denak jaikita eta gosalduta egon behar dutelako eta ez dagoelako egiteko beste modurik.

â—¦ Erabiltzaileek oso denbora gutxian gosaldu, bazkaldu eta afaldu behar dute (gehienei langileek ematen diete ahora jatekoa), ez dutelako denbora nahikoa denei nahikoa arreta eskaini eta jaten eman eta gero siesta edo lotara sartzeko.

â—¦ Jasaten dituzten karga fisikoak izugarriak eta gehiegizkoak dira eta langileen gorputzak txikituak daude. Gaixotasun muskular eta hezurretakoak sufritzen dituzte lanaren ondorioz.

â—¦ 1.698 ordu egiten dituzte lan urtean, egoitza publikoetan eta Gipuzkoako egoitza kontzertatuetan baino 106 ordu gehiago.

Aldundiari egoitza hauetan duen ardura benetan hartzea exijitu diote langileek, erabakiak eta neurriak hartzea zerbitzuak eta lan zein bizi baldintzak hobetu daitezen. Langileek, euren aldarrikapenk gogorarazi dituzte.

• Langile gehiago.
• 1592 ordutako lan jarduna.
• Profilen eta funtzio profesionalen hedapena.
• Erabiltzaile bakoitzari eskaintzen zaion dedikazio eta zerbitzu denbora igotzea.

 

 

 

Grupo Alfaren diruzalekeria eta inkonpetentziak Mecánica Mallabiren itxiera ekarri du

admin
-
0

Astelehenean, apirilaren 18an, ALFA taldeko Mecánica Mallabiko zuzendaritzak egun horretan bertan epaitegitik likidazio autoa heldu zela jakinarazi zion enpresa batzordeari. Lantegian ari diren 81 pertsonentzat eta euren familientzat modu krudel eta ilunenean gauzatu da iragarpenik okerrena, hau da, enpresaren itxiera.

Iluntasunez jokatu du GRUPO ALFAko zuzendaritzak. Astebete lehenago sartu zuen epaitegian likidazio proposamena langileei ezer jakinarazi gabe, euren arabera, ezin diotelako aurre egin hartzekodunen hitzarmenaren ordainketari. Etorkizunerako konponbideak bilatzea ez da bere estiloa, hortaz aurretik Enpresa-batzordearekin programatuta zuen bilera atzeratu zuen aspaldi prestatutako plater bat mahai gainean jartzeko. Talde honen zuzendaritzak berriro erakusten du zein gutxi axola dioten pertsonek eta zenbat zenbakiek, bereziki eurenek.

Zuzendaritzaren inkonpetentzia eta profesionaltasun falta salatu nahi ditugu, behin baino gehiagotan enpresa ixtear izan ondoren, plantila 180tik 81 langiletara murriztuz, denbora honetan proiektu berririk lortu gabe eta %50eko kitaren ondoren. Zorra ordaintzen hasteko eguna iritsi da eta euren konponbidea ez ordaintzea eta langileak kaleratzea da. Ez dute lotsarik.

Mecánica Mallabiko langileak ez daude horrelako astakeria onartzeko prest. Bihar apirilaren 23an Bilbon enpleguaren eta industriaren alde deitua dagoen manifestazioan izango gara. Mobilizazioa 12:00etan hasiko da Jesusen Bihotzetik.

Astelehenean langileek asanblada deituko dute aurrera begirako ekimen eta mobilizazioak erabakitzeko. Greba mugagabea deitu dute datorren asteartetik aurrera (apirilaren 26a).
 

 

 
1...1,0331,0341,035...1,583Page 1,034 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLĂŤTICA DE PRIVACIDAD

www.lab.eus