Akordioak hobekuntzak jaso ditu: lanaldia 16 ordutan jaitsiko da, ultraaktibitate klausula, soldata igoera, urteko lehenengo gaixotasun arrunteko bajetan %100eko osagarria; eta edozein bajetan aparteko ordainsarietan deskonturik ez aplikatzea, besteak beste.
Akordio bat sinatu berri da Plastiborren zuzendaritzarekin, langileen antolakuntza eta borrokaren ondorioz. Enpresa Zornotzako Boroa auzoan dago, eta 95 langile ditu.
Azken zazpi urteetan enpresan ez da ordezkaritza sindikalik izan, eta euren lan baldintzak kimiketako hitzarmen estatalean araututakoak izan dira.
Otsailean, hauteskunde sindikalak burutu eta komitea osatu zen, LABeko 4 ordezkarirekin eta CCOOeko 1ekin. Langileen lan baldintzak hobetzeko asmoz, enpresa batzordeak enpresarekin negoziatzeari ekin zion. Enpresaren jarrera inmobilistaren aurrean, langileak mobilizazioak burutzen hasi ziren, greba mugagabea ere konbokatuta zegoelarik.
Egindako mobilizazioek akordioa gauzatzea ekarri dute. Honek, langileek eta LABek jarritako helburuak betetzen ditu.
Akordioak hobekuntza hauek jaso ditu:
-Lanaldia 16 ordutan jaitsiko da
-Ultraaktibitate klausula
-Soldata igoera: 2017tik hasita modu mailakatuan, 2019ra arte hileko 150 euro gordinetako igoera izango dute
-Urteko lehenengo gaixotasun arrunteko bajetan %100eko osagarria
-Edozein bajetan aparteko ordainsarietan deskonturik ez aplikatzea