2024-09-21
HomeOsasungintzaOsasungintzaOsakidetzan dimisioa eman duten gerenteen jarrera salatu nahi dugu

Osakidetzan dimisioa eman duten gerenteen jarrera salatu nahi dugu

Osakidetzako LAB sindikatuak Santa Marinako eta Bilbo-Basurtu ESIko dagoeneko gerente ohien jokabidea salatu nahi du; izan ere, Osakidetzako langileei txertoa jartzeko ezarritako protokoloari jaramonik egin gabe eta gerente-karguaz baliatuta, COVID-19ren aurkako txertoa jarri zaie berriki, ez zegokien arren.

Beste behin ere, Osakidetzan nagusi diren nepotismoa, diskurtso bikoitza, propaganda merkea eta buruzagitzek izan dezaketen zigorgabetasuna argi gelditu dira. COVID pandemiaren erdian beren eskubideak defendatzeagatik Osakidetzako langileen mobilizazioak gogor kritikatu dituzten eta arduragabekeriaz jokatu izana leporatu dioten gerenteek eurek beren benetako aurpegia erakutsi digute oraingoan, kortijo bateko jauntxo gisa, protokolo guztiak beren mesederako hautsiz.

Hau da Osakidetzako Zuzendaritzak eta zerbitzuburu askok iruzurrezko LEPei dagokienez jokatu duten modu eta zigorgabetasun bera, aurre egin behar dioten prozesu penalean LABek, herri-akusazio bezala, salatu duen zigorgabetasuna, alegia.

LABetik dimisioetatik haratago joatea eskatzen dugu. Ikerketa inpartzial bat eskatzen dugu, gertaerak nola gertatu diren argitzeko, mota guztietako erantzukizunak argitzeko eta praktika hori beste ESI batzuetan gertatu den eta hori egin behar ez zuten pertsonak txertatu diren argitzeko, beren boterea edo kargua baliatuta.

Gaur egun, inoiz baino nabarmenagoa da Osakidetza goitik behera demokratizatzeko eta gure osasun-sistema publikoaz eta milaka langileen osasunaz benetan arduratuko diren buruzagitzez hornitzeko premia larria.

AZKEN ALBISTEAK | ÚLTIMAS NOTICIAS

Jaso Tower Craneseko langileek greban jarraitzen dute

Zuzendaritzaren borondate falta dela eta, greba eta mobilizazioen bideari jarraitu beste irtenbiderik gabe daude langileak. Gaurkoa bosgarren greba eguna izan dute, eta manifestazioa egin dute Idiazabalen barrena. Datorren asteartean (hilak 24) berrekingo diete lanuzteei, ostiralera arteko greba dagoelarik aurreikusita.

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.