2024-03-28
HomeZerbitzu PublikoakOsasungintzaLan sindikala oztopatzen du Osakidetzako Zuzendaritzak

Lan sindikala oztopatzen du Osakidetzako Zuzendaritzak

LABek salatu nahi du Osakidetzako zuzendaritzak langileei posta elektronikoz informazioa helaraztea oztopatzen duela, gure lan sindikala baldintzatu eta langileon zein sindikatuon eskubideak bertan behera uzten dituelarik. Badaramagu aste oso bat posta elektroniko masiborik bidali ezinik. Hain zuzen ere, Korrika eta euskararen alde langileek egindako lan izugarriaren gaineko mezu elektronikoa ezin izan diegu langileei helarazi, besteak beste. Arazo teknikoa omen zen, baina konpondu dezaketen arduradun guztiei jakinarazi eta gero berdin jarraitzen dugunez (orduak eta orduak telefonoz telefono, eta e-mailez e-mail), lan sindikala oztopatzeaz hitz egin behar dugu.

Zoritxarrez, ez da hau gertatzen zaigun lehenengo aldia. Ez soilik e-mailekin, zentroetan ipintzen ditugun kartelekin ere. Antza, Osakidetzako zuzendaritzak ez du gustoko langileak informaturik egotea… Zerbaitengatik izango da.

LABek ez du horrelakorik onartuko. Pazientzia agortu zaigu eta, arazoa ez bada berehala konpontzen (nahiz eta astebeteko atzerapenez), hartu beharreko neurriak hartuko ditugu. Besteak beste, eraso honen arduradunen salaketa publikoa, modu aktibo zein pasiboan salaketa publikoa.

Gaur egun, Osakidetzak benetako negoziazio prozesua abiatu nahi duela iragarri duenean, hau bezalako gertakizunek ez dute batere laguntzen konfiadantzako girorik sortzen. Honela hasten bagara, ez goaz ondo.
 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.