2024-04-26
HomeZerbitzu PribatuakBestelakoakONCE-KO LANGILE BATEN KALERATZEA BALIOGABETUA

ONCE-KO LANGILE BATEN KALERATZEA BALIOGABETUA

Zortzi hilabete baino gutxiagoko epean, ONCE-ko langile eta LABeko delegatu honen kaleratzea Epaitegietan baliogabetu duten bigarren aldia da.
2010eko Azaroaren 27an, ONCE-ko langilea eta ONCE-ko komiteko LABeko delegatua den Joseba Iñaki Nuño Molinuevo kaleratu zuten. Gasteizko lan arloko 1. zenbakiko epaitegiak 2011ko martxoaren 7an emandako ebazpenaren bitartez, kaleratze hori baliogabetu du.

Gogoratu behar dugu, lehenago antzeko bi sententzia gehiago eman zirela. Bata, 2003ko abenduan Gasteizko lan arloko epaitegiak bidegabekotzat hartu zuen langile honen kaleratzea eta bidegabetze hau Euskal Autonomia Erkidegoko Justizia Auzitegi Nagusiak 2004ko Irailean berretsi zuen. Bestea, 2010eko Uztailean izan zen, kasu honetan, Euskal Autonomia Erkidegoko Justizia Auzitegi Nagusiak 2009ko Azaroan egindako kaleratzea baliogabetu zuen.

ONCEko LABeko atal sindikala zoriontzen da Iñaki Nuño lankidearen egoerari zintzotasunez ekiten dion sententzia honengatik eta ONCE langile honekin ematen ari den jokaera anker eta despotikoa salatu nahi dugu beste behin ere. Gainera, Enpresa Batzordeko LABeko delegatu moduan aukeratu ostean, jokaera okertu zela nabarmendu nahi dugu. Espero eta nahi dugu ONCE-k urte luze hauetan egindako jazarpenari behin betiko bukaera ematea eta bere afiliatu eta langilearen egoera normalizatzeari ekitea.

Aldi berean, ONCE-ko langile guztiak animatu nahi ditugu edozein eskubide zanpaketa salatzera eta honekin guztiarekin jendartearen aurrean argi uztea autoritario izaera duen Entitate honek daraman noraeza merkantilista eta esplotatzailea eta bere burua sozialtzat hartzen duen Entitate honek izaera eta helburu honen kontrako politikak praktikatzen dituela salatzea.

Gasteizen, 2011ko martxoaren 9an
ONCE-ko LABeko Atal Sindikala

AZKEN ALBISTEAK | ÚLTIMAS NOTICIAS

Enpresak Imegarreko grebalarien aurka erakutsitako jarrera onartezina salatu eta borrokaren zilegitasuna aldarrikatu dugu

Egun hauetan mobilizatzen aritu dira Imegarreko langileek, eta enpresari beren lankideak berriz onartzeko eta gatazka konpontzeko eskatu diote. Aldiz, enpresak, jarrera desafiatzailea eta mehatxagarria izan du. Behin baino gehiagotan, kontseiluko kideek aurre egin diete langileei, mehatxatu eta iraindu egin dituzte. Baina ez hori bakarrik; izan ere, salatu nahi dugu pikete batean parte hartzen zegoen LAB-eko kide bati salaketa jarri diotela, akusazio faltsupean. Horregatik, gaur, enpresak bere langileekiko eta langileei laguntzera joan diren pertsonekiko izan duen arduragabekeria publikoki salatu dugu.

Alex Aranzabalek egindako kudeaketa txarra salatu nahi dugu

Informazio-ohar honen bidez, azken hilabeteetan Aguirre y Aranzabal (AYA) enpresan eta Alex Aranzabal gerentearekin izandako gertakariak argitu nahi ditugu. Lehen pertsonan ikusi dugu nola igaro den denbora, eta nabarmenki gertatu da gainbehera kudeaketaren esparru guztietatik.

Bollera izatea, aske egiten gaituen erabakia. Askatasunez bizi nahi dugun erabakia. LANTOKIETAN ASKE!

Lesbiana izateagatik jazartuak eta zigortuak izatea oraindik orain gutako askok bizi dugun egoera da.