Pasa den ekainaren 29ko greba orokorrean ETBko zuzendaritzak izandako jokabidea zigortu du epaitegiak
EAEko Auzitegi Nagusiak LAB eta ELAren demandak onartu egin ditu, 2010eko ekainaren 29ko lan erreformaren kontrako greba orokorrean ETBko zuzendaritzak izandako jokabide eskirolagatik. Eusko Jaurlaritzaren gutxieneko zerbitzuen dekretuak soilik eguneroko albistegiak agintzen bazituen ere, ETBko zuzendaritzak entzungor egin, eta ohiko programazioari ekin zion, publizitate jarraitua, EGUNON EUSKADI eta EUSKADI DIRECTO programak ere antenaratuz.
LABek gertakizun larri hauek nahikoa murritza den greba eskubidearen kontrako jokabide prepotente onartezintzat jo zuen, eta oraingoan epaitegiak jokabide hori nulo bezala hartu du.
Egindako kaltea dagoeneko konponduko ez badu ere, urtarrilaren 27ko greban berdin jokatu izanagatik jarritako salaketa berriaren bidean lagunduko digulakoan gaude. Are gehiago, hurrengo grebetan halako jokabiderik eraman nahi izatekotan bide penala irekitzea dagoeneko aztertzen hasi gara zerbitzu juridikoekin.
Euskal Herrian, 2011ko martxoaren 9an
LAB-Euskal Telebista