2024-02-28
HomeZerbitzu PublikoakNafarroako AdministrazioaMODERNA FUNDAZIOAREN AURKEZPENAREN AURREAN LABen BALORAZIOA PRENTSA-OHARRA

MODERNA FUNDAZIOAREN AURKEZPENAREN AURREAN LABen BALORAZIOA PRENTSA-OHARRA

UPN-PSNk, Patronalak eta UGT-CCOOek osatutako eta Opus Deik bedeinkatutako Elkarrizketa Sozialaren Holding-ak Moderna Fundazioa aurkeztu du gaur Iruñeko Baluarten. Moderna Plana sinatu zuten horiek osatzen dute Fundazioa eta aipatutako Planera bideratutako aurrekontu publikoa kudeatuko dute. Alegia, Gobernuaren lanaren pribatizazioa, politika publikoen pribatizazioa da gaur gauzatu dena. Politikari, enpresari eta sindikalista morroien klub selektoak instituzio publikoek kudeatu beharko luketen diru publikoaz jabetu da.
Bestalde, Moderna Fundazioaren eszenifikazioa iraingarria da: Nafarroan 45.866 langabetu dauden bitartean, Sanz eta konpañiak "Nafarroako garapen ekonomiko berriaren" onurak saltzen dabiltza. Ildo honetan, "Colectivo de personas en paro de Iruñea y la Comarca-Iruñerriko Langabetuok" herri ekimenak ekitaldi instituzionalaren parean egindako aldarrikapenei babesa adierazi nahi dieg (ikusi argazkiak).

Azkenik, Plan Modernaren edukiekiko geure jarrera kritikoa berretsi nahi dugu. Langileriaren kontura irabazten jarraitzeko Nafarroako patronalak diseinatutako errepide-mapa da eta honako neurriak bultzatzen ditu besteak beste: osasungintzaren pribatizazioa, etxegintza-espekulazioa, AHT bezalako obra txikitzaileen sustapena, baserrien desagerpena ustiapen handien mesedetan… Moderna Planak nafar langileriak pairatzen dituen arazoak gutxiesten ditu. Esaterako, ez du hitz erdirik esaten lan istripuei buruz; lan istripuetan hildako langileei dagokionez, Europako bataz bestekoa bikoitzen dugu Nafarroan eta nola hitz egin dezakete "aurrerakuntzaz" urtero-urtero hamabos bat langile hil eta ehunka zauritzen diren bitartean?

Moderna Plana nahiz Fundazioa bertan behera geratzea eta Nafarroako garapen ekonomiko eta sozialaren inguruko eztabaida sozial zabala irekitzea exijitzen dugu.

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.