2024-03-28
HomeLan Osasuna IdazkaritzaPrekarietatea HiltzaileaNafarroako nekazaritza sektoreko prekaritatea salatu nahi dugu, Erriberrin gertaturiko lan istripu hilgarriaren...

Nafarroako nekazaritza sektoreko prekaritatea salatu nahi dugu, Erriberrin gertaturiko lan istripu hilgarriaren harira

LAB sindikatuak bere elkartasuna eta babesa helarazi nahi dizkie iragan asteartean Erriberrin zendu zen Lizarrako langilearen familia eta lagunei. Era berean, berehala osatzeko gure desioa igorri nahi diogu istripu hartan zauritu zen bertze langileari. Asteartekoarekin, dagoeneko 34 dira Euskal Herrian 2019an lan istripuetan hil diren langileak; horietako 10 Nafarroan izan dira.

47 urteko A.S.E. langilea Erriberriko dermio batean zegoen, mahatsa biltzen eta jasotzen. Eta traktorearekin N-121 errepidera sartu zelarik, kamioi batek bortizki jo zuen, errepidetik kanpora bota zuen eta kamioiaren erremolkeak traktorearen kabina zanpatu zuen.

Nekazaritza sektoreko prekaritatea ez da inor ezustean harrapatuko duen zerbait: lanaldi luze eta gogorrak, edozein motatako eguraldiaren erasopean, anitzetan zaharkiturik dauden makinak, lan erritmo frenetikoak, destajuko soldatak -gaizki ordainduak, orduka edo kiloka- lanaldien arteko atsedenaldi eskasak… Horiek guztiak daude sektore honetan gertatzen diren istripu gehienen gibelean.

Berriz ere, sindikatu honek salatu nahi du erakundeek ezartzen dituzten prebentzio eta segimendu politikak ez-nahikoak direla arras. Mahai gainean ditugun zenbakiek horixe adierazten digute, aurreko krisialdia iragan eta gero etengabe handitzen ari baitira lan istripuen kopuruak. Jakin badakigu langileen osasuna ez dela patronala edo erakundeak bereziki kezkatzen dituen gai bat, mozkinei begiratzen baitiete soilik, Nafarroko baratzearen produktuen kalitateari soilik, eta ez diete erreparatzen hainbertzeko pobrezia eta hainbertze istripu sortzen dituzten prekaritate eta esplotazioari.

Gure ustez, txikia baino txikiagoa da erakundeek enpresengan eragiten duten presioa segurtasun planak egokitu, hobetu eta martxan jartzeko edo prebentzioa behar bezala lantzeko. Horregatik, urteak dira LAB eskatzen ari dela Lan Ikuskaritzako eskumena Nafarroari ematea edota Nafarroako Osasun Publikoaren eta Lan Osasunaren Institutuari indar handiagoa ematea enpresak zelatatzeko, prebenitzeko eta segimendu zorrotza egiteko, odoluste hau bukatze aldera, prekaritate eta esplotazio habiak diren sektore hauek iraultze aldera.

 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.