Zuzendaritzak ez du negoziatzeko borondaterik erakutsi. Hortaz, elkarretaratzeak deitu dituzte gaur eta biharko, enpresaren egoitzaren aurrean. Biharko protesta 18:00etan izango da, Deustun ere, Julio Urquijo kaleko 17. zenbakiaren parean.

Blokeo egoeran daude lan baldintzak hobetzeko negoziazioak. Hala salatu dute Bizkaiko Aspaceko langileek. Zazpi urte daramate "pobretzen", 2011. urtean egindako "esfortzua" eta gero. Hain zuzen ere, soldatak izoztuta dituzte orduz geroztik, besteak beste, eta "Administrazioak eta enpresak beste alde batera begiratzen dute".