Langileak mobilizazioak egiten ari dira murrizketek sortzen dituzten posta pilaketen aurrean eta enplegu suntsiketaren kontra. Erabiltzaileei dei egiten diete arazoen aurrean kexa jartzeko, telefonoz (902 197 197) zein idatziz edozein posta bulegotan.
Aste honetan mobilizazioak egin dituzte Portugalete, Barakaldo, Bilbo eta Basaurin. Datorren astean, abuztuaren 20an, kontzentrazioa egingo dute Bilboko egoitzaren aurrean (Urkixo Zumarkalea, 19), goizeko 11:00etan.
CORREOS-EN ENPLEGUA SUNTSITZEARI EZ
Correos zorrozki murrizten ari da bere plantilla. Banaketa-ataletan lanpostuak galtzen dira eta laneratze ezak ez dira ordezkatzen. Ondorioz, jardunean dabiltzanentzat lan-karga handitzen da eta posta ezin da egunean banatu. Hori dela-eta, herritarrek posta egunero jasotzeko duten eskubidea urratzen da eta Correosek, posta-zerbitzu publikoaren emaile den aldetik, ez ditu betetzen legez dagozkion eginbeharrak. Bestalde, lanpostuen urritzeak plantilla-soberakinak sortzen ditu, eta enplegatu horien lan-etorkizuna ez da batere ziurra.
Egoera hau udan larritzen da, ez direlako plantillaren oporrak ordezkatzen, eta horrek posta-pilaketak sortzen ditu, baita atzerapenak posta banatzerakoan (bai korrespondentzia arrunta bai posta ziurtatua) Horrexegatik kexa bat egitera gonbidatzen dugu, nahiz telefonoaren bidez (902 197 197) nahiz idatziz, Correos-en edozein bulegotan.
Gure asmoa presioarekin jarraitzea da eta enpresa-zuzendaritzarekin hurrengo puntu hauek negoziatzea:
1.- Banaketa-atalen berregituratzeak berriro aztertzea.
2.- Soberako pertsonala nor bere lan-atalean jarraitzea.
3.- Posta Zerbitzu Unibertsala egokiro emateko behar den plantilla izatea.
