2023-12-02
HomeIndustriaMetalgintzaMobilizazioak bihar Bilbo, Donostia eta Gasteizen Metaleko hitzarmenaren alde Akordio Marko Sektoriala...

Mobilizazioak bihar Bilbo, Donostia eta Gasteizen Metaleko hitzarmenaren alde Akordio Marko Sektoriala aldarrikatzeko

LABek akordio marko sektoriala bultzatu du EAEko metal arloko sektorerako negoziazio kolektiboa blindatzeko helburu argiarekin. Jada indarrean diren neurriak nahiz Madrildik inposatu nahi direnak indargabetu eta baldintzatzearekin batera, Lan Harremanetako eta Negoziazio kolektiboko euskal esparruaren alde urratsak eman nahi ditu LABek, eta negoziazio kolektiboa gaur gaurkoz, ezinbesteko tresna da horretarako. 

Negoziazio eredu berri baten alde apustu egitea erabaki du sindikatu honek, hori lortzeko borrokan jarraitzea eta konfrontazioa indartzea behar-beharrezkoa izango dela argi izanik. Hori horrela, bihar bertan hasita, datozen egun eta asteetan mobilizazioen bidean sakondu egingo du sindikatuak:

BIHAR, UZTAILAK 5, LABeko metalgintzako delegatuek mobilizazioak egingo dituzte EAEko hiru hiriburuetan, “Metaleko hitzarmenaren alde Akordio Marko Sektoriala” lelopean. Gasteizen eta Bilbon delegatuen asanbladak egingo dituzte mobilizazioen aurretik.

MOBILIZAZIOEN ORDUTEGIA
 
GASTEIZ
11,15ean giza katea Aldabe gizarte etxetik SEAren egoitzara
11,30etan: SEAren aurrean ELKARRETARATZEA.

DONOSTIA
11.00etatik 12-00etara ADEGIren aurrean ELKARRETARATZEA

BILBO
11.30etan manifestazioa plaza zirkularretik FVEMen egoitzara
12.00etan ELKARRETARATZEA FVEMen aurrean

AZKEN ALBISTEAK | ÚLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

“Zorionak Euskal Herria!” hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.