2024-09-20
HomeEkintza SindikalaMobilizazioa egingo dugu Transportes Hombres Barreirako lan baldintzen murrizketen eta jazarpen sindikalaren...

Mobilizazioa egingo dugu Transportes Hombres Barreirako lan baldintzen murrizketen eta jazarpen sindikalaren aurrean

Apirilaren 24an izango da, enpresaren aurkako epaiketarekin batera.

Duela hilabete bat, lehiakortasun faltaren aitzakian, Iruña Okan kokatuta dagoen Transportes Hombres Barreiran lan egiten duten ia 80 gidariei eragiten dien lan baldintzen murrizketak ematen ari dira.

Hasiera batean, enpresa bertako langile guztiei ia %23ko soldata murrizketa egiten saiatu zen, baita dieten murrizketa ere. Langileriak ez zuen soldata murrizketa hau onartu, eta orduan enpresa aldebakartasunez berauek aplikatzen hasi da.

Langileen erdia Galizian bizi da, eta betidanik bi furgoneta izan dituzten arren asteburutan bertara joan ahal izateko, orain enpresak eskubide hau ere murriztu du eta gidariak astebururo etxera haien kaxa itzultzera behartzen ari ditu

Gainera, hilabete honetan enpresak larunbat eta igandetan lan egiten zuten gidariei orain arte ordaintzen zien asteburuko plusa ordaintzeari utzi dio.

Honekin batera, enpresan gehiengoa duen LAB sindikatuko delegatuak enpresaren zuzendaritzaren aldetik isekak eta hertsapenak sufritzen ari dira, enpresaren eskaerak aplika daitezen presionatzeko. Furgoneta erabiltzeko orduan ere diskriminatuak izaten ari dira, dagoeneko badirelarik 4 aste beraien kasa Galiziara hurbildu behar izan dutela.

LAB-etik ez ditugu gure delegatuekiko edota langilekiko mehatxurik edota txantairik onartuko, ez dugu utziko mozkinak eta irabaziak langileen bizkarretik eta hauen eskubideen kontura hobetzerik.

Egoera honen aurrean, datorren apirilaren 24an Gasteizko epaitegietan LABen delegatuen aurka ematen ari den jazarpen sindikala dela eta epaiketa burutuko da. Hori dela eta, epaitegien aurrean 11:30etan burutuko den kontzentrazioan aprte hartzeko deia luzatzen dugu.
 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.