2024-05-25
HomeIndustriaMetalgintzaMobilizazio eguna Arabako Metaleko Hitzarmenaren defentsan

Mobilizazio eguna Arabako Metaleko Hitzarmenaren defentsan

LABek gaur deitutako mobilizazioan hamarnaka langilek parte hartu dute Arabako Metaleko hitzarmen duin bat aldarrikatzeko. Hitzarmenaren epaiketaren eguna izanda, konzentrazioa burutu dugu Gasteizko Epaitegien aurrean eta hortik giza katean abiatu gara SEAren egoitzaraino.

Hitzarmena indarraldian dagoela berresten dugu baina LABek argi dauka epaitegietatik ez dela negoziazio kolektiboa konponduko; soilik mobilizazioaren bidez lortuko ditugu lan hitzarmen duinak sortzen dugun aberastasuna modu justuago batean banatzeko. Hortaz, gogorarazi nahi dugu LABek zenbait ekimen eraman dituela enpresetara eta horietan langileek parte hartze handia izan dutela, tartean sindikatu guztietako kideek.

Lantokietan dagoen dinamika horrek baldintzatu du, neurri batean, SEAk enpresei aholkatzea lan baldintzak luzatzea hurrengo ekaina edo abendura arte. Enpresarien artean ere, nabaria da hitzarmenaren inguruan dagoen kezka, beraz ezin dugu esan SEAk arduraz-edo egin duela baizik eta elementu hauek kontuan hartuta, erabaki egokiena iruditu zaielako. Halere, luzapenaz luzapena, enpresa batzuetan jada hasi dira lan baldintzak okertzen, eta berdin gertatzen da enpresa askotako kontratazio berriekin, beste langileen lan baldintzak ez baitituzte bermatuta. Edonola ere, LABek ez du onartuko lan baldintzak okertzea edota Estatu mailako Metaleko Akordioa aplikatzea.

Azkenik, gogorarazi nahi dugu SEAk sortu duela egoera hau, hilabeteetan negoziatzeari uko egin baitio eta uztailean bertan txantai bat inposatu nahi izan zigulako. LABek berresten du metaleko hitzarmenak eduki duinak izan behar dituela eta negoziatzeko prest jarraitzen dugula.  

LAB sarean
{module[111]}

AZKEN ALBISTEAK | ĂšLTIMAS NOTICIAS

Iruñea-Tuterako San Juan de Dios ospitaleko langileek ez dute “low cost” langileak izaten jarraitu nahi

Mobilizazioa egin dute Iruñeko Udaletxe plazan, zuzendaritzari negoziatu dezala eskatzeko. Enpresa-batzordeak 5 hilabete daramatza 2022ko abenduan bukatu zen hitzarmen kolektiboa berritu nahian. Soldata duinak eskatu ditu, bizitzaren garestitzearen eta KPIaren arabera eguneratutakoak.

Bergaran lan istripua izan duen langile bat oso larri dago

Atzo arratsaldean lan istripu larria gertatu zen Bergarako Embalan3 enpresan. Enpresako langilea, kamioi bat zamatzen ari zela, zama gainera erori eta azpian harrapatuta geratu zen. Une honetan langilea oso larri zaurituta dago erietxean.

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.