2024-02-27
HomeIrakaskuntzaHezkuntzaLAB: «LOMCEri aurre egiteko herri honek estrategia adostuak behar ditu»

LAB: «LOMCEri aurre egiteko herri honek estrategia adostuak behar ditu»

Atzo EAEko Hezkuntza Sailak Lakuan deituta LOMCE eta Heziberri 2020 delako egitasmoa lantzeko burututako bileraren gainean LAB sindikatuak egiten duen irakurketa.
Atzo EAEko Hezkuntza Sailak Lakuan deituta LOMCE eta Heziberri 2020 delako egitasmoa lantzeko burututako bileraren gainean LAB sindikatuak egiten duen irakurketa.

LOMCEri AURRE EGITEKO HERRI HONEK ESTRATEGIA ADOSTUAK BEHAR DITU

Iragan ekainean hainbat hezkuntza eragile eta sindikatuk, LOMCEri aurre egiteko konpromiso batzuk hartu genituen. Kimu horretatik abiatuta urriaren 12rako manifestazioa deitu genuen Bilbon.

Egon horretan Bilboko kaleetan entzundako oihua “LOMCEri ez!” esatetik harago Euskal Herriak behar eta nahi duen Hezkuntza Sistema Propioranzko bidea lantzen hasi behar ginela izan zen. Gauzak horrela, Bilbon, Eusko Jaurlaritzari EAEko ikastetxeetan LOMCE ez aplikatzeko eginiko eskaera berresten dugu.

LOMCEri aurre egiteko tresna gisa aurkeztu du Eusko Jaurlaritzak Heziberri 2020 proiektua. Ekimen honek ez ditu LABen aldarrikapenak asebetetzen baina hezkuntzan bestelako antolaketa baten beharraren inguruan, hiru herrialdeotako ikasleek behar duten curriculumaren inguruan, lege berri baten inguruan… hausnarketak konpartitzeko eta eztabaidak pizteko balio dezake. Hortaz, LABek Heziberri 2020 ez du ikusten LOMCE gelditzeko tresna gisa, baizik eta etorkizuneko sistemaren inguruan bidea egiten hasteko tresna gisa. Ez gehiago, ez gutxiago.

LOMCE ez aplikatzeko eta herri honek nahi eta behar duen hezkuntza sistema gauzatu ahal izateko bataila nagusia politikoa da. Zentzu horretan PNVren eskutik Cristina Uriartek zuzentzen duen Hezkuntza Sailak badaki bataila hori irabazteko giltza ez dagoela Auzitegi Konstituzionalean aurkeztu dezakeen helegite baten baitan, baizik eta bertako hezkuntza esparruko eragileen gehiengoaren artean bertako hezkuntza sistema eraikitzeko estrategia adostu baten baitan. Kontua da, gaurkoaren moduko hiru ordu laurdenetako bilerekin hausnarketa horiei biderik ez zaizkiela ematen. Eusko Jaurlaritzaren asmoa eragileekin argazkia atera eta LOMCEri hezkuntza eragile eta sindikatuengan lidergoa duela adierazi nahian baldin badabil, euskal jendarteari iruzurra egiten ari zaio.

LOMCEri aurre egiteko modurik onena euskal hezkuntzan emandako urratsetan sakontzetik izango da. Bide horretan aurkituko gaituzte.
  

LAB sarean
{module[111]}

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.