Gaurko egunez, MIASAn, enpresak soldatak murrizteko eta lanaldia luzatzeko asmoaren aurka egiten ari diren greba mugagabearen hamaikagarren eguna bete da. Nahiz eta irailaren 9an, gauez, Batzordeak alternatiba bideragarriak agertu, enpresak uko egin zion negoziatzeari. Egoera honelakoa izaki, Miasako langileek, atzokoan, jakinarazi zuten greba mugagabeari eutsiko ziotela, eta haietako batzuk aditzera eman zuten gose greba mugagabeari ekinen ziotela.
Gaurko egunez, MIASAn, enpresak soldatak murrizteko eta lanaldia luzatzeko asmoaren aurka egiten ari diren greba mugagabearen hamaikagarren eguna bete da. Nahiz eta irailaren 9an, gauez, Batzordeak alternatiba bideragarriak agertu, enpresak uko egin zion negoziatzeari. Egoera honelakoa izaki, Miasako langileek, atzokoan, jakinarazi zuten greba mugagabeari eutsiko ziotela, eta haietako batzuk aditzera eman zuten gose greba mugagabeari ekinen ziotela.
«Prentsa ohar honen bidez MIASAko batzordeak ezagutarazi nahi du pairatzen ari garen egoera nahiz erabaki duguna.
MIASAko enpresaren zuzendaritzak lan baldintzen funtsezko aldaketa aurkeztu zuen, non besteak beste, soldata %20an murriztea ezartzen zuen. Eraso honen aitzinean eta behin kontsultak egiteko aldia akordiorik gabe amaitu zela, MIASAko langileok greba mugagabeari ekin genion irailaren batean.
Irailak 7 zituenean, lan epaitegiak akordio proposamena egin zuen, zeina sindikatuentzat onartezina zen, ia guztian bat zetorrelako Zuzendaritzak soldatak eta eskubideak urritzeko egin zuen proposamenarekin. Neurrion artean, bertzeak bertze, Lan Epaitegiak agertu zuen tallerreko langileei egin ziezaiekeen murrizketa handiena, %15ekoa, eta aldiz, MIASAn soldatarik handienak dituztenentzat, %10a bakarrik ezarriko zen.
Asteartean enpresarekin bildu ginen. Bertan agertu genuen aurrezte egitasmoan proposamen argiak eta zehatzak egin genituen, zuzendaritza berak ekarri datuak erabilita. Gure proposamenak egiten ari garen negoziazioetan bizi dugun blokeo egoera gainditzen lagunduko luke, eta aurrezteaz gain, lantegian dituen egitura-arazoak, egoera honen benetako eragileak diren arazoak, konponduko lituzke.
Zuzendaritzaren jarrera guztiz gogorra salatu nahi dugu ere, MIASAko langileak menperatu eta beren baldintzetan izugarrizko beherakada ezarri nahian temati baitihardu.
Iritzi publikoari gogorarazi behar diogu ere, MIASA “Grupo Huartearena” dela, haren agintedun nagusia Juan Felix Huarte dela, eta 2014. urtean, 200 milioi eurotako huskeria fakturatu zuela. Jaun horrek MIASAko langileoi gure soldataren %15a urritu nahi digu.
MIASA bideragarria da, aldi labur baterako eskabide-zorro handia dauka (enpresak berak eman datuen arabera, 2019. urtera arte, fakturazioa %80an handituko da). Gure lan baldintzak urritu nahi izateak enpresaren beharrekin zerikusirik ez duen EZARPEN hutsa da.
Horrengatik, atzokoan, MIASAko BATZORDEAK proposamena bidali zion enpresari egoera askatzeko xedean.»
MIASAko langileak greba mugagabean
En su octavo día de huelga, trabajadores de Miasa realizan un corte de carretera