Joan den astean enpresa paktu berriaren negoziaketa atarian Landabengo poligonoan dagoen Miasa enpresako zuzendaritzak, Gobernu Espainiarrak inposatutako lan erreforma erabiliaz eta lan baldintzen oinarrizko aldaketen baitan, langile guztiei soldataren %11ren murrizketa ezarriko zuela mehatxatu zuen.
Hau honela izanik eta bi egun jarraietan aldi bateko lanuzteak burutu eta datorren asterako greba mugagabe deialdia egin eta gero, Miasa-ko zuzendaritzak lan baldintzak aldatzeko mehatxuari uko egin ( 41.art uko egin) eta 11 langileen errelebo kontratuak kontratu indefinido egitea lortu dute, azken hau lehengo enpresa paktuan sinatua zuen baina bete nahi ez zuen baldintza zen.
LAB sindikatuak guzti honekin ondorioztatzen duena hauxe da: Miasa-ko langileen batasunak ahalbideratu du goian aipatutako helburuak lortzea zein lantegiko zuzendaritzak Lan Erreforma aplikatzeko borondatea ekiditea.
LAB sindikatua Lan Erreformaren ondorioak indargabetzeko helburuan berresten da, bi norabidetan: batetik Herrialdeko Metalgintzaren Hitzarmen indartsu baten aldeko defentsa, sektoreko gutxiengo lan baldintzak bermatu ahal izateko; eta bestetik enpresa eremuan Lan Erreformari aurre egiteko akordioetan beharrezko blindaiak ezartzea.
