2024-05-22
HomeZerbitzu PublikoakGarraioaMetro Bilbaon Hitzarmen Kolektiboari buruz lortutako aurreakordioa positiboki baloratzen dugu

Metro Bilbaon Hitzarmen Kolektiboari buruz lortutako aurreakordioa positiboki baloratzen dugu


LABek positiboki baloratzen du Metro Bilbaon Hitzarmen Kolektiboari buruz lortutako aurreakordioa alde batetik murrizketen eta lan erreformaren aurka blindatzeari buruzko funtsezko hainbat kontu eguneratzen baititu eta bestetik gai garrantzitsuak jasotzen baituitu baimenen alorrean eta prebentzioaren eta osasunaren inguruan.

Akordioa 2018a arte egongo da indarrean, eta aurrerapen handiak dakartza eskubide kolektibo eta sozialetan. Langileon lan baldintzak babesten dituzten atalak jaso eta gehitzen ditu Madril eta Gasteizko Gobernuetatik datozen lan erreforma eta inposizioetatik babesteko, eta enplegu bermea indartzen du ORPRICCEra (Estatutuaren araberako Hitzarmen Kolektiboak ez Aplikatzeko Prozedurak Ebazteko Organoa) joatea eragotziz.

Astelehenean, ekainak 30, LABeko ordezkaritzak, CIM; CCOO, UGT eta ESKrekin batera, aurreakordioa itxi zuen Metro Bilbaorako hitzarmen kolektiboa sinatzeko.

Hitzarmen hori 2018ra arte egongo da indarrean, eta ultraktibitatearen klausula mantentzen duenez hor jasotako artikulu guztiak baliozkoak izango dira hurrengoa sinatu arte. Gainera, ez du Metro Bilbaoko lantaldearen oraingo eskubide batean ere atzera eragiten duen inolako artikulurik jasotzen.

Aurrerapen horiek, enplegua bermatzeko eta alde batek soilik nahita hitzarmenak ez aplikatzea ebazteko organora (ORPRICCE) ez jotzeko konpromisoekin batera, Gasteiz eta Madrilgo Gobernuetatik datozen murrizketa eta lan erreformei aurrea egiteko neurriak dira, besteak beste. Neurri horiekin batera, LAB sindikatuarentzat gako diren prebentzioari eta osasunari buruz gure salaketa baten ostean OSALANek emandako jarraibideak eta akordioak ere finkatzen ditu.
Baimenen araudian ere aurrera egiten du, laneko eta lanetik kanpoko bizitza uztatu eta erraztera begira. Gauza horiek langileen motibazioa eta poztasuna areagotzen dituzte, gure iritziz, eta enplegua mantendu eta finkatzen ere laguntzen dute, etorkizunean gehitu eta berriak sortzeko aukerak ere zabalduz.

Bizimodua errazteari dagokionez, Arizeko tailerreko eta Zerbitzu Nagusietako ordutegietan adostutako neurriak ere azpimarratu nahi ditugu.

Aurreko hitzarmenaren filosofiaren ildotik, eta sektore publikoan soldaten alorrean agertokia aldatzeko izan den aukeraren aurrean, soldata finkatu da, eta hiriarteko tren konpainia
gobernatzen duten erakundeetan (Bizkaiko Foru Aldundia eta Eusko Jaurlaritza) izandako igoerak ere ematen dira. Era berean, hitzarmen hau sinatzean soldata izoztu den aurreko urteetatik zuzendaritzak lantaldearekin zekarren zorraren zati bat berreskuratu ahal izan da.

Beste akordio batzuk ere aipatuko genituzke, guztiak zerrendatzen hasi barik:

• Hobekuntzak Bezeroen Arreta eta Harrera zerbitzuetan
• Lantaldea haztea geltokietan
• Lanpostu berriak prestakuntza iraunkorra sustatzeko
• Homogeneotasuna kolektibo guztientzat prestasun saria ordaintzean
• Hobekuntzak eta argitasuna lan txanden banaketan
• Definizio handiagoa txandetan eta aldaketak mugatzea.
• Ordutegiak homogeneizatzea instalazioetan
• Antzinatasuneko atseden-egun gehiago
 

 

 

AZKEN ALBISTEAK | ÚLTIMAS NOTICIAS

Euskal hitzarmenen lehentasuna bermatuta, esparru propioaren eraikuntzan urrats gehiago eskatu ditugu

Aurreko erredakzioa hobetzeko LABetik egin genituen eskarietako batzuk aintzat hartu dira; ondorioz, Euskal Herriko langileek bertako hitzarmenen lehentasuna bermatu ahal izango dute.

Osakidetzako zuzendaritzak eta Osasun Sailak ikuztegiak publifikatzeari ekin behar diote, LABek lortutako EAEko Justizia Auzitegi Nagusiaren epaiaren ondoren

Eskaera formal bat aurkeztu dugu Osasun Sailean, Osakidetzan ikuztegi lanak publifikatzeko behar diren elkarrizketei ekiteko asmoz.

Gasteizko Francisco Vitoria institutuan lan-osasun arloko prebentzioa bermatzeko exijitu dugu

Ikastetxeko langileek eta sindikatuok elkarretaratzea egin dugu Gasteizko Hezkuntza Ordezkaritzaren aurrean. Hezkuntza Sailak eta ikastetxeko zuzendaritzak uko egin diote arrisku psikosozialen ebaluazioa egiteari.