2024-05-25
HomeZerbitzu PribatuakOstalaritzaGran Hotel Durangoko langile bat kaleratu izana salatzen dugu

Gran Hotel Durangoko langile bat kaleratu izana salatzen dugu


LAB Sindikatutik Gran Hotel Durangon izan diren gertakariak salatzen ditugu. Hain zuzen ere bertako langile batek apirilaren erdi aldera lan-ordu murrizketa eskatu zuen bere alaba zaindu ahal izateko. Enpresak, hitz onez, barne antolaketan aldaketak egin behar zituztela eta egun batzuk itxaroteko eskatu zion. Maiatzaren hasieran, ordea, langileak kaleratze gutuna jaso zuen.

Lana eta familiaren zaintza uztartzea eskubidea da, Gran Hotel Durangok ezin du langilearen borondate ona (eskaera formala egiteko egun batzuk itxaroteko prestutasuna adierazi duenean) baliatu, bere kaleratzea prestatzeko. Gran Hotel Durangok ezin du barne antolaketa berritzea argudiatu lanpostu hori desagertu ez denean, are gehiago, langile hau kaleratu eta 2 egun beranduago, Durangoko pertsona bati lanpsotu bera eskaini diotenean.

Kaleratze guztiak dira larriak, baina horrelakoak sozialki onartezinak direla deritzogu. Honen aurrean langilean lanera itzul dadin eskatu eta sortutako kalteak konpon ditzatela eskatzen dugu. Horrez gain Gran Hotel Durango-k bereahala onar dezala lan-jardunaren murrizketa exijitzen dugu; Ainhoak familiak behar duen zaintza eta alabak behar duen jarraipena egoki egiteko eskubidea errespetatuz. Gainera, eta egoera zuzendu bitartean, kontzentrazio bat egingo dugu Gran Hotelaren aurrean, ostegun honetan, ekainaren 2an, arratsaldeko 18:30 ean.
 

 

 

AZKEN ALBISTEAK | ĂšLTIMAS NOTICIAS

Iruñea-Tuterako San Juan de Dios ospitaleko langileek ez dute “low cost” langileak izaten jarraitu nahi

Mobilizazioa egin dute Iruñeko Udaletxe plazan, zuzendaritzari negoziatu dezala eskatzeko. Enpresa-batzordeak 5 hilabete daramatza 2022ko abenduan bukatu zen hitzarmen kolektiboa berritu nahian. Soldata duinak eskatu ditu, bizitzaren garestitzearen eta KPIaren arabera eguneratutakoak.

Bergaran lan istripua izan duen langile bat oso larri dago

Atzo arratsaldean lan istripu larria gertatu zen Bergarako Embalan3 enpresan. Enpresako langilea, kamioi bat zamatzen ari zela, zama gainera erori eta azpian harrapatuta geratu zen. Une honetan langilea oso larri zaurituta dago erietxean.

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.