2024-02-27
HomeIndustriaMetalgintzaMetalgintzako herrialdeko hitzarmenaren aldeko pegatinak lantokietan

Metalgintzako herrialdeko hitzarmenaren aldeko pegatinak lantokietan

Atzo, azaroak 26, EAEko metalgintzako langileek lanegun osoan herrialdeko metalgintzako hitzarmenaren aldekoa den eta patronalaren (ADEGI, SEA, FVEM) jarrera salatzen duen pegatina eraman dute itsatsia laneko arropan. Patronalaren asmoa sektoreko lan baldintzak ahalik eta gehien desarautzea da, gizarte osoaren onura baino, euren interes elitistak lehenetsiz.

LAB sindikatuak mobilizazio honi buruz duen irizpena oso positiboa da, sindikatu guztietako milaka langilek, baita hitzarmena daukaten enpresetako langileek ere, bat egin dutelako honekin. Mobilizazio honen ostean, beste berri batzuk egingo ditugu hurrengo egunotan. LAB sindikatuak langile guztiak deitzen ditu, eduki duinak bilduko dituen eta enpresarien gehiegikeriak mugatuko dituzten klausulak jasoko duen sektoreko eta enpresako negoziazio kolektiboa babestearren, antolatuko diren mobilizazioetan parte hartzera.

LABek lanean jarraituko du, patronalak egungo metalgintzako hitzarmena bete dezan ez ezik, baita beste berria negoziatzeari ekin diezaion ere, beste sektore batzuetan egiten ari diren antzera. Inoiz baino beharrezkoagoa da langile guztien bizi-baldintza duinak bermatuko duen sektoreko hitzarmena izatea. Eskubiderik gabe ez dago kalitateko industriarik, ez eta etorkizunik ere.
 

LAB sarean
{module[111]}

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.