2024-03-05
HomeIndustriaMetalgintzaMaiatzak 24: Gipuzkoako Metalgintzako greba

Maiatzak 24: Gipuzkoako Metalgintzako greba

Gipuzkoako metalgintzako langileak kalera aterako dira bihar, hilak 24, sektore hitzarmenaren alde deitutako grebari erantzunez. LAB sindikatuak bere ekitaldi nagusia patronalaren aurrean egingo du, Donostian eguerdiko 12:00etan. Goizeko 11.30etan delegatuek ADEGIren egoitzan hasi eta bukatuko den manifestazioa egingo dute. Arratsalderako ere mobilizazioak iragarri dira. 

ARRATSALDEKO MOBILIZAZIOAK

– Hernani. 18.00etan Karabel errotondatik
-Tolosa. 19.00etan Triangulo plazatik
-Beasain. 18.00etan Zubi-Musutik
-Zumarraga. 18.30etan Potros enparantzatik
-Orereta. 19.00etan Zumarditik
-Eibar. 19.00etan Untzaga plazatik
-Bergara. 18.30etan Bergarako udaletxe plazatik
 

 

LAB SAREAN
{module[111]}

     

AZKEN ALBISTEAK | ƚLTIMAS NOTICIAS

LABek Munduko Federazio Sindikalak Sao Paulon egindako Kontseilu Presidentzialean parte hartu du

Pasa den asteburuan Munduko Federazio Sindikalaren Kontseilu Presidentziala egin zen San Paolon, Brasilen. Munduko Federazio Sindikala 1945 urtean sortutako elkartea da. 133 herrialdetako 105 milioi langile inguru ordezkatzen ditu. Kontseilu Presidentziala bere zuzendaritza gune nagusia da, kontinente desberdinetako 50 kidek osatutakoa.

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.

San Juan de Dios ospitaleko langileek elkarretaratzea egin dute IruƱean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du IruƱean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.