2024-04-19
HomeIndustriaIndustria KimikoaLasarteko Michelinen ere lan istripu larriak gertatzeko baldintzak betetzen direla ohartarazi dugu

Lasarteko Michelinen ere lan istripu larriak gertatzeko baldintzak betetzen direla ohartarazi dugu

Lasarteko Michelin lantegiko enpresa batzordeak, LABen ekimenez, lantokian aritzen diren Ferrovial Servicios-eko langileek jasaten duten prekarietate egoera agerian utzi du, Michelin multinazionalaren zuzendaritzari eman zaion txosten baten bitartez.

Enpresa batzordeak indarrean den lan legediaren hainbat arau hauste orokortuak egiaztatu ditu txostenari esker, baita enpresa ekimenaren erruz sortzen diren lan istripu larrien arriskuak egiaztatu ere. Honez gain, enpresak indarrean den lan hitzarmena era orokorrean ez duela betetzen egiaztatu du..

Aldi berean, enpresa batzordeak gogorarazi du bi hilabeteren buruan Gasteizko lantokian azpikontratatutako enpresatan aritzen ziren bi lankide lan istripuen ondorioz hil direla, eta, Lasarten, lan istripu larriak izateko baldintzak sortzen ari direla.

Enpresa zuzendaritzari eman zaion txostenaren bitartez, enpresa batzordeak zuzendaritzari egoeraren erantzukizuna bere gain har dezala eta lan istripu larrien eragileak diren egoerak eta ekintzak ekidin ditzala exijitu dio, lantokian gertatzen denaren erantzule den heinean.

AZKEN ALBISTEAK | ÚLTIMAS NOTICIAS

Haurreskoletan lan baldintzak hobetuko dituen akordioa sinatu dugu

Akordioa indarrean dago jada, eta ekoizpenagatik kontratuen luzapena, lanpostuen zerrenda handitzeko prozedura eta adinagatiko murrizketaren garapena dakartza berekin.

Salatu dugu 2023an billabesetan eginiko aparteko orduek 16 lanpostu ezabatu zituztela

LABek Iruñerriko hiri garraioan duen atal sindikalak —herritarrek ‘billabesak’ deitzen dituztenak eta egun TCC enpresak kudeatzen duena— ohar batean azaltdu eta salatu du 2023an eginiko aparteko eta osagarrizko orduen batura 27.608 ordukoa izan zela; kopuru eskandalagarria guztiz, lanaldi osoko 16 lanpostu ezabatzen baititu, eta hori lanaren bidezko banaketaren aurkakoa da erabat.
00:02:29

Amazon eta Alpha North Logistics enpresekin borrokan

Amazon enpresak Trapagaranen duen lan zentroan dauden langileek beste greba ziklo bat hasi dute lan-baldintzak duintzeko. Urtebetetik gora daramate enpresarekin prekarietate gordinetik ateratzeko Hitzarmena negoziatu nahian. Baina multinazionalak jarrera entzungorra izaten jarraitzen du eta negoziazio mahaia hasieratik blokeatu du. Aldarrikapenen artean, Amazonek bere salgaien garraiorako dauzkan enpresa azpikontratatutakoen langileen lan-baldintzak egonkortzea eta enplegua bermatzea dago.