Datorren astean, 3 greba egun egingo dituzte, martxoaren 20, 21 eta 22an, LAB, ELA, CCOO eta UGT sindikatuok deituta.
Lantegi Batuak-eko enpresa batzordearen oharra:
Lantegi Batuak Fundazioak 2.000 langile baino gehiago ditu. 15 hilabete daramatzagu hitzarmenik gabe. 2018ko abenduan mobilizazioak egin genituen, 20an egindako greba izan zutenak puntu goren moduan eta aurtengo otsailean egindako hiru greba egun egin ditugu (25, 26 eta 27an). Hala ere, enpresaren zuzendaritzak eskaintza berririk egin gabe jarraitzen du.
Hortaz, aurrera jarraitzen dugu BECeko asanbladan onartutako mobilizazioekin.
Langileok mobilizatzen jarraituko dugu Lantegi Batuak Fundazioko zuzendaritzak bere jarrera berraztertu eta enpresa-batzordeari langileon eskariak asetuko dituen proposamen berri bat aurkezten ez badigu.
Lantegi Batuak Fundazioko langileok borrokan jarraituko dugu guztiontzako hitzarmen bidezkoa lortu arte.
Datorren astean, 3 greba egun egingo ditugu, martxoaren 20, 21 eta 22an.
20an kontzentrazioa egingo dugu Lantegi Batuak-eko bulego nagusien aurrean Loiun (Txorierri etorbidea, 12) 09:00etatik 10:00etara eta Bizkaiko Foru Aldundiaren egoitzaren aurrean Bilbon (Gran Via, 25), 12:00etatik 13:00etara.
Martxoaren 21ean, osteguna, manifestazioa egingo dugu Bilbon 08:00etan EITBren egoitzatik hasita Eusko Jaurlaritzara.
Azkenik, martxoaren 22an, ostiralean, berriro manifestazioa egingo dugu Bilbon, oraingoan 10:00etatik aurrera Eusko Jaurlaritzaren egoitzatik (Gran Via, 85) Bizkaiko Foru Aldundiarenera.