2024-03-29
HomeIndustriaMetalgintzaLangilerik ez dagoela soberan aldarrikatu dugu Sarrigurenen, Siemens-Gamesaren egoitzaren aurrean

Langilerik ez dagoela soberan aldarrikatu dugu Sarrigurenen, Siemens-Gamesaren egoitzaren aurrean

Siemens-Gamesak Sarrigurenen duen egoitzan elkarretaratzea egin du LAB sindikatuak. Kontzentrazio horren helburua zen, kaleratze espedientean eta ondorengo enplegu mahaian egin genuen bezalaxe, enpresan ez dela inor soberan defendatzea. Hori dela eta, ez dugu uste langileen irteerak negoziatzea erabaki zuzena denik. Izan ere, Siemens-Gamesak Euskal Herrian dituen lantegi ezberdinetan plantilla eskasia dagoela badakigu.

Mota horretako proposamen batean sartzeak multinazionalaren argudioak ontzat ematea dakar, etorkizunean enpresak plantilla murriztea errazten du eta, gainera, geratzen diren langileei lan zama handiagoa izatea eragingo die; eta hori, paradoxikoki, langile gehiago kontratatuz soilik konpon daiteke.

Beraz, Siemens-Gamesan ez dago inor soberan eta langileen irteera negoziatzeak multinazionalak bere helburuak lor ditzan ekarri dezake, baita geratzen diren langileen lan baldintzen okertzea ere.
 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.