Espainiako Gobernuko presidenteak Nazioaren egoeraren Eztabaidan neurri ekonomiko berriak aurkeztu ditu eta esanguratsuena langile finko berriak kontratatzen dituzten enpresentzako 100 euroko tarifa laua izan da. .
INEMen azken datuen arabera, 2014ko urtarrilean Hego Euskal Herrian 81.776 lan kontratu sinatu ziren; hauetatik %93.27 aldi baterakoak izan ziren eta %6,73 finkoak.
Baina hori kontratazioan ematen den iruzurraren ondorioa da, ez krisiaren ondorio. Azken urteetan aldi baterako kontratuek beti ordezkatu dute kontratazioaren %90 baino gehiago. Aldi baterako kontratuak erabili dira aldi baterakoak ez ziren lanak burutzeko.
Horregatik uste dugu irtenbidea ez dagoela kontratazio finkoaren bonifikazioan, kontratazioan ematen den iruzurraren jazarpenean baizik.
Baina gainera, zentzugabea da pentsioen sistema publikoaren osasuna ona ez dela arrazoitzat hartuz pentsioen erreforma burutu, eta orain enplegatzaileek Gizarte Segurantzara egin behar duten kotizazioa gutxitzea, kontuan izanda pentsioen etorkizuna enplegatzaileek eta langileek burutzen dituzten kotizazioen menpe dagoela.