LABen IRAKURKETA
Lehenik eta behin gure dolumina adierazi nahi diogu familia, lagun eta lankide guztiei.
Fumbarri enpresa Durangon dagoen Fundizioa da, 100 langile inguru ditu eta LABek urte luzeak daramatzagu laneko osasun arazoak eta segurtasun eta prebentzio neurri falta salatzen. Tartean, ezin ahaztu, istripu larri eta laneko osasun arazoak daudela.
• Bestetik, Silikosi kasu ugari eta langileen eta LABen borroka egoera horri aurre egiteko, enpresaren utzikeriaren aurrean.
Guzti horregatik, Fumbarrik 2 prozedura penal ditu irekita; hain zuzen, langileen eskubideen urraketa akusaziopean.
LABetik, beste behin ere, egoeraren larritasuna jarri nahi dugu mahaiaren gainean. Enpresa honetan, behin betiko, prebentzioak eta laneko osasunak duen garrantzia ulertu dezatela eta dagozkien neurriak hartu ditzatela, langileak eta haien bizitza erdigunean jarriz, eta ez etekin ekonomikoak soilik.
Horregatik guztiagatik, LABek bat egin dugu langileek deitutako mobilizazioekin eta gure kidego osoa eta herritarrak astelehenean Enpresako Komiteak 12:00tarako deitu duen kontzentrazioan parte hartzera deitzen ditugu.